1 Bakolinto 13:2 - Sukuma New Testament 2000

² Nūūlū nakabiza na būdūla bo kūhanga, nūūlū kwitegeleja mbika jose ja mbisīla, hama nūbiza na būmani bose hamò na kūzunya ūko kūdūgije kūsaamya na ngūlū; alīyo ūlū natī na būtogwa, ū nene natī na fiilū!

Bibilia Ilagano Lya Kale 2015

² Nūūlū nakabiza na būdūla bo kūhanga, nūūlū kwitegeleja mbika jose ja mbisīla, hama nūbiza na būmani bose hamò na kūzunya ūko kūdūgije kūsaamya na ngūlū; alīyo ūlū natī na būtogwa, ū nene natī na fiilū!

Ilagano Ipya Lya

² Hangi nulu nabiza na cha kwinhiwa cha buhangi; nulu namanile mihayo yose ya kwigeniha, na bumani bose; hangi nulu nabiza na kuzunya kose kwa kwinja ho ngulu, aliyo ulu nati na butogwa, nahene nati kinhu.

1 Bakolinto 13:2 Iomraidhean Croise

Matayo 13:11

Nanghwe ūbashokeja ūhaya, “A bing'we ng'winhilwe būmani, mujimane ī mbisīla ja būtemi bo ng'wigūlū; alīyo a boi batinhilwe.

Matayo 17:20

Nanghwe ūhaya, “Kūlwa nguno ya būdo wa kūzunya kwing'we. Nalīmuwīla gwa nghana gīkī, ū kūzunya kwing'we ūlū kūbiza kūshikanu gītī kabīyū ka haladali, mudūgije nūūlū kūlūwīla lūgūlū gīt'ūlū gīkī, ‘Īngaga ho a henaho’; na nghana lūkwīnga. Nīyo gūtīho mhayo ūyo gūkūmulemeela ū kūgwīta. [

Matayo 21:19

Aho alī mu nzīla ūbona ntini, ūliga ho kūlola; kwike ūgayiwa shikolo shose-shose, gwalī na madūūtū dūhū. Ūgūwīla ū ntī gīkī, “Ūtalatwaja matwajo ilalī!” Haho na haho gūūma ū ntini gwenūyo!

Matayo 21:21

Nanghwe ū Yesu ūbashokeja ūhaya, “Zunyagi nalīmuwīla gwa nghana gīkī, ūlū ng'ūbiza na kūzunya kūtī na kūtawa-tawa, mudūgije kūgwīta ū mhayo gwenūyū; nīyo ītī kū ntini dūhū, alīyo nūūlū lūgūlū gīt'ūlū mudūgije kūlūwīla gīkī, ‘Īngaga a henaho ūkagwe mu nyanza,’ na nghana īkūja chene.

Shītwa 13:1

Ū mu kanisa ya Antiokia baalīho bahangi na balangi: ba Balinaba, Simioni ūyo witanagwa ng'wilabūzu, Lukio muna Kilene, Manaeni ng'wanong'wawe na Helode mu kūlelwa, na Saulo.

Balumi 11:25

Nguno badūgū bane gūlīho mhayo gwa mbisīla, ūyo natatogilwe muleke ū kūgūmana, nose ng'wikale mukwikumīlījaga. Balīho Baisilaeli bamò bagūnu, nīyo bakwikala gīko kūshisha līng'we ī lisaabu lya banhū ba mahanga a bingīji.

Balumi 15:14

Nīyo hangī badūgū bane, ū nene ng'wenekīlī namanile hape gīkī, a bing'we mulī nayo mingī ī yawiza. Hama nīyo īkī mulī bitegeleja mu mihayo ya mbika jose, mudūgije nū kwihūgūla bing'we kū bing'we.

Balumi 16:25

Ali lūūlū, kūlī we ūyo adūgije kūmuguzuhya mu nzīla ya Nghūlū Jawiza ījo ninhwa nene, na būlomeeji ūbo Yesu Kilisto akūlomeelagwa, ūmo īloolekeja mihayo ya mbisīla īyo yalī ībisilwe makanza malīhu,

1 Bakolinto 11:4

Būlī ngosha ūlū alīlomba nūūlū alīhanga alīyo ū ntwe gokwe gūkundīkīgije, akūbiza alīgūgoola ū ntwe gokwe.

1 Bakolinto 12:28

Ū Mulungu ahelile ū mu kanisa; a ba kwandya batūng'wa, ba kabīlī bahangi, ba kadatū balangi, hūna babeeja ba milīmo ya koolecha būdūla, na bangī balī na shakwinhwa sha kūpīja, bangī sha būgunaani, bangī sha būsugi, na bangī mbika ja ndīmi.

