1 Bakolinto 8:1 - Sukuma New Testament 2000

¹ Ī mihayo ya shitambo īsho shikafunyiagwa mu myatīla ya witongeleja, ī yene pye a bose tūmanile gīkī twīdeebile; kwike ū būmani būkenhaga wikumīlīja, alīyo ū būtogwa būkazengaga.

Bibilia Ilagano Lya Kale 2015

¹ Ī mihayo ya shitambo īsho shikafunyiagwa mu myatīla ya witongeleja, ī yene pye a bose tūmanile gīkī twīdeebile; gwike ū būmani būkenhaga wikumīlīja, alīyo ū būtogwa būkazengaga.

Ilagano Ipya Lya

¹ Mihayo ya ku shinhu isho shufunyiwa ku shikolile sha kulamiwa ili giki, tumanile biswe bose tuli nabo bumani: bumani bukenhaga budoshi, aliyo butogwa bukuzenjaga.

1 Bakolinto 8:1 Iomraidhean Croise

Shītwa 15:10

Hama nibūlī lūūlū ī haha mulīngema ū Mulungu, mu nzīla ya kūbatūūlīla ijoki idito mu nhingo a bahemba, īlo tūlīlemeelilwe a bise ū kūlībūūcha, pye na a bakūlūgenji bise baalī balīlemeelilwe?

Shītwa 15:29

Yaya ū kūlya ī shitambo sha mu mawitongeleja, na a mininga, pyī nī ndimu ja kūnigwa; yaya nūūlū kwisanja mu mihayo ya būjingi. Ūlū ng'ūlekana nayo ī yenīyo, mukūtūngīlīja. Ikalagi mu mhola.”

Shītwa 21:25

Ī mihayo ya banhū ba mahanga ī yene twamala kwizunīlīja kale, tūbandīkīla na kūbandīkīla, gīkī balekane nū būfunya bo shitambo kū mashiikolile, nū kūlya a mininga nūūlū ndimu ja kūbūlagwa na kwitwa mininga yaya; balekane nayo gete ī yenīyo, pyī nū būjingi.”

Balumi 11:25

Nguno badūgū bane gūlīho mhayo gwa mbisīla, ūyo natatogilwe muleke ū kūgūmana, nose ng'wikale mukwikumīlījaga. Balīho Baisilaeli bamò bagūnu, nīyo bakwikala gīko kūshisha līng'we ī lisaabu lya banhū ba mahanga a bingīji.

Balumi 12:16

Igwīndanyagi ū mu kikalīle, yaya ū kwikala ng'wiganika mihayo mitaale, alīyo ng'wīdīlīla nī mido-mido; nū kwikumīlīja yaya.

Balumi 14:10

Ali lūūlū nibūlī ū bebe ūkūnamulaga ū ndūgūyo? Nūūlū nibūlī ūkūndalahaga ū ndūgūyo? Nguno pye a bose tūkwīmīīla kū būtongi w'isumbī lya ng'wa Mulungu lya kūlamulīla.

Balumi 14:14

Namanile gete, hama nīyo nalī na witegeleja gīkī ū mulī Seeba Yesu, shitīho shose-shose īsho shilī shabūbi shoi shenekīlī dūhū. Alīyo ū kūlī munhū ūyo akūshibalaga gīkī shilī shabūbi, numho nghana shilī shabūbi ū kūlī we.

Balumi 14:19

Hūna lūūlū, tūlondeelagi mihayo ya mhola na kwizenga būlī munhū na biye;

Balumi 14:22

Ū kūzunya kwako ūko ūlī nako, bizaga nako bebe ng'wenekīlī kū būtongi bo ng'wa Mulungu. Alī na mbango ūyo atibalīla būbi ū mu mihayo īyo ayanukūlile gīkī īlī yawiza.

Balumi 14:3

Ūyo akalyaga yaya ū kūndalaha ūyo atalyaga, nū yūyo atalyaga yaya ū kūnamula ūyo akalyaga, nguno ū Mulungu ang'wanukūlile.

Balumi 15:14

Nīyo hangī badūgū bane, ū nene ng'wenekīlī namanile hape gīkī, a bing'we mulī nayo mingī ī yawiza. Hama nīyo īkī mulī bitegeleja mu mihayo ya mbika jose, mudūgije nū kwihūgūla bing'we kū bing'we.

1 Bakolinto 1:5

Nguno ū mulī we mulī na būsabi būtaale, ū mu kalūngalūngīle nū mu witegeleja bose,

1 Bakolinto 10:15

Nalīwīla banhū bitegeleja, īlolagi chiza īyo nalīyīhaya yenīyī.

