Bafilipi 1:7 - Sukuma New Testament 2000

⁷ Ū nene īnigeleelilwe kūng'wiganikīla gīko pye a bing'we ū mu mhayo gwenūyū, nguno mulī ha moyo gwane gete; īkī pye a bose mukūsangīlaga hamò nane ū mu būtungwa bone nū mu kūjilwīlīla ī Nghūlū Jawiza, pyī nū mu kwīyoolecha ī nghana yajo.

Bibilia Ilagano Lya Kale 2015

⁷ Ū nene īnigeleelilwe kūng'wiganikīla gīko pye a bing'we ū mu mhayo gwenūyū, nguno mulī ha moyo gwane gete; īkī pye a bose mukūsangīlaga hamò nane ū mu būtungwa bone nū mu kūjilwīlīla ī Ng'hūlū Jawiza, pyī nū mu kwīyoolecha ī ng'hana yajo.

Ilagano Ipya Lya

⁷ Gitumo igelile kuli nene nangʼwiganike bingʼwe bose chene, iki bingʼwe muli mu ngholo yane, iki mu butungwa wane na mu nimo gwa kuyilwilila evangeli na kuyidimya, bingʼwe bose ngʼwasangila na nene mu kigongo iki.

Bafilipi 1:7 Iomraidhean Croise

Shītwa 20:23

Kwike namanile dūhū gīkī, ū Moyo Ng'wela akūjaga ūnikaanīla mu būlī nzengo, ūniwīla gīkī nalindīīlilwe būtungwa na būluhi.

Shītwa 21:33

Hūna ū ntaale wa mabità wegeela ho ūndima, ūlagīla atungwe minyololo ībīlī abūjiwe alī nani, hangī wītaga mhayo kī!

1 Bakolinto 13:7

būkagunaanaga mu yose, būkasanyaga gwa-gwa-gwa, būkiyūmīlījaga mu yose.

1 Bakolinto 9:23

Pyī ī yose yenīyī nakwīyītaga kūlwa nguno ya Nghūlū Jawiza, gīkī nane nabize na būsangī ū mu nīmo gwenūyo.

2 Bakolinto 3:2

A bise ī nyalūba yise īlī bing'we benekīlī; yandīkilwe mu myoyo ying'we, pye a banhū bīmanile nguno bakwīsomaga.

2 Bakolinto 7:3

Ū gwenūyū natūgūhayaga kūlwa koolecha gīkī mulī babūbi, nguno namalaga kūhaya gīkī mulīmo ū mu ngholó jise. Nīyo a bise tūmalīīlile gete ū kūbiza hamò ning'we mu yose; ībize mu kūcha nūūlū mu būpanga.

Bagalatia 5:6

Nguno ū mulī Kilisto Yesu ū mhayo gwa kūsaalwa nūūlū kūleka kūsaalwa gūtī na solobo yose-yose, ū mhayo ū ntaale gūlī gīkī; ū būzunya wiyooleche mu shītwa sha būtogwa.

Baefeso 3:1

Kūlwa nguno yenīyī, ū nene Paulo nalī ntungwa wa ng'wa Kilisto Yesu kūlwa nguno ying'we a bing'we banhū ba mahanga.

Baefeso 4:1

Nose lūūlū nalīng'wikūmbīlīja ū nene ūyo nalī ntungwa kūlwa ng'wa Seeba, mushimīze gīt'ūmo kalī kitanīlwe king'we ako ng'witanwa mubize mo.

Baefeso 6:20

Nguno ū nene ī haha nalī ntūmami ntungwa kūlwa nīmo gwenūyo. Nilombelagi nabize na būdūla bo kūlomeela mu būgimu gīt'ūmo shinigeleelilwe kwīta.

Bafilipi 1:12

Badūgū bane, natogilwe mumane gīkī ī mihayo īyo yanilongelile yenīyī, yabizile ya kūjitwala kū būtongi ī Nghūlū Jawiza.

Bafilipi 1:13

Nose ū būtungwa bone bomanīkile ū ng'wikūlū, pyī nū kū bangī, gīkī natungilwe kūlwa nguno ya ng'wa Kilisto.

Bafilipi 1:14

Nīyo ū būtungwa bone wenūbū boguzuhije banhū bingī ū mulī Seeba, na lūūlū bandije kūgūlomeela na būgimu ū mhayo.

