Yuda 1:3 - Sukuma New Testament 2000

³ Batogwa, naalī na nghūmbū ja kūng'wandīkīla mihayo ya būpīji ūbo būlī wise pye a bose. Alīyo nabona īnigeleelilwe nang'wandīkīle ya kūmuguzuhya ū mu kūkūlwīlīla ū kūzunya, ūko benhelilwe beela lūkangala lūmò na lūmò dūhū.

Bibilia Ilagano Lya Kale 2015

³ Batogwa, naalī na ng'hūmbū ja kūng'wandīkīla mihayo ya būpīji ūbo būlī wise pye a bose. Alīyo nabona īnigeleelilwe nang'wandīkīle ya kūmuguzuhya ū mu kūkūlwīlīla ū kūzunya, ūko benhelilwe beela lūkangala lūmò na lūmò dūhū.

Ilagano Ipya Lya

³ Batogwa, aho nali nukomela ngʼkwandikila mihayo ya bupiji wiswe wa bose, nuhadikijiwa kungʼwandikila kumukomeleja giki, Muhalalililage kuzunya uko binhwa bela lukangala lumo duhu.

Yuda 1:3 Iomraidhean Croise

Shītwa 17:3

Wabakundūlīlaga na kūboolekeja hape, gīkī yalī īng'wigelile ū Kilisto aluhiwe na kūjūūka kūfuma mu bafu. Ūbawīla gīkī, “Ū Yesu ūyo nalīmusomboolela mhola jakwe ng'wenūyū, hūna ng'wene ū Kilisto.”

Shītwa 18:28

Nguno akayūbahehenaja kīngī nasho a Bayudaya; ūyūbagoola hape-hape, akūboolekejaga kūfuma mu shandīkwa, gīkī ū Yesu hū ng'wene ū Kilisto.

Shītwa 20:27

Nguno natalekile ū kūmuwīla pyī īyo ayīhelile ū Mulungu.

Shītwa 28:28

Ali lūūlū, managi gīkī ū būpīji bo ng'wa Mulungu wenūbū, būlītwalwa kū banhū ba mahanga, abo bakūwanukūla.”

Shītwa 4:12

Nīyo būtīho būpīji mulī munhū ūngī ose-ose, nguno ndūhū lina līngī hangī pye a hose a ha sīlīlī y'igūlū īlo binhwa a banhū, gīkī shitwigeleelilwe kūpījiwa mulyo.”

Shītwa 6:7

Ha numa ya henaho, ū mhayo go ng'wa Mulungu gongeja ū kūja gūkūsambaalaga; nī lisaabu lya bahemba ū mu Yelusalemu lyongeja ū kūkūla, na bagabīji bingī būyūgwanukūla ū kūzunya kwenūkū.

Shītwa 9:13

Nanghwe ū Anania ūshosha ūhaya, “Seeba ū munhū ng'wenūyo nayigwile mingī ī mihayo yakwe īyo akūbīītīlaga a beela bako ī Yelusalemu.

Shītwa 9:22

Alīyo ū Saulo ongeja kūbiza na nguzu, a Bayudaya ba Damasko ūyūbahuumūja hape-hape, ūlū alīboolekeja gīkī ū Yesu hū ng'wene ū Kilisto.

1 Bakolinto 15:3

Nguno ū mu mihayo mitaale īyo nanukūla ū nene, h'īyo nakandya ū kūng'winha na a bing'we; gīkī ū Kilisto akacha kūlwa shibi shise gīt'ūmo shandīkwa shihayīlile.

Bagalatia 2:5

Alīyo tūtabazunīlīgije nūūlū hado ū kūtūyebenganya, īkī twalī tūtogilwe ī nghana ya Nghūlū Jawiza yikale ho kūlwa nguno ying'we.

Bagalatia 3:28

Būtīho būsolanhyiwa a ha gatī ya Nyudaya nū w'ihanga līngī, na a ha gatī ya nsese nū yūyo alī mu wiyabī, nūūlū a ha gatī ya ngosha na nkīma; nguno ū mulī Kilisto Yesu pye a bose mulī būmò.

Bagalatia 6:11

Natogilwe mubone ūmo nang'wandīkīla nene ng'wenekīlī na nuguta nhaale-nhaale.

Baefeso 1:1

Nene Paulo ntūng'wa wa ng'wa Kilisto Yesu, kūlwa būtogwa bo ng'wa Mulungu. Kū beela [ba Efeso], abo banzunije Kilisto Yesu.

Bafilipi 1:1

Nene Paulo na Timoteo, basese ba ng'wa Kilisto Yesu: Kū beela bose abo balī mulī Kilisto Yesu, abo bazengile Filipi; hamò na a baasikofu, na a bagunaani.

