Bafilipi 1:5 - Sukuma New Testament 2000

⁵ nguno ya būsangī wing'we, ū mu nīmo gwa kūjilomeela ī Nghūlū Jawiza, kūfuma ha wandījo kūshisha nī haha.

Bibilia Ilagano Lya Kale 2015

⁵ nguno ya būsangī wing'we, ū mu nīmo gwa kūjilomeela ī Ng'hūlū Jawiza, kūfuma ha wandījo kūshisha nī haha.

Ilagano Ipya Lya

⁵ Kuhva nguno ya kusangila kwingʼwe mu nimo gwa kuyitangʼanhya evangeli kufuma lushiku aho mukandia kushisha haha;

Bafilipi 1:5 Iomraidhean Croise

Shītwa 2:42

Bakabiza bakomeezu no ū kwilanga īyo yalangagwa na batūng'wa; hamò na mu kūsangīla, na kūmega ngatī, nū mu kūlomba.

Balumi 11:17

Alīyo ūlū matambī gangī gakabbutwa gīnjiwa ho, hūna ū bebe ūyo walī nzeituni gwa mu mapoolu wiza ūdimanījiwa hoi, nangho wandya kongheela būnooli hamò nago a matambī a gangī kūfuma ū mu nji gwa nzeituni,

Balumi 12:13

Ng'ūbagunaana a beela, bizagi biza-ngholó.

Balumi 15:26

Bana Makedonia na bana Akaya bakabona ībeelelile kūsooga shikolo kūlwa nguno ya beela a bahabī, abo balī Yelusalemu.

1 Bakolinto 1:9

Ū Mulungu ng'wene nsanyiwa, ūyo wang'witana a bing'we kwingīla mu būsangī wa Ng'wana wakwe Yesu Kilisto Seeba wise.

2 Bakolinto 8:1

Ali lūūlū bang'wise, leki tūmuwīle ī ya shigongo sha ng'wa Mulungu, īsho binhwa ba mu kanisa ja Makedonia.

Baefeso 3:6

Ī mbisīla yene īlī gīkī, a banhū ba mahanga nabo balī na būsangī ū mu wingīji, nū mu mīlī; hama ū mulī Kilisto Yesu nabo banukūji ba wisagījiwa mu nzīla ya Nghūlū Jawiza.

Bafilipi 1:12

Badūgū bane, natogilwe mumane gīkī ī mihayo īyo yanilongelile yenīyī, yabizile ya kūjitwala kū būtongi ī Nghūlū Jawiza.

Bafilipi 1:16

A benaba bakūlomeelaga mu būtogwa, īkī bamanile gīkī natūūlilwe ho kūlwa nguno ya kūjilwīlīla ī Nghūlū Jawiza.

Bafilipi 1:27

Kwike dūhū shimīzagi gīt'ūmo jilangīlile Nghūlū Jawiza ja ng'wa Kilisto. Ībize gīkī ūlū nūshika ko, namusange mukwītaga gīko. Nūūlū nūlemeelwa ū kūshika ko, nahene najiigwe ī mhola jing'we, gīkī ng'wīmīīlile na moyo gūmò; mukwigunaanaga na ngholó īmò ū mu wilwisha ūbo mulī nabo kūlwa kūjizunya ī Nghūlū Jawiza.

Bafilipi 1:7

Ū nene īnigeleelilwe kūng'wiganikīla gīko pye a bing'we ū mu mhayo gwenūyū, nguno mulī ha moyo gwane gete; īkī pye a bose mukūsangīlaga hamò nane ū mu būtungwa bone nū mu kūjilwīlīla ī Nghūlū Jawiza, pyī nū mu kwīyoolecha ī nghana yajo.

Bafilipi 2:12

Nose hū kūhaya gīkī badūgū bane batogwa, ongejagi ū kūbiza bigwi, gīt'ūmo mukwītīlaga na kale, ītī kūgonga nabize nalīho dūhū ū nene, alīyo ī no-no-no ī haha aho natīho; būlwīlīlagi bing'we benekīlī ū būpīji wing'we, mu logohano na kūdetema.

Bafilipi 2:22

Alīyo ū wei muumanile ī nhūngwa jakwe, nī gīkī ū nene nū wei twalī hamò ū mu kūgūtūmama ū nīmo gwa Nghūlū Jawiza, gītī munhū na ng'witūnja wakwe.

Bafilipi 4:3

Alichene, nū bebe ntūmami ng'wichane ntūngīlīja nalīkwikūmbīlīja ūbagunaane a bashīke benabo, nguno nabo balī hamò nane ū mu nīmo gwa kūjilwīlīla ī Nghūlū Jawiza; pyī nū Kelementi, na a batūmami bichane a bangī, abo mina gabo galī mu shitabo sha būpanga.

Filimoni 1:17

Hūna lūūlū, ūlū ūlīnisanya gīkī nalī ntūmami ng'wiyo, ng'wanukūlage gītī ūlīnanukūla nene.

Bahebrania 3:14

Nguno tūkūbiza tūlī na būsangī ū mulī Kilisto ūlū tūdimana nako ū kūzunya kwise ū kwa ha wandījo kūshisha kū ngelelo.

2 Petro 1:1

Nene Simioni Petelo, nsese na ntūng'wa o ng'wa Yesu Kilisto; kū banhū abo kūlwa būtūngīlīja bo ng'wa Mulungu na Mpīja wise Seeba Yesu Kilisto, bamala kwanukūla kūzunya gītī kwise, ūyo gūlī mhayo gwa mpango ntaale.

1 Yohana 1:3

Tūlīng'wigwīlīja ūyo twagūbonile na kūgwigwa, nguno tūtogilwe ning'we mubize na būsangī nise; nīyo ū būsangī wise būlī hamò na Sīswe, nū Ng'wana wakwe ū Yesu Kilisto.

1 Yohana 1:7

Alīyo ūlū tūshimīzīla ng'wisana gīt'ūmo wei alī ng'wisana, tūkūbiza na būsangī bise benekīlī na benekīlī, hūna a mininga ga Ng'wana wakwe ū Yesu Kilisto gakūtweja twīnge ū mu shibi shise pyī ī shose.