Bafilipi 4:8 - Sukuma New Testament 2000

⁸ Badūgū, ū gwa kūmalīja gūlī gīkī, yose-yose īyo īlī ya nghana, yose-yose īyo yigeleelilwe logohano, yose-yose īyo ītūngīlīgije, yose-yose īyo yigeleelilwe kūlwa wela, yose-yose īyo īdūgije kūkumīlījiwa, yose-yose īyo īdūgije kwanukūlwa; ūlū būlīho wiza bose-bose, ūlū līlīho ikūjo lyose-lyose, yideedenghanyagi ī mihayo yenīyo.

Bibilia Ilagano Lya Kale 2015

⁸ Badūgū, ū gwa kūmalīja gūlī gīkī, yose yose īyo īlī ya ng'hana, yose yose īyo yigeleelilwe logohano, yose yose īyo ītūngīlīgije, yose yose īyo yigeleelilwe kūlwa wela, yose yose īyo īdūgije kūkumīlījiwa, yose yose īyo īdūgije kwanukūlwa; ūlū būlīho wiza bose bose, ūlū līlīho ikūjo lyose lyose, yideedeng'hanyagi ī mihayo yenīyo.

Ilagano Ipya Lya

⁸ Ya kumalija, badugu, mihayo yose iyili ya nghana, mihayo yose iyili ya ishima, mihayo yose iyili ya butungilija, mihayo yose iyili miela, mihayo yose iyitogije, na mihayo yose iyili ya lukumo lwa wiza; ulu buli ho bugalili, ulu guli ho mhayo gose gwa kukumilijiwa, idedekanyagi mihayo yeniyi.

Bafilipi 4:8 Iomraidhean Croise

Matayo 22:16

Būntūmīla bahemba babo na ban'ikūlū ba ng'wa Helode. Biza kūng'wīla, “Nangi, tūmanile gīkī ū bebe ūkashimīzīlaga mu nghana, nī nzīla ya ng'wa Mulungu ūkīlangaga mu nghana; nguno ūtīītaga mhayo kūlī munhū ose-ose kūlwa kūlola būshū bokwe.

Maliko 6:20

Nguno ū Helode olī ang'ogohile ū Yohana, olī andeebile gīkī olī munhū ntūngīlīja na ng'wela, na lūūlū olī amaladile. Ahene ozwanganaga ūlū ong'wigwa, alīyo ondegelekaga na būyegi.

Luka 16:15

Nanghwe ūbawīla, “A bing'we angū mukiyoolechaga ū kū banhū gīkī mulī batūngīlīja, alīyo ū Mulungu ajideebile ī ngholó jing'we; nguno īsho shikakumīlījiagwa na banhū shilī sha malofu ū kūlī Mulungu.

Luka 2:25

Ū mu Yelusalemu walīmo ngosha witanagwa Simioni, munhū ntūngīlīja na wa logohano. Walī akūlindīīlile ū kūlūngūjiwa kwa Baisilaeli; nū Moyo Ng'wela walī hamò nanghwe.

Luka 23:50

Walīho ūmò wa banamhala b'ibanza; munhū ntūngīlīja, hangī wawiza. Witanagwa Yosefu,

Yohana 7:18

Ūyo akahayaga yakwe ya ng'wenekīlī, akikoobelaga ikūjo lyakwe. Alīyo ūyo akakoobaga ikūjo lyakwe ūyo antūmile, ū ng'wenūyo alī wa nghana, na hangī ū mulī wei būtīmo būbi.

Shītwa 10:22

Nabo būng'wīla, “Kolinelio wawīlilwe na malaika ng'wela, gīkī akwitane ūje kū ng'wakwe ūkansomboolele mihayo milebe īyo ūlī nayo. Ū wei nshilikale, munhū ntūngīlīja na wa logohano kūlī Mulungu; nī lihanga lya Bayudaya līkankaanīlaga gīko.”

Shītwa 22:12

“Ī Damasko kwenūko walīho Anania, munhū ng'wishigwa mu kashimīzīle ka mu shilagīlo, pye a Bayudaya ba kwenūko bankaanīlaga chiza.

Shītwa 6:3

A bing'we badūgū solanhyagi banhū mpungatī ū mu bing'we, tūbatūūle a ha nīmo gwenūyū. Babize bakūkaanīlagwa gīkī bokajiwe na Moyo, hangī balī na witegeleja.

Balumi 13:13

Tūshimīzagi gīt'ūmo shiigeleelilwe mu kashimīzīle k'ikanza lya līīmi, ītī mu būlaku nūūlū būng'wi, ītī mu būjingi nūūlū kwikūmva kwabūbi, ītī mu wilemeelwa nūūlū wilu.

