Bafilipi 3:20 - Sukuma New Testament 2000

²⁰ Alīyo a bise ū būjigajiga wise būlī ng'wigūlū, hama nīyo ū kūfuma ko ū kwenūko, tūnindīīlile mpīja Seeba Yesu Kilisto;

Bibilia Ilagano Lya Kale 2015

²⁰ Alīyo a bise ū būjigajiga wise būlī ng'wigūlū, hama nīyo ū kūfuma ko ū kwenūko, tūnindīīlile mpīja Seeba Yesu Kilisito;

Ilagano Ipya Lya

²⁰ Iki bujigajiga wiswe buli ngʼwigulu, kufuma kwene tunindilile u Mpija Seba Yesu Kristo:

Bafilipi 3:20 Iomraidhean Croise

Matayo 19:21

Ū Yesu ūnshokeja ūng'wīla gīkī, “Ūlū ūtogilwe kūbiza nshikanu, jaga ūkashijinje ī shikolo shako ūbinhe bahabī. Ū wibīkīja wako wa sabo būkūbiza ng'wigūlū, hūna wize ūnilondeele.”

Luka 12:21

H'ūmo alī būlī ng'wene ūyo akibīkīlaga sabo jakwe wei ng'wenekīlī, alīyo ū kūlī Mulungu atī na sabo yose-yose!”

Luka 14:14

Ū mu kwīta gīko ūkūbiza na mbango; nguno a boi batī na mheela ya kūkwinha, alīyo ūkwinhwa ng'wikanza lya būjūūko wa batūngīlīja.”

Shītwa 1:11

Būbawīla gīkī, “Bing'we bana Galilaya, nibūlī ng'wīmīīlaga ng'ūkalalīla ng'wigūlū? Ū Yesu ūyo wamala kwanukūlwa ng'wigūlū kūfuma kū bing'we ng'wenūyū, akwiza hangī gīt'ūmo ng'wamonelaga ajile ng'wigūlū gīko.”

1 Bakolinto 1:7

Nguno mutī na būgehelwa mu shakwinhwa shose-shose aho mutaalī mulīlindīīlile ī likanza lya koolechiwa kwa ng'wa Seeba wise Yesu Kilisto.

1 Bakolinto 15:48

Ūmo alī ū wa mu sī, h'ūmo balī a ba mu sī, nū mumo alī ū wa ng'wigūlū, h'ūmo balī a ba ng'wigūlū.

2 Bakolinto 4:18

Nose tūtūshikalalīlaga ī shikolo ī sha kūbonwa, alīyo īsho shitī sha kūbonwa. Nguno ī sha kūbonwa shilī sh'ikanza dūhū, alīyo īsho shitī sha kūbonwa shilī sha būja na būja.

2 Bakolinto 5:8

Na nghana tūlī bashisha-ngholó, kwike tūkūbonaga gīkī, īlī hambū-hambū twīnge ū mu mīlī tūje kaya kūlī Seeba.

Bagalatia 4:26

Lelo ī Yelusalemu ya kwigūlya, ī yene īlī mu wiyabī; hū ng'wene ū niniswe a bise.

Baefeso 2:19

Ali lūūlū, mutī babisa na bashimīzi, alīyo mulī bazengi hamò nabo a beela. Mulī banhū ba mu kaya ya ng'wa Mulungu gete.

Baefeso 2:6

Ūtūjūūcha hamò nanghwe ū Kilisto Yesu, hūna ūtwigasha hamò nanghwe mu mapandī ga ng'wigūlū,

Bafilipi 1:10

Mubize na būdūla bo kwīkomanya ī mihayo, banhū batūngīlīja abo batīko kūdalahwa ū mu lūshikū lwa ng'wa Kilisto.

Bafilipi 1:27

Kwike dūhū shimīzagi gīt'ūmo jilangīlile Nghūlū Jawiza ja ng'wa Kilisto. Ībize gīkī ūlū nūshika ko, namusange mukwītaga gīko. Nūūlū nūlemeelwa ū kūshika ko, nahene najiigwe ī mhola jing'we, gīkī ng'wīmīīlile na moyo gūmò; mukwigunaanaga na ngholó īmò ū mu wilwisha ūbo mulī nabo kūlwa kūjizunya ī Nghūlū Jawiza.

Bakolose 1:5

Ī yose yenīyo mulī nayo kūlwa wisagījiwa ūbo mubīkīlilwe ng'wigūlū, na ng'wamalile kūwigwa mu mhayo gwa nghana; ī Nghūlū Jawiza,

1 Batesalonike 1:10

Ī haha mukūnindīīlaga Ng'wana wakwe ūyo akwiza kūfuma ng'wigūlū, ūyo akanjūūcha kūfuma mu bafu, ū Yesu, ūyo alī mpīja wise kūfuma mu būpelanu ūbo būliza.

1 Batesalonike 4:16

Nguno ū Seeba ng'wenekīlī akwiza kūfuma ng'wigūlū n'ilaka itaale lya kūlagīla, ilaka lya ng'wa malaika ntaale, n'ipembe lya ng'wa Mulungu; hūna abo baachīla mulī Kilisto bakūtonga ū kūjūūka.

2 Timoteo 4:8

Ū kū nghalīlo ya yose ū mu lūshikū lwenūlo, īlīho mheela ya būtūngīlīja, īyo natūūlīlilwe; ngikili ya nyatemi, īyo akūninha ū Seeba, ū Namuji ntūngīlīja. Hangī nīyo ītī nene dūhū, alīyo pye na a bangī abo bakūyegelile ū kwilonga kwakwe.

Tito 2:13

aho tūtaalī tūkūlindīīlaga kwisagīlwa kwa kūyeja na kwilonga kw'ikūjo lya ng'wa Yesu Kilisto, ūyo alī Mulungu na mpīja wise ntaale.

Bahebrania 12:22

A bing'we ng'wizile kū lūgūlū lo Sayuni, kū nzengo go ng'wa Mulungu mpanga, Yelusalemu ya ng'wigūlū; kū būhī na būhī bo bamalaika.

Bahebrania 9:28

h'ūmo nū Kilisto wamala kūfunyiwa kamò dūhū gīko, kūlwa kwīnja shibi sha bingī. Ū lūkangala lwa kabīlī akwilonga, ītī kūlwa nguno ya shibi; alīyo kūlwa kūbenhela būpīji abo banindīīlile we.

Kukundulwa 1:7

Managa gīkī, akwiza na malunde, na būlī liso līkūmona, pye na a babo bakanchima. Hama a ba mu sī ng'anda jose, bakūlīla kūlwa nguno yakwe. Ee, alichene!