Bafilipi 2:8 - Sukuma New Testament 2000

⁸ Ūbiza ng'widohya no, hangī ng'wigwi; kūshisha ūzunya kūcha lūfu lo ha nsalaba.

Bibilia Ilagano Lya Kale 2015

⁸ Ūbiza ng'widohya no, hangī ng'wigwi; kūshisha ūzunya kūcha lūfu lo ha nsalaba.

Ilagano Ipya Lya

⁸ Na aho ubonwa ali mu suso ya banhu, akidohya ngʼwenekele na ubiza nyehu nulu kushisha mu kucha, hu kwene kucha kwa ha nsalaba.

Bafilipi 2:8 Iomraidhean Croise

Matayo 17:2

Kūhayimanīla ī lihanga lyakwe lyagalūka balolile; ū būshū bokwe būyūteemagīla gītī līīmi, nī shizwalo shakwe sheela pe gītī isana.

Matayo 26:39

Ūja ha būtongi ho hado, ūūkiponeja ha sī, winama kūshisha ha sī ū būshū bokwe, ūlomba alīhaya gīkī, “Baba ūlū īlīdūlīkana, ī shikombe īshi shinibītīīle; kwike īt'ūmo natogelilwe nene, alīyo ūmo ūtogelilwe bebe!”

Matayo 26:42

Ūja hangī lūkangala lo kabīlī ūūkalomba alīhaya, “Baba, ūlū ītadūlīkanile ī shikombe shenīshi shibīte natashing'wile, ni īshikīīlage īyo wītogilwe bebe!”

Luka 9:29

Aho alīlomba, ī lihanga lya būshū bokwe lyūgalūka, nī shizwalo shakwe sheela pe; shūyūng'weka-ng'weka.

Yohana 10:18

Atīho wa kūnitaaja; nene ng'wenekīlī nalībūfunya, nalī na būdūla bo kūbūfunya, hama nalī nabo nū būdūla bo kūbūsola hangī. Ū mhayo gwenūyū nagwanukūla kūfuma kūlī Baba.”

Yohana 14:31

Alīyo ū nene nakīītaga gīt'ūmo anilagīlile ū Baba, a ba mu sī bamane gīkī nantogilwe. Būūkagi tūje twīnge a henaha!”

Yohana 15:10

Ūlū ng'ūshidima ī shilagīlo shane mukwikala ū mu būtogwa bone, gīt'ūmo nū nene nakikalaga mu būtogwa bo ng'wa Baba, īkī nashidimile ī shilagīlo shakwe.

Yohana 4:34

Nanghwe ū Yesu ūbawīla, “Ī shilīwa shane ū nene, shilī kwīta īyo atogilwe ūyo anitūmile; kūgūshikīlīja ū nīmo gokwe.

Shītwa 8:33

Kūlwa kūdalahwa atalamulilwe mu būtūngīlīja; nani ūyo adūgije kwīsomboola ī mihayo ya shibyalīlwe shakwe? Nguno ū būpanga bokwe būkīnjiwa ū mu sī!”

Balumi 5:19

Na hangī gīt'ūmo banhū bingī bakīītwa kūbiza ba shibi kūlwa būshitiigwa bo ng'wa munhū ūmò, īlī gīko nū mu wigwi bo ng'wa Munhū ūy'ūmò, bingī bakwītagwa kūbiza batūngīlīja.

2 Bakolinto 8:9

Nguno mushimanile ī shigongo sha ng'wa Seeba wise Yesu Kilisto, ī gīkī nūūlū īkī nsabi, alīyo akihabīpya wei ng'wenekīlī kūlwa nguno ying'we, gīkī ū mu būhabī bokwe a bing'we mubize basabi.

Bagalatia 3:13

Ū Kilisto akabiza izumo kūlwa nguno yise, hūna lūūlū wamala kūtūkomoola a bise, ūtwīnja ū ng'wizumo lya shilagīlo, nguno gwandīkilwe gīkī, “Azumilwe būlī ng'wene ū wa kūnungelejiwa ha līntī.”

Tito 2:14

Ū wei akifunya ng'wenekīlī kūlwa nguno yise, gīkī atūkomoole kwīnga mu būbi bose, ibeegeje banhū bakwe ba wikomangīle, beela, na bakalalilwe kwīta yawiza.

Bahebrania 12:2

ū kūnū tūnkalalīlile Yesu, ū ng'winhi na nshikanya wa kūzunya kwise, ūyo akiyūmīlīja kūluha ha nsalaba, wīdalaha ī minala kūlwa būyegi ūbo walī atūūlīlilwe; ī haha igashije kū nkono gwa būlyo gw'Isumbī lya būtemi lya ng'wa Mulungu.

Bahebrania 12:4

A bing'we a mininga ging'we gataalī kwidīka kūlwa nguno ya kwilwisha na shibi.

1 Petro 2:24

Wei ng'wenekīlī akashibūūcha ī shibi shise mu mīlī gokwe ha līntī, gīkī tūche ū mu shibi, alīyo ū mu būtūngīlīja tūbize bapanga; mukūpījiagwa mu nzīla ya magulagīje gakwe.

1 Petro 3:18

Nguno nū Kilisto akacha lūkangala lūmò dūhū kūlwa shibi shing'we; ū Ntūngīlīja ūcha kūlwa nguno yabo abo batī batūngīlīja, gīkī ang'wenhe a bing'we kūlī Mulungu. Akabūlagwa ū mu mīlī alīyo ū mulī Moyo wītwa kūbiza mpanga.