1 Bakolinto 10:28

Kwike ūlū wigela munhū ose-ose wa kūmuwīla gīkī, “Ī shenīshi shalī shafunyiagwa kūbiza shitambo,” lekagi ū kūlya kūlwa nguno yakwe ū nghayi ng'wenūyo, na kūlwa nguno ya wiyangūji wa mu moyo.

1 Bakolinto 14:20

Badūgū bane, yaya ū kūbiza baana ū mu maganiko, alīyo ū kū yabūbi bizagi beleele; lelo ū mu maganiko kūlagi.

1 Bakolinto 15:34

Ilanghanagi mushimīzīle mu būtūngīlīja, hama yaya ū kwīta ī shibi; nguno balīho bangī bataamanile ū Mulungu. Ū gwenūyū nalīmuwīla namudimye minala.

1 Bakolinto 4:10

A bise tūlī bachilū-chilū kūlwa ng'wa Kilisto; lelo a bing'we mulī na masala ū mulī Kilisto, a bise tūlī bagokolo, a bing'we mulī na nguzu; a bing'we mukūkumīlījiagwa, alīyo a bise tūkūdalahagwa.

1 Bakolinto 4:18

Kwike bamò bing'we bandije kwigīmba-gīmba gītī gīkī natizaga ko ū nene!

1 Bakolinto 4:6

Ali lūūlū badūgū bane, ū mu mihayo yenīyo nitūūlaga ho nene na Apolo kūbiza shigemelo kūlwa kūmulanga, gīkī ū mu kiganikīle king'we ng'ooye ū kwīkīlanhya īyo yandīkilwe, pyī nū kwikumīlīja kūlwa munhū ūyū, lelo ū ūngī ng'wene ng'wandalaha!

1 Bakolinto 5:2

Nibūlī mukwikumīlījaga, aho yalī īng'wigeleelilwe kūpīnīhala, na kūnkīndīka ū munhū ūyo wagwītile ū mhayo gwenūyo?

1 Bakolinto 5:6

Ū wikumīlīja wing'we būtī būsoga; mutamanile gīkī ī shibimbya nūūlū shikabiza shigehu na ginehe shikadudumyaga būsu h'ūmo būkwīlīle ūlū shūlubanījiwa mo?

1 Bakolinto 8:2

Ūlū munhū akwiganikaga gīkī amanile shose-shose, ū ng'wenūyo ataalī ū kūmana ūmo shing'wigeleelilwe kūmana.

1 Bakolinto 8:4

Hūna lūūlū, ī mihayo ya kūlya shilīwa īsho shikafunyiagwa kūbiza shitambo mu myatīla ya witongeleja; tūmanile gīkī ī shikolo īsho shikalamiagwa shitī na gose-gose ū mu sī, na gīkī atīho Mulungu ūlū atī ūmò wike.

1 Bakolinto 8:7

Kwike ū būmani wenūbū būtīmo ū mu banhū pye a bose, balīho bangī kūlwa kūmanīīla myatīla ya witongeleja, nī haha ūlū balīlya bakabonaga gītī shafunyiagwa mu mbika ya witongeleja, na lūūlū ū mu gīko bakasosohalaga ū mu myoyo yabo nguno migokolo!

Baefeso 4:16

Ū mulī we ū ng'wenūyo pyī ū mīlī gūdimanyiwe hamò, gūkūbanījiwa mu nzīla ya nge ja būlī mbika ījo jilīho. Hūna lūūlū gūkūkūlaga na kwizenga mu būtogwa kūlwa būgunaani wa būlī ibudīka, kūlenganīla na būdūla bo katūmamīle kalyo.

Bakolose 2:18

Mutizūnzunīlīja ose-ose ūyo akūmudalahaga, kūnū ūng'wenhela mihayo ya wibembu bo higūlya-gūlya, na ya kūbalamya bamalaika ūmo abonelile wei ng'wenekīlī. Ū ng'wenūyo adooshiwe maganiko ga mīlī gokwe dūhū, lekanagi nanghwe nguno alī dalali; atizūng'wenheleja kūjimīīja mheela ying'we.

Kukundulwa 2:14

Alīyo nalī na mihayo ya kūkūhūgūla; nguno ūlī na banhū balebe ū ng'wenūmo, abo badimile malange ga ng'wa Balaamu, ūyo akananga Balaki mhayo gwa kūbatūūlīla Baisilaeli sha kūbipamya. Ūbalanga na kūlya shitambo sha kūfunyiwa kū shiikolile, hamò na kwīta būjingi.

Kukundulwa 2:20

Alīyo nalīkūhūgūla, nguno ūzunije mihayo ya ng'wa Yezebeli, ū nkīma ūyo akihayaga gīkī nghangi; ūyo akabalangaga na kūbahembeka batūmami bane, wabalemba-lemba, wabingīja mu būjingi na mu kūlya shilīwa īsho shikafunyiagwa shitambo kū mashiikolile.