Balumi 13:3

Nguno a basugi batī na lyogohya kū shītwa shawiza, alīyo kū mihayo yabūbi; ūtogilwe kūleka kūng'ogoha nsugi? Beejaga yawiza akūkūkumīlīja.

Balumi 14:18

Ūyo akantūmamīlaga Kilisto mu gīko akanyejaga ū Mulungu, na a banhū bakizunīlījaga nanghwe.

Balumi 2:29

Alīyo ū Nyudaya wa nghana, ng'wene alī wa būmunhū bo mu gatī, nū būsaalwa bo nghana būlī mu ngholó, mhayo gwa mu moyo, ītī mu kūlondeela wandīke dūhū. Ū kūkumīlījiwa kwa ng'wa munhū ūyo alī gīko kūtafumaga kū banhū, kūkafumaga kūlī Mulungu!

1 Bakolinto 4:5

Nose hū kūhaya mutalamulage mihayo yose-yose aho lītaalī ū kūng'wa ī likanza, kūshisha ize ū Seeba ūyo akwītendegesa ha ng'wape pyī īyo yibisile mu giiti, na a maganiko ga myoyo agooleche hape; hūna ū būkumīlījiwa wa būlī munhū būkūfuma kūlī Mulungu.

2 Bakolinto 13:7

Ī haha tūlīnomba ū Mulungu mutizīīta mhayo gose-gose gwabūbi; ītī kūlwa gīkī a bise tūbonwe tūdūgije kūshimīzīla ū mu nzīla jakwe, alīyo a bing'we ītagi dūhū ī yawiza, nūūlū tūkabonekana a bise gīkī jitūlemeelile ī nzīla jakwe!

2 Bakolinto 6:8

Ībize mu kūkumīlījiwa na mu kūdalahījiwa, mu kūsondagūlwa na mu kūhayiwa chiza, nūūlū mu kūbalwa gīkī tūlī balomolomo, alīyo tūlī batūngīlīja.

2 Bakolinto 8:18

Ūūyo na ndūgū ūngī twantūmile hamò nanghwe, būlī kwene ū mu kanisa akūkumīlījiagwa no ū mu nīmo gwa Nghūlū Jawiza.

2 Bakolinto 8:21

Nguno tūkūgemaga no-no-no kūbeeja yawiza, ītī kūlī Mulungu dūhū, alīyo nū kū banhū.

Bagalatia 5:22

Alīyo ī litwajo lya ng'wa Moyo līlī: būtogwa, būyegi, mhola, wiyūmīlīja, wiza-ngholó, būdīlīji, kūzunya,

Baefeso 4:25

Nose lūūlū lekanagi nabo ū būlomolomo, ng'wiwīla ya nghana būlī munhū na nzenganwa ng'wiye, nguno tūlī mīlī gūmò go ng'wa Kilisto.

Baefeso 5:9

(Īkī ī litwajo lya ng'wisana līlī mu wiza bose na būtūngīlīja na nghana).

Baefeso 6:14

Na nghana īmīīlagi hīgīyī, ī nghana ng'wīyitunge gītī nshipi mu mikīmbīlī ying'we. Nū būtūngīlīja mubūzwalīle; ū wene hū būkūmulanghana gītī shizwalo sha chūma kū shikuba.

Bafilipi 3:1

Ū gwa kūmalīja badūgū bane gūlī gīkī, yegelagi mulī Seeba; ū nene natīko ū kūnoga ū kwikala nishokeela kūng'wandīkīla mihayo h'ī yenīyo dūhū, nguno īkūmulanghana.

Bakolose 4:5

Bizagi bitegeleja ū mu kashimīzīle king'we ū kū banhū abo balī hanze ya kūzunya; nī likanza ng'ūlītūmamīla chiza.

1 Batesalonike 4:12

Ū mu gīko hū mukūdūla kūgoloola a kashimīzīle ū kū banhū abo balī hanze ya kūzunya; nīyo mutūgwa nū mu makoye ga būgayiwa.

1 Timoteo 2:2

Kūlwa basugi na batongeeji bose, gīkī twikale mu mhola na būlembeezu, n'ikūjo mu wela bose.

1 Timoteo 3:11

Na a bake babo gīko; nabo babize bigeleelilwe ikūjo, batī basonghanya, babize balembeezu na bishigwa mu yose.

1 Timoteo 3:4

Abize amanile kūsuga kaya yakwe, a baana bakwe babize bidohya, hangī banhū b'ikūjo.

1 Timoteo 4:12

atizigela nūūlū ūmò wa kūbūdalaha ū būdinha wako. Ū bebe boolekejage būlolelo a bazunya, ū mu kalūngalūngīle nū mu kashimīzīle, nū mu būtogwa; pye nū mu kūzunya, nū mu wela.

