1 Bakolinto 13:8 - Sukuma New Testament 2000

⁸ Ū būtogwa būtalebaga na hado yaya; alīyo nūūlū ni būhangi būkūshila ho, nū būlūngalūngi mu ndīmi jingī nabo būkūshila, pyī nū būmani būkūshila ho.

Bibilia Ilagano Lya Kale 2015

⁸ Ū būtogwa būtalebaga na hado yaya; alīyo nūūlū ni būhangi būkūshila ho, nū būlūngalūngi mu ndīmi jingī nabo būkūshila, pyī nū būmani būkūshila ho.

Ilagano Ipya Lya

⁸ Butogwa butalaleba ho welelo bose: aliyo nulu bubiza ho buhangi, bulagaya; nulu jabiza ho ndimi, jilafulika; nulu bubiza ho bumani, bulagaya.

1 Bakolinto 13:8 Iomraidhean Croise

1 Bakolinto 13:13

Hūna lūūlū ī haha ī mihayo īyo īsaagile ho īlī kūzunya, kwisagīlwa, na būtogwa; īdatū yenīyo, kwike ū ntaale kūtinda yose gūlī būtogwa.

Bagalatia 5:6

Nguno ū mulī Kilisto Yesu ū mhayo gwa kūsaalwa nūūlū kūleka kūsaalwa gūtī na solobo yose-yose, ū mhayo ū ntaale gūlī gīkī; ū būzunya wiyooleche mu shītwa sha būtogwa.

Shītwa 2:4

Pye a bose bokajiwa na Moyo Ng'wela, bandya kūyomba mu ndīmi jingī, gīt'ūmo Moyo akabinha kūyomba.

Bahebrania 8:13

Ū mu kūlīhaya ī lyenīlī gīkī līlī ilagane ipya, hū kūhaya ī lya kwandya alībonile gīkī lyakūlūhalile. Ali lūūlū, ī shikolo ūlū shūkūlūhala numho shakwīgije ī shikū, shilījīlīīla kūshila.

1 Bakolinto 13:10

Alīyo ūlū yūshika ī mishikanu, īkūshila ho ī ya būnagī yenīyī.

1 Bakolinto 12:10

Na ūngī kwīta milīmo ya būdūla, ūngī būhangi, ūngī kwīyitegeleja myoyo, ūngī mbika ja ndīmi, ūngī būdūla bo kūshomeleja ndīmi.

Shītwa 19:6

Ū Paulo aho wabatūūlīla makono ūbikīīla ū Moyo Ng'wela, bandya kūlūngalūnga mu ndīmi jingī, na kūhanga.

Luka 22:32

Alīyo naamalile kūkūlombela, gīkī ū kūzunya kwako kūtizūchabagīla. Ū bebe ūlū ūlanigalūkīle, ūkūbaguzuhya na a baana bang'wing'we!”

1 Bakolinto 14:39

H'īyo lūūlū badūgū bane, bizagi na nghūmbū nago ū mhayo gwa kūhanga, alīyo nū gwa kūlūngalūnga mu ndīmi jingī yaya ū kūgūhangīja.

Shītwa 13:1

Ū mu kanisa ya Antiokia baalīho bahangi na balangi: ba Balinaba, Simioni ūyo witanagwa ng'wilabūzu, Lukio muna Kilene, Manaeni ng'wanong'wawe na Helode mu kūlelwa, na Saulo.

1 Bakolinto 8:2

Ūlū munhū akwiganikaga gīkī amanile shose-shose, ū ng'wenūyo ataalī ū kūmana ūmo shing'wigeleelilwe kūmana.