Biblia Todo Logo
Bìoball air-loidhne

- Sanasan -




Bafilipi 1:1 - Sukuma New Testament 2000

1 Nene Paulo na Timoteo, basese ba ng'wa Kilisto Yesu: Kū beela bose abo balī mulī Kilisto Yesu, abo bazengile Filipi; hamò na a baasikofu, na a bagunaani.

Faic an caibideil Dèan lethbhreac

Bibilia Ilagano Lya Kale 2015

1 Nene Paulo na Timotheo, basese ba ng'wa Kilisito Yesu: Kū beela bose abo balī mulī Kilisito Yesu, abo bazengile Filipi; hamò na a baasikofu, na a bagunanhi.

Faic an caibideil Dèan lethbhreac

Ilagano Ipya Lya

1 Paulo na Timoteo, basese ba ngʼwa Yesu Kristo, ku bela bose muli Kristo Yesu abali mu Filipi kihamo na balindi na binhilija.

Faic an caibideil Dèan lethbhreac




Bafilipi 1:1
48 Iomraidhean Croise  

Īlī gītī namugī kwīnga ha ng'wakwe ūja lūgendo, wīleka ī kaya yakwe īlīlanghanwa na batūmami bakwe, būlī ng'wene ūng'winha nīmo gokwe. Ū nanghani o ha mita ūnkomeleja kwikala nzūgūlū-matū!


Ū wa kūnitūmamīla ni anilondeelage, nīyo aho nalī ū nene, nū ntūmami wane shing'wigelile abize henaho; ū wa kūnitūmamīla akūkūjiwa nū Baba!”


“Nguno ū mu shitabo sha Zabuli handīkilwe gīkī, ‘Ū wikalo bokwe būlekwe dalali, nīyo atizūzenga mo munhū ūngī;’ na gīkī, ‘Ū nīmo gokwe gūsolwe na ūngī.’


Hū kūhaya ilanghanagi a bing'we benekīlī, nī lidale ī lyose īlo Moyo Ng'wela amutūūlile kūbiza balanghani balyo; īdīīmagi ī kanisa ya ng'wa Mulungu, īyo wīpandīka mu kwita mininga gakwe wei ng'wenekīlī.


Nanghwe ū Anania ūshosha ūhaya, “Seeba ū munhū ng'wenūyo nayigwile mingī ī mihayo yakwe īyo akūbīītīlaga a beela bako ī Yelusalemu.


Nene Paulo nsese o ng'wa Kilisto Yesu, ūyo nitanwa kūbiza ntūng'wa, nguno nakomilwe kūlwa nīmo gwa Nghūlū Jawiza ja ng'wa Mulungu,


bose abo mulī Lumi, abo Mulungu amutogilwe, na wang'witana kūbiza beela: Shigongo na mhola shibize hamò ning'we kūfuma kūlī Mulungu Sīswe, na kūfuma kūlī Seeba Yesu Kilisto.


Ū Timoteo ūlū alize ū kū bing'we nanghanagi, atizūbiza wa kwikala wisūsa-sūsaga kūlwa booba; nguno nū ng'wene ntūmami wa nīmo go ng'wa Seeba, gīt'ūmo nakwītīlaga dūhū ū nene.


Nene Paulo ntūng'wa wa ng'wa Kilisto Yesu kūlwa būtogwa bo ng'wa Mulungu, na ndūgū wise Timoteo. Kū kanisa ya ng'wa Mulungu īyo īlī mu Kolinto, na kū beela bose abo balī mu Akaya ī yose.


Ī gīsī ū nene nalīkooba kī, kūkumīlījiwa na banhū, nūūlū na Mulungu? Nūūlū hamo nalīkooba kūyeja banhū? Ūlū ni nataalī nūkooba kūyeja banhū ni natī nsese wa ng'wa Kilisto na hado yaya!


Nguno pye a bose mulī baana ba ng'wa Mulungu kūlwa kūnzunya Kilisto Yesu.


Būtīho būsolanhyiwa a ha gatī ya Nyudaya nū w'ihanga līngī, na a ha gatī ya nsese nū yūyo alī mu wiyabī, nūūlū a ha gatī ya ngosha na nkīma; nguno ū mulī Kilisto Yesu pye a bose mulī būmò.


Nene Paulo ntūng'wa wa ng'wa Kilisto Yesu, kūlwa būtogwa bo ng'wa Mulungu. Kū beela [ba Efeso], abo banzunije Kilisto Yesu.


Hūna lūūlū, īkī nane naajiigwile ī mhola jing'we ūmo munsanīgije ū Seeba Yesu, nū būtogwa wing'we ū kū banhū bose,


Shigongo shibize hamò na bose abo bantogilwe Seeba wise Yesu Kilisto, mu būtogwa būtī bo kūkenaagūka.


Ali lūūlū, nalī na kwisagīlwa mulī Seeba Yesu gīkī, nakūntūma Timoteo ize wangū ū kū bing'we, nane nīmane ī mihayo ying'we, nayege.


Ning'we bizagi nalyo ī liganiko īlo walī nalyo ū Kilisto Yesu;


H'ītī kūhaya gīkī ū nene naamalile kūheeba, nūūlū gīkī naashikile a ha ngelelo ya būshikanu, alīyo nataalī nakūzegejaga, nane nagūdime ūyo Kilisto Yesu anidimile kūlwa nguno yago.


Nguno a bise h'abo tūsaalilwe, a bise abo tūkalamyaga mu kūtongeelwa na Moyo wa ng'wa Mulungu, na tūkayegelaga mulī Kilisto Yesu; abo tūtasendamīlile mīlī.


