Bafilipi 2:20 - Sukuma New Testament 2000

²⁰ Nguno natī na munhū ūngī wa kūlenganīla nanghwe, ūyo adūgije kwīdīlīla mu welwa-ngholó ī mihayo ying'we.

Bibilia Ilagano Lya Kale 2015

²⁰ Nguno natī na munhū ūngī wa kūlenganīla nang'hwe, ūyo adūgije kwīdīlīla mu welwa ng'holò ī mihayo ying'we.

Ilagano Ipya Lya

²⁰ Iki nati na munhu ungi wa kiganikile kamo na nene, uyo wei ngʼwenekele akumudilila gete.

Bafilipi 2:20 Iomraidhean Croise

Yohana 10:13

Ū wei īkī ng'witūmamīja wa mheela dūhū, atīko ū kūjidīlīla ī ngholo.

Yohana 12:6

Akahaya gīko ītī kūlwa kūbiganika bahabī, alīyo īkī walī ng'wibi; walī wamanīīla kwīnja īsho shatūūlagwa ū mu nfuko, nguno hū wei walī nanghani wago.

Balumi 15:5

Ū Mulungu ūyo alī ng'wiyūmīlīja na nūngūja, leki ang'winhe kwidīlīla būlī ng'wene na biye gīt'ūmo shing'wigeleelilwe ū mulī Kilisto Yesu.

1 Bakolinto 16:10

Ū Timoteo ūlū alize ū kū bing'we nanghanagi, atizūbiza wa kwikala wisūsa-sūsaga kūlwa booba; nguno nū ng'wene ntūmami wa nīmo go ng'wa Seeba, gīt'ūmo nakwītīlaga dūhū ū nene.

Bafilipi 2:2

būshikīlījagi ū būyegi bone. Bizagi na widomanīja ū mu maganiko, hama mubize na būtogwa bo mbika īmò; nīyo hangī mubize na ngholó īmò na long'we īmò.

Bafilipi 2:22

Alīyo ū wei muumanile ī nhūngwa jakwe, nī gīkī ū nene nū wei twalī hamò ū mu kūgūtūmama ū nīmo gwa Nghūlū Jawiza, gītī munhū na ng'witūnja wakwe.

Bakolose 4:11

Nū Yesu, ūyo akitanagwa Yusto, alīmugīsha. A batūmami bichane ū mu nīmo gwa būtemi wa ng'wa Mulungu balī benaba dūhū a Bayudaya; nīyo h'abo baabizile balūngūja bane bataale.

1 Timoteo 1:2

Kūlī Timoteo ng'wana wane gete ū mu kūzunya; shigongo na wiza na mhola shibize hamò nangho, kūfuma kūlī Mulungu Sīswe na Kilisto Yesu Seeba wise.

1 Timoteo 4:6

Ūlū ūboolekeja a badūgū ī mihayo yenīyī ūkūbiza ntūmami wa ng'wa Kilisto Yesu, ūyo akūlile mu mihayo ya kūzunya na ya malange gawiza, ayo ūkūgalondeelaga.

2 Timoteo 1:5

Nū kūzunya kwako ū kwa nghana nakūkwizūkagwa, ūko kwalī mulī mamayo Loisi ī kwandya, na mulī noko Eunike; ūko namanile hape gīkī nū mulī bebe kūlīmo.

2 Timoteo 3:10

Alīyo ū bebe wīmanile īyo nakwīlangaga ū nene, pyī nī nhūngwa jane ūjimanile; nī yīyo nakwīkoobaga, nū kūzunya kwane, nū būshisha-ngholó bone, nū būtogwa bone, nū wiyūmīlīja bone;