1 Timoteo 5:10

Hangī nīyo ū nchīlwa abize akūkaanīlagwa gīkī alī na shītwa shawiza mu mihayo gītī ya kūlela baana, kūgunaana bageni, kooja mhambala ja beela, kūgunaana baluhi; abize nondeeji wa būlī mhayo gwawiza.

1 Timoteo 5:2

A bagikūlū gītī banoko, lelo a bashīke gītī balūmbūyo mu wela bose.

Tito 1:8

Alīyo abize ng'wiza-ngholó, munhū ūyo atogilwe mihayo yawiza, ng'witegeleja, ntūngīlīja, ng'wela, ng'wilanghani.

Tito 2:14

Ū wei akifunya ng'wenekīlī kūlwa nguno yise, gīkī atūkomoole kwīnga mu būbi bose, ibeegeje banhū bakwe ba wikomangīle, beela, na bakalalilwe kwīta yawiza.

Tito 2:2

A banamhala babize na masala madeekanu, banhū abo bigeleelilwe kwinhwa ikūjo. Babize bitegeleja na bapanga ū mu kūzunya nū mu būtogwa, pyī nū mu wiyūmīlīja.

Tito 2:7

Ū bebe ng'wenekīlī ū mu katūmamīle kako ka milīmo yose boolekejage būlolelo būsoga, ūbize ūtī na shilingo, nū mu kalangīle kako ūbize n'ikūjo.

Tito 3:14

Nīyo a banhū bise ni bilangage kwīta yawiza, bayūgunaana aho būlīho būgehelwa, batizūbiza batī na matwajo.

Bahebrania 11:2

Nguno a bataale hū bakaanīlilwe mu mhayo gwenūyo.

Bahebrania 13:18

Na a bise ng'ūtūlombela, tūmanile hape gīkī tūlī na wiyangūji wawiza ū mu myoyo yise, nīyo ī nghūmbū jise jilī gīkī tūshimīze kashimīzīle kawiza mu yose.

Yakobo 1:27

Ī dini neela, īyo ītī na shilingo kū būtongi bo ng'wa Mulungu ūyo alī Sīswe, yene īlī gīkī: kūja kūbalola bapīna na bachīlwa, na kūbagunaana mu makoye gabo. Na kwilanghana ng'wenekīlī ūtizūsosohajiwa na būbi bo mu sī.

Yakobo 3:17

Alīyo a masala ayo gafumile kwigūlya, ī soolo ya mhayo galī meela na hangī ga mhola. Galī na wiyūmīlīja, galī na wigwi, gokalile shigongo na matwajo masoga; a goi gatī na būsolanhya, galī ga nghana.

1 Petro 1:22

Nose īkī ū būpanga wing'we wamalile kwela kūlwa kwīzunya ī nghana, itogagwi mu būtogwa bo nyadūgū ūbo būtī na wibeeleja: itogagwi mu nghana kūfuma mu gatī ya ngholó.

1 Petro 2:12

Bizagi na kashimīzīle kawiza ū kū būtongi bo banhū abo batamanile Mulungu, ībize nūūlū balīmuhaya kībi gīkī mulī bīīti ba mihayo yabūbi, alīyo ū mu kūshibona ī shītwa shing'we ī shawiza balankumīlīje Mulungu, ū mu lūshikū lo kūsangwa.

1 Petro 4:8

Ū mhayo ū ntaale itogagwi mu būtogwa bo nghana, nguno ū būtogwa būkakundīkījaga shibi sha mbika ningī.

2 Petro 3:1

Batogwa, ī nyalūba yenīyī ya kabīlī lūūlū nalīng'wandīkīla. Ū mu jose būbīlī wajo nalīng'wizūkīja, nguno natogilwe ng'wīnje a mahane-hane ū mu maganiko ging'we.

1 Yohana 3:18

Bing'we baana, yaya ū kūtogwa mu mihayo nūūlū ha lūlīmi dūhū, alīyo mu shītwa na mu nghana.

1 Yohana 3:3

Kūlwa yenīyī, būlī ng'wene ūyo alī nako ū kwisagīlwa kwenūkū mulī we, akwiyeejaga ng'wenekīlī abize ng'wela gīt'ūmo alī ū wei ū mu wela.

1 Yohana 4:1

Batogwa, yaya ū kwizunīlīja na būlī munhū ūyo akūhayaga gīkī alī na moyo gwa kūfuma kūlī Mulungu; alīyo ng'wīgema ī myoyo ng'wabona ūlū īfumile kūlī Mulungu. Nguno ū mu sī baakwīlile no a bahangi a balomolomo.