Sipolay 9:12 - Seysyo No Tao

¹² Si Yeso Kizisto am ji rana mapalolo so rala no kagling a kano baka. Ta mina to na rana patananga o rala na ipatazadang na jyaten do teyngato. Am o akman rana sang a vazay am ipisa mapatanang nyaten a kakavos na rana a mangay do kaidan no karawan.

Sipolay 9:12 Iomraidhean Croise

Make 3:29

Am o omraherahet so Seyzi na ni Ama ta do to am to rana meyyonong a akman sang a jyavonas. Ta o akman rana sang a raraten no tao am to rana meyyonong o akman sang.”

Locya 1:68

“Manoyong a isaray o Tao do to da no Isedi a tao a tomalamozong nyaten an. Ta tovoin na o sivovoong ni Tawey a omyavayo so onowned ta a mapatazadang jyaten do teyngato.

Nimlivolivon 20:28

So ipeypepzat nyo an. Ahapen nyo o nitoro na jinyo no Seyzi a marilaw no kadwan jinyo. Ta sira rana am nipalit na no rala no Anak na ni Ama ta do to a yarana macikaop jya.

Ivoso 1:7

Si Kizisto yanimawakwak nyaten. Am ori o yana nikavonas no raraten ta. Tey rako o pangangarilawan na ni Ama ta do to a yana nitoro jyaten.

Kelosi 1:14

Nyagag na yaten ni Yeso Kizisto do peyraratenan ta. So ta ikanoyong rana nimavonas so raraten.

1 Tesalonicya 1:10

So yanyo nanalan so Anak na si Yeso Kizisto a meygegcin a apo do teyngato. Si Yeso Kizisto am nivyay na ni Ama ta do to a nimapo do heseb na. Iya o yata pakahatasan so peyoyaoyyan na ni Ama ta do to no makwa.

Tito 2:14

Na nipalit ni Yeso Kizisto no kataotao na o raraten ta. So ikaro ta rana do makakaday a ta pineyraratenan. So icyakma tamoy matnaw a ranom so onowned a omanod jya, mowyat a meyvazay so apya vazay.

Sipolay 1:3

Yatomwaw jya o azwazway ni Ama ta do to. Iya rana am akma ney kataotao ni Ama ta do to. Na kalopkopen no oyowyat no ciring na o makakaday do karawan. Nikawakwak na o raraten no tao a kangay na rana do teyngato amlisna do wanan ni Ama ta do to a meypanirsirngen.

Sipolay 10:19

Manga kakteh, o peypeypangayan no cinawakwak na ni Yeso am ipakateneng ta do kaji ta rana vokahawan a mangay do tangain ni Ama ta do to.

Sipolay 10:4

Ta o rala no baka kano kagling am ji na vonas o raraten no tao.

Sipolay 13:12

Akman sang si Yeso a niwakwak da do siri no ili. O peypeypangayan no kaniomvoyog no rala ni Yeso am ivonas na so raraten no tao.

Sipolay 5:9

Komavos o vazay na ni Yeso am tombod rana jya o to meyyonong a ikavyay no pahad da no yaomonot jya tao,

Sipolay 7:27

Iya am yamacitarek a kano aro a panipanirsirngen no mapatanatanang so nakem, do yana kaji mangdayan so araraw a yamapatanang so nakem da a ivonas so raraten da no tao. Iya rana am ipisa mapatanang so nakem na kato na rana ngavosan. O na nipatanang am kataotao na.

Sipolay 9:13

No si saboin o tao no nikataheman no nitemtem a avo no baka ranom a kapasaboy da jira so rala no kagling a kano baka do ipanci da akmey makanyaw do iwawalam da am todavoga rana sira.

Sipolay 9:14

Kakwakwan na rana no rala no kagling a kano baka a ipanci da makavoga so nikaratan da. Imanngo rana o oyowyat no rala ni Kizisto. Ta nioyatan no Seyzi a mapatanang so abo so karatan a kataotao na ji Ama ta do to. Jyabo kaji na haraharan pa makavonas so marahet do onowned ta a ombalinas so malas a icicirawat ta. No si manoyong o kakman ta sang am manoyong ta pahanhanen na ni Ama ta do to do vazay na.

Sipolay 9:15

So ikanoyong ni Kizisto a yatomalamozong no vayo a pangozayan a ciring na ni Ama ta do to a somidong so nipamnekan na tao a omahap so nakem na jira. So na ikanoyong ni Kizisto a niomagag sira do raraten da a ji ngonot do manmanma pangozayan a ciring a nitaid na ji Moyse ni Ama ta do to.

Sipolay 9:19

O ney manma na am ipeylimwang ni Moyse o iwawalam ni Ama ta do to do aro a tao a kapangap na rana so rala no baka kano kagling pazavozen do ranom, kapangap na rana so akmey vangkoro a milakayob a pinabedbed do akmey kamanakaoy a kasaboy na so aro a tao a kano vakong a adketan no nanao ni Ama ta do to.

Sipolay 9:28

Yakman sang si Kizisto a ipisa mapatanang so kataotao na a ivonas na so raraten no aro a tao. So ikeypisa na pa mai do teyrahem. Am beken a raraten o vazay na. Ta mangay na hapen sira o mapanala sya tao.

Sipolay 9:7

Am o Panirsirngen no mapatanatanang so nakem am no somdep do katangked na vahay am abo ikararwa na. Ipisa do kasa kawan a somdep. No somdep am mangap so rala no kagling a kano baka a patanangen na a ivonas na so monganay jya raraten na kano ji da ningongyod a raraten da no macikeylyan a tao.

Ipaziman 1:5

a kani Yeso Kizisto a ta ipeyhanhan so ciring. Iya rana am ney manma na nimirwa a mavyay. Si Yeso Kizisto rana am yatomalamozong no panipanirsirngen do karawan. Na ikarilaw yaten. Na nipahawa yaten no rala na do yata peyraratenan.

Ipaziman 5:9

a kapeyyanwanood da so vayo a anood. O kanwanoodan na am, “Imo o makahap so vakong a mapakaro so nipadketan a vakong. Ta imo rana am niwakwak da imo. O nimvoyog a rala mo am nimapatastas so tao do peycyeylilyan na kano meykataretarek so ciring a kano meytaretarek a tao do sinokob no hanit a yaitoro ji Ama ta do to a yaponged na.