TIMOTHI MƆƐKƐ TIŊDƐ 3:10 - Sherbro New Testament Portions

¹⁰ Yɛlayo koŋ gbɛlɛŋ hɔ ya toŋgi yɛ, chekin mamdɛ, la ya bɛn bolɛ ihɔloŋ miyayɛ, laanɛmdɛ, muyumdɛ, nchɔŋmalen mamdɛ, yɛthimi kathɛ,

TIMOTHI MƆƐKƐ TIŊDƐ 3:10 Iomraidhean Croise

ATHƐSALONIANAƐ NSENDƐ 1:5

haliwɔ womdi hi yegbeɛ lɔ hun konɔko chen gboɛ hɔkay, kɛ ka fɔsa ni Min Charaŋday ni ka lanɛ thiŋ nɔɛ gbi. Ŋa si anyaɛ ŋaɛ hindɛ han thiyeŋ ha ikɛlɛŋ nɔɛ.

TIMOTHI NSENDƐ 1:3

Kendɛ ya gbɔnda nɔɛ yɛ ya ka che kɔni Masidonia koɛ, ntelɛ Ɛphisɔs ko, chelɛ, mɔ bɔ gbɔnda anya pum ŋa ma toŋgi jali Hɔbatokɛ li tilaŋ,

TIMOTHI NSENDƐ 4:6

Yɛ mbɛ gbo sabatho ki anya laanɛ Hɔbatokɛ chee, mɔ bi ha cheɛ womnɔ yegbe ha Krayst Jisɔs, jo ŋje ma ŋhɔk ma laanɛɛ ni naythin toŋgi tiŋtiŋdɛ tha ŋa ŋkoŋ lemdɛ.

TIMOTHI NSENDƐ 6:11

Kɛ ha hɔm, nɔki Hɔbatokɛ, ŋkosini lanɛ ki gbi, bɛ nten ma mɔɛ tiŋtiŋday, ŋche Hɔbatokɛay, laanɛ, ŋchɔmalen, yɛthini kath, mbɔsay.

TIMOTHI MƆƐKƐ TIŊDƐ 2:22

Labiɛ may jali fonikeyɛ ni nten ma mɔɛ ko jali tiŋtiŋdɛ, laanɛ, chɔŋmalen, ni mbɔs, binthimani ŋanɛ ŋa vel ilel Bɛɛ ka gbɔl charaŋdɛ.

TIMOTHI MƆƐKƐ TIŊDƐ 4:2

Thɛkɛsi hɔk Hɔbatokɛ, che lɛni mɛŋk gbi, ha pɔ laanɛ, hɔl, ni tɔŋk, ma mani ha bi muyu ni ha toŋgi.

TIMOTHI MƆƐKƐ TIŊDƐ 4:3

Haliwɔ mɛŋkɛ hɔ hunɛ yɛ ayin chen pɛ muyu toŋgi tiŋtiŋ, kɛ ka nui thi sɔkul hae dikilɛni anya toŋgiɛ ŋa la ŋa yema theɛ,

TIMOTHI MƆƐKƐ TIŊDƐ 4:7

Ya koŋ chɔ chɔthi yegbeɛ, ya koŋ ka ihamdɛ, ya koŋ laanɛ.