Bafilipi 4:18 - Sukuma New Testament 2000

¹⁸ Ī shose īsho nalī nasho shinigelile na kūtinda ho. Aho nanukūla nī shisho akenha Epafuladito kūfuma kū bing'we nongeja ū kūkwīja; ī shoi shilī ng'waso gwa kūnungha chiza, shitambo shizunīlījiwe sha kūnyeja Mulungu.

Bibilia Ilagano Lya Kale 2015

¹⁸ Ī shose īsho nalī nasho shinigelile na kūtinda ho. Aho nanukūla nī shisho akenha Epafradito kūfuma kū bing'we nongeja ū kūkwīja; ī shoi shilī ng'waso gwa kūnung'ha chiza, shitambo shizunīlījiwe sha kūnyeja Mulungu.

Ilagano Ipya Lya

¹⁸ Aliyo nene ndi nasho sha kutugela na kutinda hoi: nokaiile, naanukula kuli Epafrodito isho shali shufuma ku bingʼwe, shili ngʼwaso gwa kunungha chiza, na kitambo chazunilijiwa, cha kunyeja Mulungu.

Bafilipi 4:18 Iomraidhean Croise

Shītwa 10:4

Ū Kolinelio ūnkalalīla kūnū ogohaga; wanoga nose ūhaya, “Ni ginehe Seeba!” Ūng'wīla gīkī, “Ū kūlomba kwako nū wiza-ngholó wako shanukūlilwe kwigūlya, kūbiza shizūkījo kūlī Mulungu.

Balumi 12:1

Ali lūūlū badūgū bane, nalīng'wikūmbīlīja kūlwa shigongo sha ng'wa Mulungu; gīkī, īfunyagi ī mibīlī ying'we ībize shitambo shipanga na sheela sha kūnyeja Mulungu, hū kene a kalamīje king'we ako kigeleelilwe.

2 Bakolinto 11:8

Ī mheela īyo nanukūlaga kūlwa kūmutūmamīla bing'we, napandīkaga kūfuma kū banhū ba kanisa jingī!

2 Bakolinto 9:12

Īkī ū nīmo ūyo mulīgwīta gwenūyū gūtagelelile ha kūgunaana beela dūhū, alīyo gūlongeja kūbeela no kūlwa būlūmbi ūbo akūfunījiagwa Mulungu.

Baefeso 5:2

Mushimīzīle mu būtogwa gīt'ūmo Kilisto atūtogelilwe a bise, kūshisha wifunya kūlwa nguno yise kūbiza shakwinha, na shitambo sha ng'waso gwawiza kūlī Mulungu.

Bafilipi 4:12

Nabūmanile ū būbi wa būgayiwa nū wiza wa būsabi, būlī mhayo naagūbītīla, pyī ī yose nīmanile; nalūmanile ū lwigūto, nū lūtuubo nalwitegelegije. Nagūmanile ū gwa kūkwīlīlwa, nū gwa kūgehelwa nagūmanile.

2 Batesalonike 1:3

Badūgū, shitwigeleelilwe kūnūmba Mulungu būlī gwa kūlwa nguno ying'we. Īlī yawiza twīte gīko nguno ū kūzunya kwing'we kūkūjaga kongeja kūkūla na kūbiza na nguzu; nū būtogwa wing'we ūmo ng'witogelilwe būlī munhū na ng'wiye būkūjaga bongeja kūkwīla.

Bahebrania 13:16

Alīyo mutizība ū kwīta ī yawiza, nū kūtūmamīla mu būsangī ī shikolo. Nguno ī shitambo sha mbika yenīyo shinyegije ū Mulungu.

1 Petro 2:5

Na a bing'we ī haha mulī gītī mawe mapanga, ayo gakūzengagwa kūbiza numba ībeejiwe mu kazengele ka ng'wa Moyo, ng'wingīle mu būgabīji wela kūlwa kūntūmamīla Mulungu mu katongeelelwe ka ng'wa Moyo, ako kazunīlījiwe mulī Yesu Kilisto.