TIMOTHI NSENDƐ 4:7 - Sherbro New Testament Portions

⁷ Ma bi len gbi ha hɛk mbɛnɛ ma biyɛni jali Hɔbatokɛ. Ndum ni ŋkɛn naythin Hɔbatokɛay.

TIMOTHI NSENDƐ 4:7 Iomraidhean Croise

TIMOTHI NSENDƐ 1:4

ŋa ma binthima jali mbɛnɛ ni gbal ram la biɛni mɛkindɛ la chi thoŋgaɛ la chen chi kaŋ Hɔbatokɛ kɔ laanɛayɛ;

TIMOTHI NSENDƐ 1:9

ki la sa nɔ gbo nten, kɛ pɔ bɛni saba ha ŋanɛ ŋa tiŋtiŋdayɛ kɛ ha ŋanɛ ŋa chen kwe sabaɛ ni ikweyɛ lendɛ, ha ŋanɛ ha sini Hɔbatokɛ ni anya kafaɛ, ŋanɛ ha iche charaŋdɛ ni iche jali Hɔbatokɛay ha ŋanɛ ŋa diy mbaaɛ ni ŋyaaɛ, ha nɔ diyɛ anyin,

TIMOTHI NSENDƐ 2:10

kɛ ka jaliha yegbe kendɛ amaɛ ŋa hɔ jalɛ la ŋa laanɛ.

TIMOTHI NSENDƐ 3:16

Hi laŋniɛ kɛ sɔkɔth thubi hiɛ kɔ bomba: Pɔ ka toŋgiwɔ ki jal lɛ, ni Min Charaŋ wɔ wɔye toŋgi nɔ rɔŋdɛ, malka ha wɔ ye ke, thɛkɛsi la pɔksay, hɔlɔɛ ŋɔ wɔ ye laanɛ, thɛŋg wɔ Arijana.

TIMOTHI NSENDƐ 4:8

Yɛlabɛ ha dum jal lɛ la li kɛlɛŋ ki naythindɛ gbi, jali Hɔbatokɛ la che li kɛlɛŋ naythinday gbi, sɔŋgɔma la yɛthiɛ kaŋgbe ha ihɔlɔŋ do ni ihɔlɔŋdɛ ŋɔ hundɛ.

TIMOTHI NSENDƐ 6:11

Kɛ ha hɔm, nɔki Hɔbatokɛ, ŋkosini lanɛ ki gbi, bɛ nten ma mɔɛ tiŋtiŋday, ŋche Hɔbatokɛay, laanɛ, ŋchɔmalen, yɛthini kath, mbɔsay.

TIMOTHI NSENDƐ 6:20

O Timothi, mpa la pɔ ko mɔ bɛ fiɛ. Ŋkosini theliaŋdɛ kɔ chendɛ theliaŋ Hɔbatokɛ ni thoŋga mbolɛ kɔ pɔ vel bi nten dɛ,

TIMOTHI NSENDƐ 6:3

Yɛ nɔ gbi toŋgiɛ gbo ja tilaŋ ni la kɔkani ni ŋhɔk ma tiŋtiŋ ma Bɛɛ hiɛ Jisɔs Krayst ni toŋgiɛ kɔ kɔkan naythin Hɔbatokɛ.

TIMOTHI NSENDƐ 6:5

ni chɛŋg chɛŋg ka ŋsuŋktha anyin thiyeŋ ŋa biyɛni itɛnin dɛ ni yemani si rɔŋdɛ, ŋa tɛnini lɛ jali Hɔbatokɛ la ha sɔthɔ bɛrɛ.

TIMOTHI MƆƐKƐ TIŊDƐ 2:16

Kɛŋgiɛni theliaŋ ibiɛ jali Hɔbatokɛ, haliwɔ kɔ gbo lam yɔk anyin iche Hɔbatokɛay,

TIMOTHI MƆƐKƐ TIŊDƐ 2:23

Ma bi len ha hamani bolmin, thoŋga ibiɛ nten; nsiɛ lɛ la chi ŋhɔ.

TIMOTHI MƆƐKƐ TIŊDƐ 3:12

La rɔŋ nɔɛ gbi wɔ theni gbo ha che jali Hɔbatokayɛ Krayst Jisɔsay wɔ nke ngbathil,

TIMOTHI MƆƐKƐ TIŊDƐ 3:5

ŋae yɛthi jali thubi ko Hɔbatokɛ kɛ ŋae hɛm fɔsa landɛ. Ŋa kɛŋgiɛni anya che vɛ.

TIMOTHI MƆƐKƐ TIŊDƐ 4:4

ŋaye thimni ha lɔŋ nui ko tiŋtiŋ dɛ ŋae pɔŋni ko mbɛn.