Bafilipi 3:2 - Sukuma New Testament 2000

² Bakangūkagi a banhū a bahūnga, a ba nhūngwa gītī ja mva, abo basendamīlile mhayo gwa kūsaalwa.

Bibilia Ilagano Lya Kale 2015

² Bakangūkagi a banhū a bahūnga, a ba nhūngwa gītī ja mva, abo basendamīlile mhayo gwa kūsaalwa.

Ilagano Ipya Lya

² Ilanghanagi ku mva, ilanghanagi ku biiti ba ya bubi, ilanghanagi ku bichembi:

Bafilipi 3:2 Iomraidhean Croise

Matayo 24:10

Hama bingī bakwipama, na bakūyilodeela kūlwa nguno ya kwikolwa benekīlī na benekīlī.

Matayo 7:15

“Bilanghanagi a bahangi a balemba-lembi, abo bakūng'wizīīlaga gītī shiinū ng'wikūnza lya ngholo, alīyo ū mu gatī balī mhūge ndaku.

Matayo 7:6

Ī shikolo ī shawiza mutajinhage mva, nī shikolo shing'we ī sha mpango ntaale yaya ū kūshiponeja ngulubī, nguno jikūshipandagīla dūhū shisosohale, hama jimugalūkīle jimugulaje!”

Balumi 2:28

Ū Nyudaya higūlya-gūlya dūhū atī Nyudaya ū ng'wenūyo, nū yūyo asaalilwe higūlya-gūlya dūhū nanghwe atasaalilwe.

2 Bakolinto 11:13

Nguno a bene batūng'wa ba kwigīmbīja, balomolomo ba balomolomo; bakwiyītaga kūbiza batūng'wa ba ng'wa Kilisto.

Bagalatia 5:13

A bing'we badūgū ng'wamala kwitanwa kwingīla mu wiyabī, kwike yaya ū kūbūtūmamīla ū wiyabī wing'we mu kūyeja mīlī, alīyo ng'wigunaana mu būtogwa.

Bagalatia 5:15

Alīyo ūlū ng'wikale mukwigombagūlaga na kwilumagūla bing'we bike, langhanagi mutizimala!

Bagalatia 5:6

Nguno ū mulī Kilisto Yesu ū mhayo gwa kūsaalwa nūūlū kūleka kūsaalwa gūtī na solobo yose-yose, ū mhayo ū ntaale gūlī gīkī; ū būzunya wiyooleche mu shītwa sha būtogwa.

Bafilipi 3:19

A banhū benabo ī nghalīlo yabo īlī kūyagala, ī nda jabo hū mulungu wabo, ī mihayo īyo yigelile kūbadimya minala h'īyo bakīkumīlījaga, a maganiko gabo galolile kū shikolo sha mu sī.

Bafilipi 3:3

Nguno a bise h'abo tūsaalilwe, a bise abo tūkalamyaga mu kūtongeelwa na Moyo wa ng'wa Mulungu, na tūkayegelaga mulī Kilisto Yesu; abo tūtasendamīlile mīlī.

1 Timoteo 1:19

Ūbize na kūzunya, na wiyangūji wawiza ū mu moyo; nguno ī haha balīho bangī balī mu nhabaala ya kūtubīla, kūlwa kūleka kūkūdīlīla ū kūzunya.

Tito 1:16

A banhū gītī benaba batogilwe ū kwihaya gīkī bandeebile ū Mulungu, alīyo ū mu shītīle shabo banemile. Banhū ba malofu na bashitiigwa, nīyo batigeleelilwe mu nīmo gose-gose ū gwawiza!

2 Petro 2:22

Ū mu gīko bakwīshikīlījaga ī mihayo ya lūsumo lwa nghana ūlo lūhayile gīkī, “Ī mva īkashokelaga malūki gayo!” Na gīkī, “Ī ngulubī nūūlū yoojiwa īkashokaga hangī kūgalagala mu tembe!”

Yuda 1:4

Nguno balīyigungumalīka moi mu wiba-wiba na banhū abo bahelelilwe nsango kūfuma kale, abo bakūshigalūchaga ī shigongo sha ng'wa Mulungu wise kūbiza mhayo gwa būsoso. A boi batī na logohano ū kūlī Mulungu, nīyo bakūnemaga nū Seeba wise ū Yesu Kilisto, ūyo alī Seeba we wike.

Kukundulwa 2:9

Nabūmanile ū būluhi wako nū būhabī wako, kwike ūlī nsabi. Nabūmanile nū būsondagūji wabo abo bakihayaga gīkī Bayudaya, alīyo batī bene; a boi balī isinagogi lya ng'wa Shetani.

Kukundulwa 21:8

Alīyo a booba na a bagomi, na a basoso, na a babūlagi, na a bajingi, na a balogi, na a balamya ba shiikolile; pye na a balomolomo, a bene ū ngabo gwabo gūlī mu nyanza ya kūbaka moto na būgota bo shibiliti, hū kūcha kwa kabīlī.”

Kukundulwa 22:15

Alīyo a hanze jilīho mva, na balogi, na bajingi, na babūlagi, na balamya ba shiikolile; na a balomolomo, abo batogilwe kwīta ya būlomolomo.

Kukundulwa 3:9

Managa gīkī a ba ng'wisinagogi lya ng'wa Shetani, abo bakūlomalomaga bihaya gīkī Bayudaya alīyo batī bene, nakūbīīta bize batuje mazwi kū mhambala jako; hama nakūbīīta bamane gīkī nakūtogilwe.