1 Bakolinto 13:3 - Sukuma New Testament 2000

³ Nūūlū nakagabanhya bahabī pyī ī shikolo shane īsho nalī nasho, nifunya na gīkī ū mīlī gone gūpemve mu moto; alīyo nahene ūlū natī na būtogwa natīko kūpandīka solobo yose-yose!

Bibilia Ilagano Lya Kale 2015

³ Nūūlū nakagabanhya bahabī pyī ī shikolo shane īsho nalī nasho, nifunya na gīkī ū mīlī gone gūpemve mu moto; alīyo nahene ūlū natī na būtogwa natīko kūpandīka solobo yose yose!

Ilagano Ipya Lya

³ Hangi nulu nagaba shikolo shane shose kubagisha bahabi, nulu niyinha ko mili gwane gupemve moto, aliyo ulu nati na butogwa, cha kunibelela nati nacho.

1 Bakolinto 13:3 Iomraidhean Croise

Yohana 15:13

Atīho nūūlū ūmò ūyo alī na būtogwa būtaale kūtinda wenūbū, gīkī munhū kweega būpanga bokwe kūlwa banwani biye.

Matayo 23:5

Nguno pyī ī milīmo yabo bakīītaga gīkī babonwe na banhū; ū gwabo gūlī gwa kwikala būkūlīlīja fulakitelia jabo, na kūlīhīlīja masune ga nghanjo jabo dūhū.

Bagalatia 5:26

Tūtadooselagi midūhū, kūnū twiyūbūkīla na kwiyītīla wilu bise benekīlī na benekīlī.

Luka 18:28

Hūna ū Petelo ūhaya, “Ī gīsī angū ūlībona gīkī a bise twaleka ī shikolo shise kūlwa kūkūlondeela bebe!”

Bahebrania 13:9

Yaya ū kūjananījiwa na malange mageni ga būlī mbika, nguno īlī yawiza ī ngholó jiyūguzuhiwa mu nzīla ya shigongo, ītī mu nzīla ya shilīwa; ī shoi shitīko kūbagunaana mhayo gose-gose abo bakashikoya-koyelaga.

1 Timoteo 4:8

Nguno nghana ī chene īlīho solobo ū kūgūmanīlīja ū mīlī kūtūmama, kwike ītī nhaale. Alīyo ū wela būlī na solobo mu būlī mhayo, hangī būlī na kwisagīlwa ū mu būpanga bo haha, nū ng'wikanza īlo līliza.

Yohana 12:43

Nguno baalī batogilwe ikūjo lya banhū kūtinda ikūjo lya ng'wa Mulungu.

Luka 18:22

Alīyo ū Yesu aho wigwa gīko ūng'wīla, “Ūlīleba ho mhayo gūmò, shijinjage pyī ī shikolo īsho ūlī nasho ūbinhe bahabī, ūkūbiza na wibīkīja wa sabo ng'wigūlū, hūna wize ūnilondeele.”

Shītwa 21:13

Alīyo ū Paulo ūshosha ūhaya gīkī, “Bing'we mulīīta mhayo kī ū gwenūyū, mulīlīla gīkī munigwishe ngholó? Managi gīkī ū nene natazunije kūtungwa dūhū, alīyo nūūlū kūchīla ko ī Yelusalemu, kūlwa lina lya ng'wa Seeba Yesu!”

Yohana 13:37

Ū Petelo ūng'wīla, “Nibūlī Seeba natūdūla ū kūkūlondeela ī haha? Ū nene nūūlū būpanga bone nakūbūfunya kūlwa nguno yako!”

Yohana 6:63

Ū moyo h'ūyo gūkinhaga būpanga, ū mīlī gūtī na solobo nūūlū hado. Ī mihayo īyo nalīmuwīla h'īlī moyo, hama h'īlī būpanga.

Luka 19:8

Kūhayimanīla ū Zakayo wīmīīla, ūng'wīla ū Seeba gīkī; “Seeba, ī nusu ya sabo yane nalībinha bahabī; hama nīyo nūūlū nanyeekeja munhū shikolo, nakūnshokeja nghangala inè!”

Bafilipi 2:3

Yaya ū kwīta mhayo mu kūkooba ikūjo nūūlū mu wikumīlīja, alīyo mubize bidohya, būlī ng'wene ibone gīkī alī ha sīlīlī ya biye.