1 Bakolinto 13:1

Nūūlū nakadūla kūlūngalūnga mu ndīmi ja banhū na ja bamalaika, alīyo ūlū natī na būtogwa, nakūbiza gītī shisīnza shikūyoganyaga, nūūlū gītī kazīnzīlī īkūtūlagwa.

1 Bakolinto 13:3

Nūūlū nakagabanhya bahabī pyī ī shikolo shane īsho nalī nasho, nifunya na gīkī ū mīlī gone gūpemve mu moto; alīyo nahene ūlū natī na būtogwa natīko kūpandīka solobo yose-yose!

1 Bakolinto 13:8

Ū būtogwa būtalebaga na hado yaya; alīyo nūūlū ni būhangi būkūshila ho, nū būlūngalūngi mu ndīmi jingī nabo būkūshila, pyī nū būmani būkūshila ho.

1 Bakolinto 14:29

Banhū babīlī nūūlū badatū bahange, lelo a bangī badegeleke mu kūwitegeleja ū būhangi wabo.

1 Bakolinto 14:39

H'īyo lūūlū badūgū bane, bizagi na nghūmbū nago ū mhayo gwa kūhanga, alīyo nū gwa kūlūngalūnga mu ndīmi jingī yaya ū kūgūhangīja.

1 Bakolinto 14:4

Ūyo akayombaga mu ndīmi jingī akizengaga wei ng'wenekīlī, lelo ūyo akafunyaga būhangi, ū ng'wene akabazengaga abo balīmo ū mu kanisa.

1 Bakolinto 15:51

Leki namugodele kaka kamhayo ka mbisīla: gīkī, tūtūshila kūcha pye a bose, alīyo pyī tūkūgalūchiwa.

1 Bakolinto 16:22

Ūlū alīho munhū atantogilwe Seeba leka azung'we. Malanasa!

1 Bakolinto 4:1

Na lūūlū ū mu yenīyī, būlī munhū ni atūbalage a bise gīkī tūlī batūmami ba ng'wa Kilisto, na babilisīlwa ba mbisīla ja mihayo ya ng'wa Mulungu.

1 Bakolinto 7:19

Nguno ū būsaalwa būtī na solobo, nū būtūsaalwa būtī na solobo; ū mhayo ntaale gūlī kūdima shilagīlo sha ng'wa Mulungu.

1 Bakolinto 8:4

Hūna lūūlū, ī mihayo ya kūlya shilīwa īsho shikafunyiagwa kūbiza shitambo mu myatīla ya witongeleja; tūmanile gīkī ī shikolo īsho shikalamiagwa shitī na gose-gose ū mu sī, na gīkī atīho Mulungu ūlū atī ūmò wike.

2 Bakolinto 12:11

Ī gete angū mmho nose naachilūhala! Alīyo mulīnenheleja bing'we, abo yalī īng'wigeleelilwe munigaliile. Nguno shitīho gete īsho banilebije a batūng'wa a bataale, nūūlū īkī ū nene natī shikolo.

Bagalatia 5:16

Na lūūlū nalīmuwīla gīkī, shimīzīlagi mulī Moyo, hū mukoya ū kwīta ya kwikūmva kwa mīlī.

Bagalatia 5:22

Alīyo ī litwajo lya ng'wa Moyo līlī: būtogwa, būyegi, mhola, wiyūmīlīja, wiza-ngholó, būdīlīji, kūzunya,

Bagalatia 6:3

Nguno ūlū munhū akwiyiganikīlaga wei ng'wenekīlī gīkī alī shikolo sha solobo alīyo gashi atī chene, ū ng'wenūyo akwilembaga wei ng'wenekīlī.

Baefeso 3:4

Ū mu kwīsoma ī yenīyī, mukūbūbona ū witegeleja bone ūmo nīmanīlile ī mbisīla ya ng'wa Kilisto.

Baefeso 6:19

Nū nene ng'ūnilombela ninhwe mhayo, nongeje kūgūtūmamīla ū nomo gwane mu būgimu, nīkumūche ī mbisīla ya Nghūlū Jawiza.

Bakolose 1:26

Ū mhayo gwenūyū īlī mbisīla īyo yalī ībisilwe ū kū shiseeng'wa a makanza a ga kale. Alīyo ī haha waboolekegije a beela bakwe.

1 Timoteo 3:16

Ī mbisīla ya logohano kūlī Mulungu īlī nhaale no, a henaho ītīho halalī. Akabonekana mu mīlī, oolechiwa na Moyo gīkī alī ntūngīlīja, wiloleelwa na bamalaika; ūkumūchiwa kū mahanga, wanukūlwa mu sī, hama ūtwalwa kwigūlya ng'wikūjo.

1 Yohana 4:8

Ūyo atī na būtogwa ataamanile ū Mulungu, nguno ū Mulungu alī būtogwa.