Hangī nīyo na kūtinda ho a henaho, nguno pyī ī mihayo nakwībalaga kūbiza ya dalali kūlwa wiza būtaale wa kūmana Kilisto Yesu Seeba wane, ūyo kūlwa nguno yakwe naajimīīja pyī ī shikolo. Nīyo nakūshibalaga kūbiza gītī maashi, gīkī nampandīke ū Kilisto,


Nene Paulo, hamò na Silwano na Timoteo; kū kanisa ya Batesalonike īyo īlī mulī Mulungu Sīswe na Seeba Yesu Kilisto. Shigongo na mhola shibize hamò ning'we.


Mumanile gīkī aho twalī mu Filipi twalī na makoye no, na gīkī twasondagūlagwa kībi no. Alīyo nahene nūūlū īkī twalī mu makoye mingī, twalī na būshisha-ngholó kūfuma kūlī Mulungu wise; h'ī nguno yene tūkamulomeela ū mhayo gokwe.


Nene Paulo, hamò na Silwano na Timoteo; kū kanisa ya Batesalonike, īyo īlī mulī Mulungu Sīswe na Seeba Yesu Kilisto.


Ū ng'wikanza lya kwiza kwakwe lyenīlo, a beela bakwe bakūnkumīlīja, nīyo pye a bazunya bakūnyegela; na a bing'we mukūbiza mo, nguno mubūzunije ū būkaanīji wise ūbo tūkang'winha.


Kūlī Timoteo ng'wana wane gete ū mu kūzunya; shigongo na wiza na mhola shibize hamò nangho, kūfuma kūlī Mulungu Sīswe na Kilisto Yesu Seeba wise.


Na a bagunaani nabo shibigelile babize banhū abo bigeleelilwe ikūjo, batī na magalū-galū, batizūbiza bakolwa-walwa, nūūlū batizūbiza bayegelile sabo ja būnyeecha.


Nene Paulo nsese o ng'wa Mulungu, na ntūng'wa o ng'wa Yesu Kilisto, kūlwa kūbagunaana basolwa ba ng'wa Mulungu mu kūzunya kwabo; bayitegeleje ī nghana īyo yigwīndanije na wela,


Nguno ū nanghani wa kanisa ng'wene mīkījiwa o ng'wa Mulungu, hūna lūūlū shing'wigelile abize atī na shilingo, atī wa kwiyeja wei ng'wenekīlī dūhū. Atī ng'wangū kūpelana, atī nkolwa-walwa, atī ntūji banhū, nūūlū atī nchooji wa shikolo mu nzīla ja minala.


Nene Paulo ntungwa kūlwa ng'wa Kilisto Yesu, na ndūgū Timoteo. Kūlī ntūmami ng'wichiswi ntogwa Filimoni,


Managi gīkī ū ndūgū wise ū Timoteo walekelilwe, ūlū alangūhe ū kwiza, nakwiza nanghwe ko, twize tūmubone.


Nene Yakobo, nsese wa ng'wa Mulungu na wa ng'wa Seeba Yesu Kilisto, kū ng'anda ikūmi n'ibīlī ījo jisambaalile hose-hose: Nalīmugīsha.


Nguno ī kwandya ng'walī gītī ngholo jijimīīlile; alīyo ī haha ng'wanshokelile ū Ndīīmi, ūyo hangī alī Nanghani wa būpanga wing'we.


Nene Simioni Petelo, nsese na ntūng'wa o ng'wa Yesu Kilisto; kū banhū abo kūlwa būtūngīlīja bo ng'wa Mulungu na Mpīja wise Seeba Yesu Kilisto, bamala kwanukūla kūzunya gītī kwise, ūyo gūlī mhayo gwa mpango ntaale.


Nene Yuda nsese wa ng'wa Yesu Kilisto, na ng'wana wa ng'wawe wa ng'wa Yakobo. Kū batogwa abo balī bitanwa, hangī balanghanilwe na Mulungu Sīswe mulī Yesu Kilisto.


Ū wenūbū būlī būsombooji bo mihayo īyo Yesu Kilisto akinhwa na Mulungu, kūboolekeja a basese bakwe īyo yigelile ībize ho wangū. Wīkundūla na kwīyoolecha mu nzīla ya kūntūma malaika wakwe kūlī ntūmami wakwe Yohana,


Ī mbisīla ya Sonda mpungatī ījo wajibonaga mu nkono gwane gwa būlyo, na a makīndīkīlo mpungatī ga talà a ga zahabu, yīyī: Ī Sonda mpungatī balī bamalaika ba kanisa mpungatī, alīyo a makīndīkīlo ga talà ayo mpungatī, a gene h'ī kanisa mpungatī jenekīlī.


Nūgwa kū magūlū gakwe gīkī naanamye; alīyo ūniwīla, “Lekaga ū kwīta gīko, nū nene nalī ntūmami ng'wiyo dūhū, hamò na a badūgū bako abo balī na būkaanīji bo ng'wa Yesu. Namyage Mulungu, nguno ū būkaanīji bo ng'wa Yesu gūlī moyo gwa būhangi!”


“Nū malaika wa kanisa ya Peligamo ng'wandīkīlage gīkī, ‘Ī mihayo īyī alīyīhaya ūyo alī na līlūshū lyūgī lya būūgī būbīlī:


“Nū malaika wa kanisa ya Similina ng'wandīkīlage gīkī, ‘Ī mihayo īyī alīyīhaya ūyo alī wa Kwandya na wa Kūmalīja, ūyo akacha, alīyo ūbiza mpanga hangī:


Alīyo ū wei ūniwīla, “Lekaga ū kwīta ī gīko, ū nene nane nalī ntūmami ng'wiyo dūhū, hamò na a badūgū bako a bahangi, na a babo bīdimile ī mihayo ya mu shitabo shenīshi, namyage Mulungu!”


Lean sinn:

Sanasan


Sanasan