Bafilipi 1:27

Kwike dūhū shimīzagi gīt'ūmo jilangīlile Nghūlū Jawiza ja ng'wa Kilisto. Ībize gīkī ūlū nūshika ko, namusange mukwītaga gīko. Nūūlū nūlemeelwa ū kūshika ko, nahene najiigwe ī mhola jing'we, gīkī ng'wīmīīlile na moyo gūmò; mukwigunaanaga na ngholó īmò ū mu wilwisha ūbo mulī nabo kūlwa kūjizunya ī Nghūlū Jawiza.

Bakolose 1:2

Kū badūgū beela na batogwa mulī Kilisto, abo balī Kolose. Shigongo na mhola shibize hamò ning'we kūfuma kūlī Mulungu Sīswe.

1 Batesalonike 2:2

Mumanile gīkī aho twalī mu Filipi twalī na makoye no, na gīkī twasondagūlagwa kībi no. Alīyo nahene nūūlū īkī twalī mu makoye mingī, twalī na būshisha-ngholó kūfuma kūlī Mulungu wise; h'ī nguno yene tūkamulomeela ū mhayo gokwe.

1 Timoteo 1:18

Bebe Timoteo ng'wana wane, ī mihayo yenīyī nalīkūlagīla gīt'ūmo būhangi būkafunyiwa kūlwa nguno yako, gīkī ūdūle kwilwisha mu kalwīle kawiza.

1 Timoteo 6:12

Lwaga kalwīīle kawiza ka mu kūzunya; būlanghanage ū būpanga bo welelo na welelo ūbo ūkitanīlwa aho ūkafunya būkaanīji būsoga kū būtongi wa banhū bingī.

2 Timoteo 1:13

Īyūmīīlage ī mihayo īyo wa kūfuma kūlī nene, nguno īlī mu kwihela kwa kūgunaana, īlanghanage mu kūzunya na būtogwa mulī Kilisto Yesu.

Tito 1:4

Kūlī Tito, ng'wana wane gete mu būsangī wa kūzunya; shigongo na mhola shibize hamò nangho kūfuma kūlī Mulungu Sīswe, na kūlī Seeba Yesu Kilisto Mpīja wise.

Bahebrania 13:22

Badūgū nalīng'wikūmbīlīja ng'wiyūmīlīje nago ū mhayo gwa būkomeleja wenūbū, ū mu mihayo migehu īyo nang'wandīkīla yenīyī.

Bahebrania 6:9

Kwike nahene badūgū nūūlū īkī tūlīhaya gīko, tūlī na kūsanya gīkī a bing'we ī mihayo ying'we īlī yawiza, īlīmo ū mu būpīji.

1 Petro 5:12

Ī mihayo ī migehu yenīyī nang'wandīkīla mu nkono go ng'wa Silwano, ūyo nang'wisaabile gīkī ndūgū nsanyiwa; nalīmukomeleja na kūmuwīla gīkī, ī shenīshi nghana shilī shigongo sha ng'wa Mulungu, īmīīlagi mo muhandatīle.

2 Petro 1:1

Nene Simioni Petelo, nsese na ntūng'wa o ng'wa Yesu Kilisto; kū banhū abo kūlwa būtūngīlīja bo ng'wa Mulungu na Mpīja wise Seeba Yesu Kilisto, bamala kwanukūla kūzunya gītī kwise, ūyo gūlī mhayo gwa mpango ntaale.

2 Petro 2:21

Nguno īlī hambū-hambū ūlū ni baalī batīmanile gete ī nzīla ya būtūngīlīja, kūtinda kwīmana hūna būgalūka na kūlekana nasho ī shilagīlo sheela īsho bakinhwa.

Yuda 1:1

Nene Yuda nsese wa ng'wa Yesu Kilisto, na ng'wana wa ng'wawe wa ng'wa Yakobo. Kū batogwa abo balī bitanwa, hangī balanghanilwe na Mulungu Sīswe mulī Yesu Kilisto.

Yuda 1:17

Alīyo a bing'we batogwa, yizūkagwi ī mihayo īyo mukandya kūwīlwa na a batūng'wa ba ng'wa Seeba wise Yesu Kilisto.

Yuda 1:20

Alīyo a bing'we badūgū bane, ng'ūlomba mu nguzu ja ng'wa Moyo Ng'wela, mukūzenge ū kūzunya kwing'we ūko kūlī kwela no-no-no.

Kukundulwa 12:11

Bampyenaga kūlwa mininga ga Ng'wana wa Ngholo, na kūlwa mhayo gwa būkaanīji wabo; na hangī nguno batabūsaatilwe ū būpanga wabo nūūlū kūshisha mu kūcha.

Kukundulwa 2:10

Ūtizūbogoha ū būluhi ūbo būlīhaya kūkūsanga, managa gīkī ū Shetani alī hihī kūmugema; bamò bing'we akūmuponya mu jeela: na nghana mukūluhiwa ikanza lya shikū ikūmi. Alīyo handatīlaga, ūbize ng'wishigwa nūūlū kūshisha mu kūcha; nakūkwinha ngikili ya būpanga.