Bafilipi 3:9 - Sukuma New Testament 2000

⁹ na nabonekane nalī mulī we, ītī kūlwa būtūngīlīja bone bo mu shilagīlo; alīyo kūlwa kūnzunya Kilisto, kūlwa būtūngīlīja bo ng'wa Mulungu ūbo būfumile mu kūzunya.

Bibilia Ilagano Lya Kale 2015

⁹ na nabonekane nalī mulī we, ītī kūlwa būtūngīlīja bone bo mu shilagīlo; alīyo kūlwa kūnzunya Kilisito, kūlwa būtūngīlīja bo ng'wa Mulungu ūbo būfumile mu kūzunya.

Ilagano Ipya Lya

⁹ Hangi nilonge muli Wei, nati na butungilija wane wa ngʼwenekele, ubufumile mu shilagilo, aliyo ubo ubukupandikagwa mu kuzunya ukuli muli Kristo, u butungilija ubufumile kuli Mulungu kulwa kuzunya;

Bafilipi 3:9 Iomraidhean Croise

Matayo 9:13

Na lūūlū, jagi mukilange a makūlū ga mhayo ūyū, gīkī: ‘Natogilwe shigongo, ītī shitambo;’ nguno ū nene natizile kwitana batūngīlīja, alīyo ba shibi!”

Balumi 1:17

Nguno ū mujo būkoolechiagwa būtūngīlīja bo ng'wa Mulungu, kwandīja mu kūzunya na kūkalīkīja mu kūzunya, gīt'ūmo gwandīkilwe gīkī, “Ū ntūngīlīja akūbiza mpanga kūlwa kūzunya.”

Balumi 10:10

Ū munhū akūbalīlwa būtūngīlīja kūlwa kūzunya ū mu ngholó yakwe, na akūpījiwa kūlwa kūkaanīla na nomo gokwe.

Balumi 16:7

Bagīshagi na a badūgū bane a ba Andiloniko nū Yunia, abo baalī batungwa bichane. A benabo bamanīkile ū kū batūng'wa, hama nīyo batongi ū kūlī nene ū kūbiza mo ū mulī Kilisto.

Balumi 5:21

Ībize gīkī ūmo shibi shilī na būsugi mu nzīla ya kūcha, nī shigongo nasho ū mulī Seeba wise Yesu Kilisto shisuge mu nzīla ya būtūngīlīja, kūshisha mu būpanga bo welelo na welelo.

Balumi 8:1

Ali lūūlū, ī haha gūtīho nsango ū kū banhū abo balī mulī Kilisto Yesu.

Balumi 8:3

Īkī ū mhayo ūyo gwalī gūtadūlīkanile kwītwa mu nzīla ya shilagīlo, īsho shitī na nguzu kūlwa nguno ya būgokolo wa mīlī, ū Mulungu wagwītile aho wantūma ū Ng'wana wakwe kwiza, alī mu suso ya mīlī gwa shibi kūlwa nguno ya shibi; ū mu mīlī gwenūyo ūshinha nsango ī shibi.

1 Bakolinto 1:30

Hūna lūūlū a bing'we mulī bakwe ū mulī Kilisto Yesu, ūyo kūlwa nguno yise wītwa kūbiza masala ga kūfuma kūlī Mulungu, hamò na būtūngīlīja na wela na būkomooji;

2 Bakolinto 5:17

Hūna lūūlū, munhū ose-ose ūlū alī mulī Kilisto, alī shiseeng'wa shipya; ī ya kale yamalaga kūbīta, ī haha īlīho mipya.

2 Bakolinto 5:21

Nguno ū wei akang'wīta kūbiza shibi ūyo walī atamanile shibi, kūlwa nguno yise; gīkī a bise tūbize būtūngīlīja wa ng'wa Mulungu mu nzīla yakwe.

Bagalatia 2:16

tūmanile gīkī ū munhū atīko kūbalīlwa būtūngīlīja kūlwa shītwa sha mu shilagīlo, ūlū ītī kūlwa kūnzunya Yesu Kilisto dūhū. H'ī nguno yene na a bise tūnzunije ū Kilisto Yesu, gīkī tūbalīlwe būtūngīlīja kūlwa kūnzunya Kilisto, ītī kūlwa shītwa sha mu shilagīlo. Nguno atīho nūūlū ūmò ūyo akūbalīlwa būtūngīlīja kūlwa shītwa sha mu shilagīlo.

Bafilipi 3:6

Ū mu būjangīīzu naalī nuhya wa kanisa, hama ū mu būtūngīlīja ūbo būfumile mu shilagīlo, naalī natī na shilingo!

2 Timoteo 1:9

ūyo watūpīja. Hangī watwitana mu kwitana kwela, ītī kūlwa wiza bo shītīle shise; alīyo kūlwa kasolele kakwe na shigongo shakwe, gīt'ūmo atwinhīlile mulī Kilisto Yesu kūfuma kale, kūko ikanza lītaalī kwandya kūbiza ho.

Tito 3:5

ūtūpīja. Kwike ītī kūlwa nguno twalī twabeeja shītīle sha būtūngīlīja, alīyo kūlwa shigongo shakwe. Ūtūpīja mu nzīla ya kūtooja kūlwa kūbyalwa būpya, na kwītwa kūbiza bapya mu nzīla ya ng'wa Moyo Ng'wela,

Bahebrania 6:18

Hūna ū mu mihayo īy'ībīlī yenīyo īyo ītī ya kūgalūka, īyo Mulungu atūdūla kwīhaya mu būlomolomo, a bise tūkūlūngūjiagwa no-no-no; a bise abo tūkūpeelaga kūja kū būtongi kūjūwanukūla ū wisagījiwa ūbo būtūūlilwe ko.

Yakobo 3:2

Nguno pye a bose tūkipamaga mu mihayo ya mbika na mbika; ūlū alīho munhū atipamaga mu kayombele, ū ng'wenūyo nshikanu; hangī ashikile kūgūlanghana pyī ū mīlī gokwe.

2 Petro 1:1

Nene Simioni Petelo, nsese na ntūng'wa o ng'wa Yesu Kilisto; kū banhū abo kūlwa būtūngīlīja bo ng'wa Mulungu na Mpīja wise Seeba Yesu Kilisto, bamala kwanukūla kūzunya gītī kwise, ūyo gūlī mhayo gwa mpango ntaale.

1 Yohana 3:4

Būlī ng'wene ūyo akīītaga shibi akīītaga mhayo gwa būgomi, nguno ī shibi būlī būgomi.