1 Bakolinto 8:3 - Sukuma New Testament 2000

³ Alīyo ū munhū ūlū ūntogwa Mulungu, ū ng'wenūyo hū wamanagwa nū Mulungu.

Bibilia Ilagano Lya Kale 2015

³ Alīyo ū munhū ūlū ūntogwa Mulungu, ū ng'wenūyo hū wamanagwa nū Mulungu.

Ilagano Ipya Lya

³ Aliyo munhu ose ulu untogwa Mulungu, ngʼwenuyo wamanagwa nanghwe.

1 Bakolinto 8:3 Iomraidhean Croise

Matayo 7:23

Nane nakūbashokeja nalībawīla hape gīkī, ‘Natamumanile nūūlū hado a bing'we bīīti ba shibi, nīngīlagi aha!’ ”

Yohana 10:14

Ū nene nalī Ndīīmi wawiza; najimanile ī jane, nī joi ī jane jinimanile ū nene.

Yohana 21:17

Ūmūja hangī lo kadatū, “Simoni ng'wana Yohana, ūnitogilwe?” Nose ū Petelo ūpīnīhala, nguno ū Yesu akamūja lūkangala lo kadatū gīkī, “Ūnitogilwe?” Na ūng'wīla, “Ū bebe Seeba ūmanile pyī ī yose, ūmanile gete ī gīkī nakūtogilwe.” Hūna ū Yesu ūng'wīla, “Jilishage ī ngholo jane.

Balumi 11:2

Ū Mulungu atabaponije na hado yaya a banhū bakwe abo abamanile kūfuma kale. Nūūlū hamo mutamanile ūmo shandīkwa shilīnghayīla Eliya, aho wanombaga Mulungu alībahaya Baisilaeli; gīkī,

1 Bakolinto 13:12

Nguno ī haha tūkūbonaga ī chene, alīyo gītī ng'wilole; būlīho wiija, kwike ī likanza lyenīlo īkūbiza būshū kū būshū. Ī haha ū būmani bone būlī būnagī, alīyo ī likanza lyenīlo nakūmana gīt'ūmo namanīlilwe nū nene.

1 Bakolinto 2:9

Alīyo īlī gīt'ūmo gwandīkilwe; gīkī, “Mihayo īyo liso lītaalī kwībona, nūūlū gūtū gūtaalī kwīyigwa; na ītaalī nūūlū kwingīla mu moyo go ng'wa munhū; mihayo īyo Mulungu abalonja-longegije abo bantogilwe we.”

Bagalatia 4:9

Alīyo ī haha īkī muumanile ū Mulungu; ī gete tūhaye gīkī ū Mulungu amumanile a bing'we, nibūlī mulīshoka kū numa hangī kū mihayo migokolo ya kū būnīgīnī, īyo ītī na gwa kūpya gwa kūdūla kūmuzenga? Mutogilwe kūbiza basese bayo hangī?

2 Timoteo 2:19

Alīyo nahene ū nsingi go ng'wa Mulungu gūtaalī ū kūgalūka ūmo gwīmīīlīlile: ū lūmengho lwago lūhayile gīkī, “Ū Seeba abamanile a bakwe,” na gīkī, “Būlī ng'wene ūyo akūlīhayaga lina lya ng'wa Seeba ni alekanage nū būbi.”

Yakobo 1:12

Ūlū munhū wiyūmīlīja mu būgeng'wa, akūbiza na mbango, nguno ūlū ūpyena, akwanukūla ngikili ya būpanga, īyo Mulungu abisagīgije abo bantogilwe.

Yakobo 2:5

Alidegelekagi badūgū batogwa, ū Mulungu atabasolile a bahabī ba mu sī gīkī babize basabi ū mu kūzunya, na babize bingīji ba mu būtemi ūbo abisagīgije abo abatogilwe!

1 Petro 1:8

Nguno muntogilwe nūūlū īkī mutaalī ū kūmona, na munsanije nūūlū īkī mutūmonaga ī haha. Nīyo mukūyegaga na būyegi būtaale w'ikūjo īlo lītī na kasomboolele.

1 Yohana 4:19

A bise tūlī na būtogwa, nguno ū Mulungu h'ūyo akandya ū kūtūtogwa a bise.

1 Yohana 4:7

Batogwa twitogagwi, nguno ū būtogwa būfumile kūlī Mulungu. Nīyo būlī ng'wene ūyo alī na būtogwa abyalilwe na Mulungu, na hangī aamanile ū Mulungu.

Kukundulwa 2:13

Namanile gīkī aho ūkikalaga h'aho līlī ī lisumbī lya būtemi lya ng'wa Shetani; alīyo ū bebe ūlīdimile ī lina lyane, ūtaalī ū kūkūleka ū kūzunya kwako ūmo ūnizunīgije ū nene, ūtalekanile nago nū mu shikū ja kūbūlagwa kwa ng'wa Antipa, ū nkaanīji wane ng'wishigwa, ūyo akabūlagīlwa mu nzengo gwing'we, ūmo akikalaga Shetani.

Kukundulwa 2:19

Nīmanile ī milīmo yako, nū būtogwa wako, nū kūzunya kwako, na a katūmamīle kako, pyī nū wiyūmīlīja wako. Namanile nī gīkī ī milīmo yako ī ya haha īkīlile a ha ya kwandya.

Kukundulwa 2:9

Nabūmanile ū būluhi wako nū būhabī wako, kwike ūlī nsabi. Nabūmanile nū būsondagūji wabo abo bakihayaga gīkī Bayudaya, alīyo batī bene; a boi balī isinagogi lya ng'wa Shetani.