1 Bakolinto 13:1 - Sukuma New Testament 2000

¹ Nūūlū nakadūla kūlūngalūnga mu ndīmi ja banhū na ja bamalaika, alīyo ūlū natī na būtogwa, nakūbiza gītī shisīnza shikūyoganyaga, nūūlū gītī kazīnzīlī īkūtūlagwa.

Bibilia Ilagano Lya Kale 2015

¹ Nūūlū nakadūla kūlūngalūnga mu ndīmi ja banhū na ja bamalaika, alīyo ūlū natī na būtogwa, nakūbiza gītī shisīnza shikūyoganyaga, nūūlū gītī kazīnzīlī īkūtūlagwa.

Ilagano Ipya Lya

¹ Nene nulu nulungalunga na ndimi ja banhu nulu na ja bamalaika, aliyo ulu nati na butogwa, nabizaga giti kalumbete kakulilaga, nulu chuma chape ikikulilaga.

1 Bakolinto 13:1 Iomraidhean Croise

Matayo 25:45

A henaho nanghwe akūbashokeja alīhaya; ‘Nalīmuwīla gwa nghana gīkī, ūmo ng'walī mutang'wītīlile mhayo nūūlū ūmò wa bado-bado aba, mutanīītīlile nene!’

Maliko 16:17

Ī shimanīkījo īshi shikūbiza hamò nabo a bazunya: bakūyūpeeja masamva na kūlūngalūnga mu ndīmi jingī, mu lina lyane.

Balumi 14:15

Hūna lūūlū ūlū ūmpīnīhaja ndūgūyo kūlwa nguno ya shilīwa, numho ūtūshimīzīlaga ū mu būtongwa; ūtizūnkenaagūla kūlwa shilīwa shako ū munhū ūyo akachīlīlwa na Kilisto.

1 Bakolinto 12:10

Na ūngī kwīta milīmo ya būdūla, ūngī būhangi, ūngī kwīyitegeleja myoyo, ūngī mbika ja ndīmi, ūngī būdūla bo kūshomeleja ndīmi.

1 Bakolinto 12:16

Nūūlū ū gūtū ūlū gūhaya gīkī, “Ū nene natī wa mīlī īkī natī liso,” ī yenīyo nayo ītī nguno ya kūgwīta gooye ū kūbiza ibudīka lya mīlī.

1 Bakolinto 12:8

Nguno ū mu kinhīle ka ng'wa Moyo, ūngī akwinhwa masala, alīyo ūngī winhwa būdūla bo kwitegeleja, gīt'ūmo alatogelwe ū Moyo ng'wenūyo.

1 Bakolinto 13:8

Ū būtogwa būtalebaga na hado yaya; alīyo nūūlū ni būhangi būkūshila ho, nū būlūngalūngi mu ndīmi jingī nabo būkūshila, pyī nū būmani būkūshila ho.

1 Bakolinto 14:2

Nguno ūyo akayombaga mu ndīmi jingī atayombaga na banhū, akayombaga na Mulungu. Atīho ū wa kūng'witegeleja, īkī akayombaga mu moyo mihayo ya mbisīla.

1 Bakolinto 14:4

Ūyo akayombaga mu ndīmi jingī akizengaga wei ng'wenekīlī, lelo ūyo akafunyaga būhangi, ū ng'wene akabazengaga abo balīmo ū mu kanisa.

1 Bakolinto 14:5

Natogilwe na a bing'we mudūle ū kūlūngalūnga mu ndīmi jingī, alīyo ī no-no-no mudūle kūyūhanga. Nguno ū nghangi alī ntaale kūnkīla ūyo akayombaga mu ndīmi jingī, numho ūlū ūfunya na būshomeleja kūlwa kwīzenga ī kanisa.

1 Bakolinto 8:1

Ī mihayo ya shitambo īsho shikafunyiagwa mu myatīla ya witongeleja, ī yene pye a bose tūmanile gīkī twīdeebile; kwike ū būmani būkenhaga wikumīlīja, alīyo ū būtogwa būkazengaga.

2 Bakolinto 12:4

Ū munhū ng'wenūyo akahwehulwa ūtwalwa paladiso, ūūkigwa mihayo īyo munhū atazunīlījiwe kwīsomboola.

Bagalatia 5:22

Alīyo ī litwajo lya ng'wa Moyo līlī: būtogwa, būyegi, mhola, wiyūmīlīja, wiza-ngholó, būdīlīji, kūzunya,

Bagalatia 5:6

Nguno ū mulī Kilisto Yesu ū mhayo gwa kūsaalwa nūūlū kūleka kūsaalwa gūtī na solobo yose-yose, ū mhayo ū ntaale gūlī gīkī; ū būzunya wiyooleche mu shītwa sha būtogwa.

1 Timoteo 1:5

Ī nguno ya kūkwinha ū būganikīji wenūbū īlī gīkī, būbize ho būtogwa ūbo būfumile mu ngholó neela na wiyangūji wawiza, na kūzunya kwa nghana.

1 Petro 4:8

Ū mhayo ū ntaale itogagwi mu būtogwa bo nghana, nguno ū būtogwa būkakundīkījaga shibi sha mbika ningī.

2 Petro 2:18

Bakikumīlījaga kūnū bakūyombaga mihayo mitaale alīyo midūhū, nūūlū īkī īkadutaga maganiko ga banhū abo kwikūmva kwabo kwa mīlī kūbaheebile; hūna ū mu gīko bayūbagwasha abo bakūpūlūgūkaga kwīnga mu makono ga banhū ba nhūngwa ja malofu.

Kukundulwa 14:2

Niigwa n'ilaka kūfuma ng'wigūlū, gītī lya nghuutumo gwa minzī mingī, na gītī lya nghilimo ntaale gwa mbula. Ī lilaka īlo nakaliigwa lyenīlo lyalī gītī lya batūji ba ndono bakūtūlaga ndono jabo.