Yake 4:1 - Seysyo No Tao

¹ Do wanjin na kapwan no yamapeyliliman jinyo. Manngwa, beken a yapo do malas a onowned nyo?

Yake 4:1 Iomraidhean Croise

Matay 15:19

O mapo do onowned am amyan dang so makakaday a nakenakem no tao a ipeyraraten a mangap so tao, mangzakza, manakaw, mangalalas, manamwad.

Yowani 8:44

Inyo am anak kamo ni Satan. Ta nyo pangozayan o nakenakem no ama nyo a nimakalapo no kakwa o kapangap na so tao. Ji nakzan o manoyong a nanao, ta abo jya o manoyong a nanao. Cinatao na o kapangalalas na, ta iya rana am kapangalalas na a yapwan no makakaday a malas.

Loma 7:23

Am kapeylamlamsoy na so kataotao ko no raraten. Ori o yamaciliman do ikakza no onowned ko. Am ori o yako icyakmey mavaod no raraten.

Loma 7:5

No kato ta pa mangozayan do adan a onowned ta a meyraraten am nipatwaw no iwawalam na ni Moyse o raraten ta do onowned ta. Am o kapalit no raraten am mangay do makotokotod a lila no apoy a mangay no makwa.

Loma 8:7

O to mangozay do malas a onowned na tao am akma ney kavosoyan si Ama ta do to. Ta ji na ngonoci o iwawalam na ni Ama ta do to.

Cyalatay 5:17

Ta o marahet a ikeykakza no kataotao ta am macitarek a kano ikakza na jyaten no Seyzi. So icyakma dey meykavosoyan, do kazazat na jyaten no Seyzi a mangozay do marahet a ikeykakza no kataotao ta.

Kelosi 3:5

Am ori o to nyo peykaboboi so marahet a ikeykakza nyo, akman so mapasagpyan so aktokto a kano makakaday a marahet a aktokto a kano mangagom. Ta o mangagom rana ya am akmey to na raralayan o kakzeben na no nakem.

2 Timotay 2:23

Ji nyo ngahapa o malas a ciriciring a ipacinekanekad nyo. Ta katenngan mo o akman sang a vazay a mapeyliliman.

Tito 3:3

Yaten rana no kakwa pa am abwata o katatenngan ta a ji mangamizing a akmey mavozaw pa so aktokto a to mangozangozay do onowned ta a makza no meycyamadadayan do karawan. So ikanoyong ta amyan pa do peyraratenan ta kano panginanehtan ta kano pasikaokaoyyan ta.

Tito 3:9

Am ji mo pasngena o kapacinekanekad da a macivaivait no iwawalam na ni Moyse a kano katatapilan nyo. Ta o akman rana sang am abo o peypeypangayan no akman sang.

Yake 1:14

O kalittan a tao am littan no marahet a ikeykakza na do onowned na.

Yake 4:3

No nyo amin ji Ama ta do to am nyo jyahap. Ta yamalas o aktokto nyo. Ta o kataotao nyo o nyo naknakmen.

1 Pite 1:14

Onotan nyo si Ama ta do to. Ji nyo to nginara o marahet a icicirawat nyo no kaji nyo pa manaralayan.

1 Pite 2:11

O ko ipanci pa jinyo manga keypong am tamo akmey miseysan do karawan. Ji nyo to ngonongonongi o nakenakem nyo. Ta o marahet a onowned ta am ipeyparai ta ji Ama ta do to.

2 Pite 2:18

Sira rana am sya mapatwaw so rako a ciring a tomirara so vayo pa niomtad no peyraratenan da tao.

2 Pite 3:3

O ney makdeng na am manakem nyo o keyyan no to mangozangozay do onowned da tao a meykeykaming ninyo do pangavosan no karawan.