Sipolay 9:9 - Seysyo No Tao

⁹ O peypeypangayan no yanimalavat ta makakaday a vazay ori am ipakateneng ta do kaji na makanetan no patanangen da kagling a kano baka ji Ama ta do to a ivonas so raraten no tao.

Sipolay 9:9 Iomraidhean Croise

Loma 5:14

Am no kabo pa no iwawalam na ni Moyse am amyan rana so tao a mawakwak. Tana ji sira akman si Adam a ji niomamizing si Ama ta do to am akman sira si Adam a mawakwak, ta amyan so raraten da. Si Adam am pehngehngain ji Yeso Kizisto. Am meytarek o pamoonen da do tao.

Cyalatay 3:21

No akman sang am manngwa, masipalpalpid o iwawalam ni Moyse a kano pangozayan na a ciring a nitoro na ni Ama ta do to? Jyabo kakman na sang a. No si manoyong o kapakahap ta no iwawalam ni Moyse so to meyyonong a ikavyay no pahad ta am makanet rana ori a ipacikaop ta ji Ama ta do to.

Sipolay 10:11

O yamapatanatanang nira so nakem da no tao do Yotay am mangday so araw sira a yameytatanek a yamahap so vazay ni Ama ta do to a mapatanang so kagling a kano baka. Am yameyyangangay do araw o da patanangen. Tana todangay no makwa am ji na vonas o raraten no tao no rala no kagling a kano baka.

Sipolay 11:19

Nipeyhanhan na ni Apolahan si Ama ta do to a mapaoli sya avyain si Isa. Am ori o ta pancyan ni Apolahan a nimahap si Isa do apwa kawakwakan na.

Sipolay 5:1

O nipamnekan da no tao do Yotay a panirsirngen no mapatanatanang so nakem da si Ama ta do to am mapasyasi nira ji Ama ta do to, a mapatanang nira so makakaday a sarayan da ni Ama ta do to, kapatanang na so rala no kagling a kano baka a ivonas na so raraten da.

Sipolay 7:11

O iwawalam no Isedi a tao am nimakalapo no kakwa o kapangozay da do iwawalam ni Diwey a mapatanang so nakem da ji Ama ta do to. No makanet rana ori a ipakasalap ta do teyngato am ikongo tovoyan na pa ni Ama ta do to si Yeso Kizisto a mapatanatanang nyaten so nakem ta ji Ama ta do to akman si Mocisete, a iblis na so adan a iwawalam ni Yalon.

Sipolay 8:4

No yamyan pa si Yeso do teyrahem am ji na peyvazaya o kapatanatanang na so nakem no tao ji Ama ta do to, ta amyan rana so mapeyvazay sya a mangozay do iwawalam no tao do Yotay.

Sipolay 9:24

Jya nisomdep si Yeso do nyamaog no tao a akmey sarwap a panaralayan. Ta o nyamaog no tao am ji meyngongyod ori. Si Kizisto rana am yarana myan do teyngato a mapasyasi nyaten do tangain ni Ama ta do to.

1 Pite 3:21

O henep rana am kehngehngay na no ranom a da itaktak jyaten do kyokay. Am sicyaikwa rana ya am nyo rana ipeyhanhan si Yeso Kizisto a nimirwa a mavyay a mapatazadang jinyo do teyngato. So ji na monganai do kanownaw no kataotao nyo. Ta monganay jyaten a manci nya ji Ama ta do to so kanoyong ta na mahap so vazay na.