Bafilipi 4:5 - Sukuma New Testament 2000

⁵ Ū wiyūmīlīja wing'we būmanīke kū banhū bose, ū Seeba alī hihī.

Bibilia Ilagano Lya Kale 2015

⁵ Ū wiyūmīlīja wing'we būmanīke kū banhū bose, ū Seeba alī hihī.

Ilagano Ipya Lya

⁵ Bufula wingʼwe bamanike ku banhu bose. Seba ali hihi.

Bafilipi 4:5 Iomraidhean Croise

Matayo 6:25

“Hūna lūūlū, nalīmuwīla yaya ū kwikala mukūkoya-koyelaga būpanga wing'we, gīkī mukūlya kī, nūūlū mukūng'wa kī; nūūlū mīlī gwing'we, gīkī mukūzwala kī. Angū, ū būpanga būtī na mpango ntaale kūtinda shilīwa? Nū mīlī gūtashiheebile ī shizwalo?

Matayo 6:34

Lekagi ū kwikala ng'ūkoya-koyela ya ha ntondo, nguno ī ya ntondo nayo īkūlonjiwa ng'wikanza lyayo; būlī lūshikū lūlī na makoye ga kūlwigela.”

Luka 21:34

“Hūna lūūlū ilanghanagi mutizilendeja, ī ngholó jing'we jitizūheewa na būponanja bo sabo, nūūlū būleevi na kūkoya-koyela ya būpanga ūbū, nose ū lūshikū lwenūlo lūng'wisanganīje.

1 Bakolinto 16:22

Ūlū alīho munhū atantogilwe Seeba leka azung'we. Malanasa!

1 Bakolinto 6:7

Hama nīyo ū mhayo gwa kwishisha kū mabanza gwenūyū, gūloolecha gīkī būlīho būgehelwa būtaale ū mu bing'we! Nibūlī mutūzunyaga hambū-hambū nūūlū kwītīlwa ī yabūbi; nūūlū ni kūnyeekejiwa?

1 Bakolinto 8:13

Hū kūhaya ūlū shilīwa shilīng'wenheleja ndūgū wane kwipama, nūūlū nyama nakūleka gete ilalī ū kūlya, natizūng'wipamya ū ndūgū wane.

1 Bakolinto 9:25

Hama hangī būlī munhū ūyo alī mu tagambī ya wishiganhīji akilanghanaga mu yose. A bene bakīītaga gīko kūlwa kwanukūla ngikili īyo īdūgije kūkenaagūka; alīyo a bise ītī ya kūkenaagūka.

2 Bakolinto 10:1

Hūna lūūlū, ū nene Paulo nalīng'wikūmbīlīja kūlwa būfula na wiyūmīlīja bo ng'wa Kilisto; nene ng'wenekīlī ūyo nakabonekanaga gīkī nalī ng'ooba wa booba ū kū bing'we ūlū nalī hamò ning'we, alīyo ūlū natīho nalī ngimu!

2 Batesalonike 2:2

mutizūlelengetiwa wangū-wangū ū mu maganiko ging'we. Na hangī yaya ū kūzwanjiwa nūūlū na moyo nebe. Nūūlū īkabiza mihayo ya mbika kī, nūūlū yūbiza nyalūba īlīhayiwa angū yafumile kū bise, īlīyomba gīkī ū lūshikū lo ng'wa Seeba lwamalile kūshika!

Tito 3:2

Yaya ū kūbiza badūkani nūūlū bayombo; babize biyūmīlīja, hangī booleche widohya būtaale kū banhū bose.

Bahebrania 10:25

Yaya ū kūgūleka ū mhayo gwa kwibilinga hamò, ūmo shilī shīmīle sha banhū bamò, alīyo twikomeleja; nīyo ī no-no-no īkī mulībona gīkī lwegeelaga kūshika ū lūshikū lwenūlo!

Bahebrania 10:37

Nguno lyasaagaga ikanza ido no, hūna ūyo aliza, akwiza; nīyo atūdīlaga.

1 Petro 1:11

Baalī batogilwe kūlitegeleja nī likanza, balīmane līkūbiza nanalī na lya mbika kī, īlo waboolekejaga ū Moyo wa ng'wa Kilisto ūyo walī mubo, aho akūbamanīkījaga ī mihayo ya būluhiwa bo ng'wa Kilisto, kūko ītaalī kūshika, nī ya makūjo ayo galabize ho a ha numa yaho.

1 Petro 4:7

Ali lūūlū, ī nghalīlo ya yose yegeelaga; bizagi balembeezu na ba masala madeekanu ū mu kūlomba.

Kukundulwa 22:20

Ū Nkaanīji wayo ī mihayo yenīyī alīhaya, “Ee, naliza wangū.” Alichene, nzūgū Seeba Yesu.

Kukundulwa 22:7

“Managa gīkī naliza wangū, alī na mbango ū wa kwīdima ī mihayo ya būhangi ūbo wandīkilwe ū mu shitabo shenīshi!”