Bafilipi 2:1 - Sukuma New Testament 2000

¹ Hūna lūūlū ūlū būlīho būganikīji bose-bose mulī Kilisto, nūūlū būtogwa bose-bose ūbo būshikile kūlūngūja, nūūlū būsangī bose-bose mulī Moyo, nūūlū kwisaatwa na kwikūlīlwa;

Bibilia Ilagano Lya Kale 2015

¹ Hūna lūūlū ūlū būlīho būganikīji bose bose mulī Kilisito, nūūlū būtogwa bose bose ūbo būshikile kūlūngūja, nūūlū būsangī bose bose mulī Moyo, nūūlū kwisaatwa na kwikūlīlwa;

Ilagano Ipya Lya

¹ Kulwa iyo ulu kuli ho kuganikilwa kose muli Kristo, ulu kulungujiwa kose kwa butogwa, ulu kusangila kose kwa Moyo Ngʼwela, ulu kisa na wisatwi,

Bafilipi 2:1 Iomraidhean Croise

Luka 2:25

Ū mu Yelusalemu walīmo ngosha witanagwa Simioni, munhū ntūngīlīja na wa logohano. Walī akūlindīīlile ū kūlūngūjiwa kwa Baisilaeli; nū Moyo Ng'wela walī hamò nanghwe.

Yohana 14:18

Natūmuleka ng'wikale bapīna, nakwiza hangī ū kū bing'we.

Yohana 14:27

Nalīmulekela mhola; nalīng'winha mhola yane. Ūmo nalīng'winhīla ītī gīt'ūmo sī īkinhīlaga. Yaya ū kūtawa-tawa ū mu ngholó jing'we, yaya nū kogoha!

Yohana 17:13

Ī haha naliza kūlī bebe, ī mihayo yenīyī nalīyīhaya mu sī, gīkī babize nabo ū būyegi bone ū mubo; nīyo būbize būshikanu.

Shītwa 2:46

Būlī lūshikū bibilingaga ū mu hekalu na moyo gūmò; na bajaga bakūmegaga ngatī mu būlī kaya, nī shilīwa basangīlaga na moyo gwa būyegi na būmò,

Shītwa 4:32

Ū ng'wibità lya bazunya, pye a bose baalī na ngholó īmò, na moyo gūmò; walī atīho nūūlū ūmò wabo wa kūhaya gīkī ī sabo īyo walī nayo yalī yakwe ya ng'wenekīlī. Alīyo pyī ī shikolo shalī sha būsangī.

Balumi 5:5

Hama ū kwisagīlwa kūtīko kūtūdimya minala, nguno ū Mulungu wamala kūpumunhīla būtogwa bokwe ū mu myoyo yise kūlwa ng'wa Moyo Ng'wela ūyo watwinha.

Balumi 8:26

Nīyo hangī ū Moyo akatūgunaanaga ū mu būgokolo wise, nguno a bise tūtamanile ū kūlomba gīt'ūmo shitwigeleelilwe, alīyo ū Moyo akatūlombelaga wei ng'wenekīlī, nīyo mu būganghīji ūbo būtadūgije kūsomboolwa.

1 Bakolinto 12:13

Nguno pye a bose tūbatīījiwe mu mīlī gūmò mulī Moyo ūmò, tūbize tūlī Bayudaya, nūūlū tūlī banhū ba mahanga; tūbize tūlī basese, nūūlū tūlī mu wiyabī: hama pye a bose tūkang'wishiwa shakūng'wa sha ng'wa Moyo ūmò ng'wenūyo.

1 Bakolinto 15:31

Badūgū bane, ū nene nakūchaaga būlī shikū nguno ya wikumīlīja, ūbo nalī nabo mulī Kilisto Yesu Seeba wise kūlwa nguno ying'we.

1 Bakolinto 3:16

Bing'we, mutamanile gīkī mulī hekalu ya ng'wa Mulungu, nī gīkī ū Moyo wa ng'wa Mulungu akikalaga mu bing'we?