Bafilipi 1:5

nguno ya būsangī wing'we, ū mu nīmo gwa kūjilomeela ī Nghūlū Jawiza, kūfuma ha wandījo kūshisha nī haha.

Bafilipi 2:22

Alīyo ū wei muumanile ī nhūngwa jakwe, nī gīkī ū nene nū wei twalī hamò ū mu kūgūtūmama ū nīmo gwa Nghūlū Jawiza, gītī munhū na ng'witūnja wakwe.

Bafilipi 4:14

Kwike ahene ng'wabeegije no ū kūsangīla hamò nane ū mu būluhi bone.

Bafilipi 4:15

A bing'we Bafilipi mumanile gīkī kūfuma a ha wandījo wa nīmo gwa Nghūlū Jawiza, aho nīnga Makedonia yalī ītīho kanisa yīngī īyo yasangīlaga hamò nane ū mu mhayo gwa kūfunya na kwanukūla, ūlū ītī bing'we bike.

Bafilipi 4:3

Alichene, nū bebe ntūmami ng'wichane ntūngīlīja nalīkwikūmbīlīja ūbagunaane a bashīke benabo, nguno nabo balī hamò nane ū mu nīmo gwa kūjilwīlīla ī Nghūlū Jawiza; pyī nū Kelementi, na a batūmami bichane a bangī, abo mina gabo galī mu shitabo sha būpanga.

Bakolose 4:18

Ū būgīsha ūbū nawandīka nene Paulo na nkono gwane; ng'ūnizūkwa ū mu būtungwa bone. Shigongo shibize hamò ning'we: Alichene.

Bakolose 4:3

Na a bise ng'ūtūlombela, ū Mulungu atūlugūlīle nyango tūgūlomeele ū mhayo gwa mbisīla ya ng'wa Kilisto, ūyo nalī ntungwa ī haha kūlwa nguno yago.

1 Batesalonike 5:5

Nguno pye abo mulī baana ba ng'wisana mulī ba ng'wikanza lya līīmi. A bise tūtī ba ng'wikanza lya būjikū nūūlū tūtī ba mu giiti.

2 Timoteo 1:8

Hū kūhaya yaya ū kūding'wa minala ū kūnkaanīla ū Seeba wise, nū nene ūyo nalī ntungwa kūlwa nguno yakwe; alīyo zunyaga ū kūbiza mo ū mu būsangī bo kūluha kūlwa nguno yajo ī Nghūlū Jawiza, mu būdūla bo ng'wa Mulungu,

2 Timoteo 2:9

ījo jikūnenhelejaga kūluha mu būtungwa gītī nalī nkenaagūji. Alīyo nahene ū mhayo go ng'wa Mulungu gūtīko ū kūtungwa.

Filimoni 1:13

Nīyo naalī natogilwe kwikala nanghwe nene, ayūnigunaana ha ng'wanya gwako ū mu nīmo gwa Nghūlū Jawiza, aho nataalī natungilwe.

Bahebrania 3:1

Hūna lūūlū badūgū beela, abo mulī na būsangī ū mu kwitanwa kwa ng'wigūlū, ng'wideedenghanyagi ū Ntūng'wa na Ngabīji Ntaale ng'wenūyo; ū Yesu ūyo tūkūnkaanīlaga.

1 Petro 4:13

Alīyo a bing'we yegagi īkī mukūsangīlaga mu būluhiwa bo ng'wa Kilisto, nguno ū ng'wikanza lya koolechiwa kw'ikūjo lyakwe mukūyega na būyegi būtaale no.

1 Petro 5:1

Ali lūūlū, a banamhala abo balīmo ū mu bing'we nalībakomeleja, ū nene ūyo nalī namhala ng'wichabo; hangī nalī nkaanīji wa būluhiwa bo ng'wa Kilisto, na ūmò wa basangīji ba ng'wikūjo īlo līlakundūlwe.

2 Petro 1:13

Na hangī ū nene ūlū nataalī mo ū ng'wiheema lya mīlī gwenūyū, naliganika īlī chiza ū kūmanūmusatūla kūlwa kūng'wizūkīja.

1 Yohana 3:14

A bise tūmanile gīkī ī haha tūtīmo ū mu kūcha, tūlī mu būpanga īkī tūbatogilwe a badūgū; ūyo atī na būtogwa akwikalaga mu kūcha!