1 Bakolinto 11:2 - Sukuma New Testament 2000

² Nalīmukumīlīja īkī mukūnizūkagwa mu yose, nīyo na a malange ayo nakang'winha mugadimile.

Bibilia Ilagano Lya Kale 2015

² Nalīmukumīlīja īkī mukūnizūkagwa mu yose, nīyo na a malange ayo nakang'winha mugadimile.

Ilagano Ipya Lya

² Namukumilija, badugu, iki mukanizukagwa mu mihayo yose; hangi mukadimaga shimile gitumo naangʼwinha bingʼwe.

1 Bakolinto 11:2 Iomraidhean Croise

Luka 1:6

A bose būbīlī wabo, baalī batūngīlīja ū kūlī Mulungu. Hangī ū mu kashimīzīle kabo baalī bashidimile pyī ī shilagīlo sha ng'wa Seeba; nū mu katongeelele kakwe baalī batī na shisembo.

1 Bakolinto 11:17

Alīyo ū mu mhayo ūyū, ū gwene natūmukumīlījaga. Nguno ū kwibilinga kwing'we kūtī na solobo yose-yose, ūlū ītī kwiyingīja mu makoye dūhū!

1 Bakolinto 11:22

Mutī najo ī kaya ja kwigasha ng'walya na kūng'wa kwenūko? Nūūlū hamo mukwīdalahaga ī kanisa ya ng'wa Mulungu, nose mukūbizaga na nghūmbū ja kūbadimya minala abo batī na shikolo? Ī gīsī namukumīlīje, nūūlū namuwīle mhayo kī? Ū mu mhayo gwenūyū natūdūla ū kūmukumīlīja!

1 Bakolinto 15:2

Ū mhayo ūyo nakamulomeela gwenūyo, gūlī gwa kūmupīja ūlū ng'ūgūdima mu welwa-ngholó, numho hamo mubize ng'wazunyaga higūlya-gūlya dūhū!

1 Bakolinto 4:17

Ū Timoteo ū ng'witūnja wane ntogwa, na munhū nsanyiwa mulī Seeba, nalīntūma ize ūko mulī kūlwa nguno ya kūng'wizūkīja ī nzīla jane ū mulī Kilisto Yesu, nū mumo nakūjaga nūlangīla ū mu kanisa pyī ī jose.

1 Bakolinto 7:17

Hūna lūūlū, būlī ng'wene shiigelile ashimīze gīt'ūmo agabīlilwe na Seeba, ūmo Mulungu ang'witanīlile. H'ūmo nakūlangīlaga ū mu kanisa pyī ī jose.

1 Batesalonike 1:6

Ning'we mukabiza balondeeji bise na ba ng'wa Seeba, nguno mukagwanukūla ū mhayo mu makoye mingī; alīyo hangī na būyegi mulī Moyo Ng'wela.

1 Batesalonike 3:6

Alīyo ī haha ū Timoteo wamalile kūshoka kūfuma ū kū bing'we, ī nghūlū ja būzunya nū būtogwa wing'we ījo watwenhelile jilī jawiza no, nīyo ūtūwīla nū gwa gīkī būlī gwa mukūtwizūkagwa; na hangī mulī na nghūmbū ja kūtūbona gīt'ūmo na a bise tūlī na nghūmbū ja kūmubona a bing'we.

2 Batesalonike 2:15

Hūna lūūlū ī haha badūgū, handatīlagi, ng'wīdime ī mihayo īyo ng'wamala kūlangwa mu nzīla ya būlomeeji wise, nūūlū mu nyalūba jise.

2 Batesalonike 3:6

Hama tūlīmukomeleja badūgū mu lina lya ng'wa Seeba Yesu Kilisto gīkī, lekanagi nanghwe būlī ndūgū ūyo alī na nhūngwa ja boolo, ūyo atūshimīzīlaga mu malange ayo ng'waganukūla kūfuma kū bise.