Bafilipi 2:5 - Sukuma New Testament 2000

⁵ Ning'we bizagi nalyo ī liganiko īlo walī nalyo ū Kilisto Yesu;

Bibilia Ilagano Lya Kale 2015

⁵ Ning'we bizagi nalyo ī liganiko īlo walī nalyo ū Kilisito Yesu;

Ilagano Ipya Lya

⁵ Bizagi na iganiko ili mu bingʼwe, ilyubiza muli Kristo Yesu:

Bafilipi 2:5 Iomraidhean Croise

Matayo 11:29

Solagi ijoki lyane, ng'wilange kūfuma kūlī nene, nguno ū nene nalī nfula na nalī ng'widohya ū mu ngholó; ū mu gīko hū būkwifuula ū būpanga wing'we.

Luka 22:27

Angū ū ntaale ni alī; ūyo igashije akūlyaga shilīwa, nūūlū ūyo akūtagambaga na būtoneeji? Atī ūyo igashije? Īlī gīt'ūmo nalī ū nene ū mu bing'we; nalī gītī ntoneeji!

Shītwa 10:38

Ū Mulungu walī ang'witīīlile Moyo Ng'wela na būdūla ū Yesu wa Nazaleti, ūyo wajaga hose-hose akūbeejaga yawiza na kūbapīja pye abo balī mu būhedekwa bo ng'wa Shetani, īkī ū Mulungu walī hamò nanghwe.

Shītwa 20:35

Ū mu yose īyo nīītaga, nang'oolekejaga gīkī shiigelile kūtūmama gīko, tūyūbagunaana abo batidūgije; tūyūgwizūkwa ū mhayo go ng'wa Seeba Yesu; ūyo gūhayile gīkī, ‘Ū kwinha kūlī na mbango kūtinda kwanukūla.’ ”

Balumi 14:15

Hūna lūūlū ūlū ūmpīnīhaja ndūgūyo kūlwa nguno ya shilīwa, numho ūtūshimīzīlaga ū mu būtongwa; ūtizūnkenaagūla kūlwa shilīwa shako ū munhū ūyo akachīlīlwa na Kilisto.

Balumi 15:3

Nguno nū Kilisto nanghwe atīītile mhayo gwa kwiyeja wei ng'wenekīlī, alīyo gīt'ūmo gwandīkilwe gīkī, “Ī shidūki īsho wadūkagūlagwa bebe, shanigwīlaga nene.”

Balumi 15:5

Ū Mulungu ūyo alī ng'wiyūmīlīja na nūngūja, leki ang'winhe kwidīlīla būlī ng'wene na biye gīt'ūmo shing'wigeleelilwe ū mulī Kilisto Yesu.

1 Bakolinto 10:33

Ītagi gīt'ūmo nakwītīlaga nene mu mihayo yose. Nakwītaga pyī ī yose ītī kūlwa kūkooba solobo yane nene ng'wenekīlī, alīyo kūlwa banhū bingī, gīkī bapījiwe.

Baefeso 5:2

Mushimīzīle mu būtogwa gīt'ūmo Kilisto atūtogelilwe a bise, kūshisha wifunya kūlwa nguno yise kūbiza shakwinha, na shitambo sha ng'waso gwawiza kūlī Mulungu.

Bafilipi 1:1

Nene Paulo na Timoteo, basese ba ng'wa Kilisto Yesu: Kū beela bose abo balī mulī Kilisto Yesu, abo bazengile Filipi; hamò na a baasikofu, na a bagunaani.

1 Petro 2:21

A bing'we ng'witanwa kūlwa mhayo gwenūyo, īkī nū Kilisto nanghwe akaluha kūlwa nguno ying'we; ūmulekela būlolelo, mulondeele a kashimīzīle kakwe.

1 Petro 4:1

Nose īkī ū Kilisto wamala kūluhiwa ū mu mīlī, na a bing'we līsolagi ī liganiko lyenīlo lībize shilanga shing'we; nguno ū munhū ūlū ūlinda ūluhiwa mu mīlī akūbiza oyaga ū kwīta ī shibi.

1 Yohana 2:6

Ū wa kūhaya gīkī alī mulī wei, shiigelile nanghwe ashimīzīle mu nhūngwa gītī jakwe.