Bafilipi 2:11 - Sukuma New Testament 2000

¹¹ Na būlī lūlīmi lūhabūle hape gīkī ū Yesu Kilisto alī Seeba, kūlw'ikūjo lya ng'wa Mulungu Sīswe.

Bibilia Ilagano Lya Kale 2015

¹¹ Na būlī lūlīmi lūhabūle hape gīkī Ū Yesu Kilisito alī Seeba, kūlw'ikūjo lya ng'wa Mulungu Sīswe.

Ilagano Ipya Lya

¹¹ Na buli lulimi lulatambula giki, Yesu Kristo ngʼwene Seba, kwikujo lya Mulungu Ise.

Bafilipi 2:11 Iomraidhean Croise

Matayo 10:32

“Hūna lūūlū, ūyo ūnizunya na ūnikaanīla kū būtongi bo banhū, nū nene nakūnkaanīla ū kū būtongi bo ng'wa Baba ūyo alī ng'wigūlū.

Luka 2:11

Ī lelo yenīyī, ū mu nzengo go ng'wa Daūdi ng'wabyalīlagwa Mpīja, Kilisto Seeba.

Yohana 12:42

Alīyo ahene na a basugi bakakwīla abo bakanzunya, kwike baalī batakaanīlaga hape, kūlwa kūbogoha Bafalisayo, gīkī batizūfunyiwa ng'wisinagogi.

Yohana 13:13

A bing'we mukūnitanaga Nangi na Seeba, mukūtūngīlījaga, nguno nghana nalī ng'wene.

Yohana 13:14

Ali lūūlū, ū nene ūyo nalī Seeba na Nangi, ūmo nang'oogeja mhambala jing'we gīkī, na a bing'we shing'wigeleelilwe kūbiziyooja mhambala bing'we kū bing'we gīko.

Yohana 14:13

Nīyo shose-shose īsho mukūlomba mu lina lyane nakūshīta, gīkī ū Baba akūjiwe ū mulī Ng'wana.

Yohana 14:23

Ū Yesu ūnshokeja ūng'wīla, “Ose-ose ūyo anitogilwe, akūgūdima ū mhayo gwane; hama ū Baba akūntogwa, hūna lūūlū tūkwiza ū kūlī munhū ng'wenūyo twikale hamò nanghwe.

Yohana 17:1

Ū Yesu aho wamala kūhaya ī yenīyo, ūlangamīla kwigūlya. Ūlola ng'wigūlū wandya kūhaya gīkī, “Baba lyashika ī likanza; nkūjage ū Ng'wana wako, nanghwe ū Ng'wana wako akūkūje ū bebe.

Yohana 20:28

Ū Tomaso ūnshokeja alīng'wīla, “Seeba wane na Mulungu wane!”

Yohana 5:23

gīkī a bose bankūje ū Ng'wana, gīt'ūmo bankūgīgije ū Ise. Ūyo atankūgije ū Ng'wana atankūgije nū Ise, ūyo antūmile.

Yohana 9:22

A babyaji bakwe baalī babogoha a Bayudaya, nguno a Bayudaya baalī balya gwīnda, bizunīlīja gīkī munhū ose-ose ūlū ūlinda ūhabūla kūhaya gīkī ū Yesu hū ng'wene ū Kilisto, akūkīndīkwa; afunyiwe ū ng'wisinagogi.

Shītwa 10:36

Ū gwenūyū hū mhayo ūyo akabatūmīla Baisilaeli, ūbenhela būlomeeji bo mhayo gwa mhola mu nzīla ya ng'wa Yesu Kilisto, ūyo alī Seeba wa bose.

Shītwa 2:36

“Nose hū kūhaya gīkī, pye a Baisilaeli shiigelile bamane hape gīkī, ū Yesu ūyo mukankoma ha nsalaba ng'wenūyū, ū Mulungu wang'wītile kūbiza Seeba na Kilisto!”

Balumi 14:11

Gwandīkilwe gīkī, “ ‘Gīt'ūmo nalī mpanga;’ alīhaya Seeba, ‘Būlī izwi līkūnitugīja nene, na būlī lūlīmi lūkwibūūla hape kūlī Mulungu.’ ”

Balumi 14:9

H'ī nguno yene ū Kilisto akacha hangī ūjūūka, gīkī abize Seeba wabo a bafu na a bapanga.

Balumi 15:9

Na kūlwa gīkī a banhū ba mahanga nabo bankumīlīje ū Mulungu, kūlwa nguno ya shigongo shakwe, gīt'ūmo gwandīkilwe gīkī, “Hūna lūūlū, nakūkūkumīlīja kū mahanga, na nakūlīkumīlīja ī lina lyako.”

1 Bakolinto 12:3

Hūna lūūlū natogilwe kūmulanja gīkī, atīho munhū wa kūhaya mulī Moyo wa ng'wa Mulungu gīkī, “Ū Yesu azumilwe!” Na atūdūla munhū ose-ose kūhaya gīkī, “Ū Yesu alī Seeba;” ūlū ītī mu katongeelele ka ng'wa Moyo Ng'wela.

1 Bakolinto 15:47

Ū munhū wa kwandya afumile mu sī, wa malongo; ū Munhū wa kabīlī ng'wene afumile ng'wigūlū.

1 Bakolinto 8:6

alīyo ū kū bise ū Mulungu alī ūmò wike; hū ng'wene ū Sīswe. Hangī pyī ī shikolo shifumile kūlī wei, na a bise tūlī bakwe; hama alīho na Seeba ūmò Yesu Kilisto, ūyo pyī ī shikolo shilīho kūlwakwe, na a bise tūlīho kūlwakwe.

1 Petro 1:21

A bing'we ū mulī we munsanije Mulungu ūyo akanjūūcha kūfuma mu bafu; ūng'winha ikūjo, gīkī ū kwisagīlwa kwing'we kūbize kūnsendamīlile Mulungu.

1 Yohana 4:15

Būlī ng'wene ūyo akūkaanīlaga gīkī ū Yesu alī Ng'wana wa ng'wa Mulungu, ū Mulungu akikalaga mulī we, nū wei ū mulī Mulungu.

1 Yohana 4:2

Ū moyo ūyo gūfumile kūlī Mulungu mukūgūmana, nguno ū moyo ūyo gūzunije gīkī ū Yesu Kilisto wamala kwiza mu mīlī, h'ūyo gūfumile kūlī Mulungu.

2 Yohana 1:7

Nguno ī haha bakwīlile a balemba-lembi ū mu sī, abo batazunije gīkī ū Yesu Kilisto wamala kwiza mu mīlī. Ū gwenūyū gūlī nīmo gwa Nomolomo, ū Ng'wilwisha wa ng'wa Kilisto.

Kukundulwa 3:5

Ū wa kūpyena akūzwalīkwa shizwalo shape gīko, hama natūlījimya na hado yaya ī lina lyakwe ū mu shitabo sha būpanga; na hangī nakūlīkaanīla hape ī lina lyakwe ū kū būtongi bo ng'wa Baba, nū kū bamalaika bakwe.