2 Bakolinto 13:14

Shigongo sha ng'wa Seeba Yesu Kilisto, nū būtogwa bo ng'wa Mulungu, hamò nū būsangī bo ng'wa Moyo Ng'wela, shibize hamò ning'we bose: Alichene.

2 Bakolinto 2:14

Kwike ū Mulungu alūmve, ūyo akatwinhaga būtindi gwa-gwa-gwa mulī Kilisto, nīyo hangī būlī kwene ūko tūkūbītaga akūjaga ūtūūla ng'waso gwa kūmana wei.

Bagalatia 4:6

Nose lūūlū īkī mulī baana, ū Mulungu wantūmile Moyo wa Ng'wana wakwe ū mu ngholó jise; ū Moyo ng'wenūyo akwitananaga “Aba,” makūlū gaho “Baba.”

Bagalatia 5:22

Alīyo ī litwajo lya ng'wa Moyo līlī: būtogwa, būyegi, mhola, wiyūmīlīja, wiza-ngholó, būdīlīji, kūzunya,

Baefeso 4:4

Gūlīho mīlī gūmò, na alīho Moyo ūmò gīt'ūmo nū kwisagījiwa kwa kitanīlwe king'we kūlī kūmò.

Bafilipi 1:8

Nīyo ī haha naamukūmbūlile no kūlwa būtogwa bo ng'wa Kilisto Yesu; ū Mulungu nkaanīji wane ū mu mhayo gwenūyū.

Bafilipi 3:3

Nguno a bise h'abo tūsaalilwe, a bise abo tūkalamyaga mu kūtongeelwa na Moyo wa ng'wa Mulungu, na tūkayegelaga mulī Kilisto Yesu; abo tūtasendamīlile mīlī.

Bakolose 2:2

Nalī na nghūmbū balūngūjiwe ū mu ngholó jabo, hangī babize na būsangī ū mu būtogwa, nū mu būsabi ū bose ūbo balī nabo kūlwa kūbūmana mu nghana ū witegeleja, nū mu kūmana mu būshikanu bose ū Kilisto, ūyo alī mbisīla ya ng'wa Mulungu.

Bakolose 3:12

Hūna lūūlū a bing'we basolwa, abo mulī beela na batogwa ba ng'wa Mulungu, zwalagi nhūngwa ja kwisaatwa, kwichīla shigongo, widohya, būlyehu na wiyūmīlīja.

Bahebrania 6:18

Hūna ū mu mihayo īy'ībīlī yenīyo īyo ītī ya kūgalūka, īyo Mulungu atūdūla kwīhaya mu būlomolomo, a bise tūkūlūngūjiagwa no-no-no; a bise abo tūkūpeelaga kūja kū būtongi kūjūwanukūla ū wisagījiwa ūbo būtūūlilwe ko.

1 Petro 1:2

abo basolilwe kūfuma kale kūlenganīla na būmani bo ng'wa Mulungu Sīswe, gīkī beejiwe na Moyo; na babize bigwi kūlwa kūseeseebelwa mininga ga ng'wa Yesu Kilisto. Shigongo na mhola shibize hamò ning'we na shimukwīlīle.

1 Yohana 3:24

Abo bashidimile ī shilagīlo shakwe bakikalaga mulī we, nū wei akikalaga mubo. A bise tūmanile gīkī akikalaga ū mu bise, nguno tūlī na Moyo Ng'wela ūyo wamala kūtwinha.

1 Yohana 4:12

Atīho munhū ūyo wamala kūmona Mulungu ikanza lyose-lyose, alīyo ūlū twitogwa, ū Mulungu akwikala ū mu bise; nū būtogwa bokwe būkūshikīlījiwa ū mu bise.

1 Yohana 4:16

A bise tūbūmanile, na tūbūzunije ū būtogwa ūbo Mulungu alī nabo kū bise. Ū Mulungu alī būtogwa. Ū wa kwikala mu būtogwa akwikalaga mulī Mulungu; nū Mulungu akwikalaga mulī we.