Sipolay 9:11 - Seysyo No Tao

¹¹ Am yarana nimakaranes si Kizisto a ney manhama na yamapanop jyaten ji Ama ta do to a yamai no vayo a pangozayan a ciring na ni Ama ta do to. So na ikapyapya pa kano adan a pangozayan a ciring. So yana rana iyan do teyngato ni Yeso. Ta apyapya ori a kano nyamaog no tao do teyrahem a panaralayan.

Sipolay 9:11 Iomraidhean Croise

Matay 11:3

“Manngwa, imo o nipanci ni Yowani a mai? No namen pa nanalahen.”

Matay 2:6

‘Inyo rana tao a meyvahay do Podiheng a macinapnap do Yotay am tana ney likey na o ili nyo am ney manhama kamo a tao. Ta amyan jinyo so asa ka tao a makayokod ninyo a Isedi a tao.’ ”

Make 14:58

“Namen nimamizing ori a yanimanci no yana kakavakava so yanyamaog no lima no tao a rako a panaralayan. Si katlo araw am mapatnek so asa ka panaralayan a jya nyamaog no lima no tao.”

Yowani 1:14

So nipeyvaliw no Ciring a tao a macikaop jyaten a tey rako so pangangarilawan a tey manoyong. So nipakacittan namen rana so azwazway na. So ikanoyong na abo so ikararwa angayan no azwazway. Ta iya rana am veyvowen na Anak ni Ama ta do to.

Yowani 4:25

Maniring o mavakes jya am, “Ko katenngan na kai no Misayya. No si mai ori am miminen na o vazay a ipanci jyaten.”

Nimlivolivon 7:48

“Am si Ama ta do to rana am ji meyvahay do nipariparing da no tao a vahay. Ta akman so nivatvatkan no panoyonoywan na so ciring na no kakwa. Maniring am,

2 Kedinto 4:18

Namen jyakzan o macimalag do mata namen a monganay do karawan. Ta namen ikeykakza o yajyacita no mata. Ta ori rana am ji meyyonownay ori. Am o yajyacita no mata am to meyyonong ori.

2 Kedinto 5:1

Tamo katenngan o na kakmey vahay no kataotao ta do karawan eya a mababalinas. Am no makwa am ipanta na yaten so asa ka vayo a kataotao ta do teyngato ni Ama ta do to. Am beken a nyamaog no tao, ta nyamaog ni Ama ta do to. Am ori o to na meyyonongi.

Kelosi 2:11

So na rana iyan no yongkad nyo a yamonganay ji Ama ta do to a tao, do nyo kapacikaop ji Kizisto. Am o yongkad rana am beken a monganay do kataotao. Ta yamonganay ori ji Kizisto, do na kaniomyavayo so onowned nyo.

Sipolay 10:1

O iwawalam na ni Moyse am ji makanet pa ori. Ta ori rana am akma ney avwavong pa ori no pangangasyan na ni Yeso a itoro na jyaten. Akman sang o da patanangen a yajyates do awawan a kagling a kano baka. Ta makongo ori a mapeypapya so tao a mangay do tangain ni Ama ta do to. Jyabo o kapakasidong na so tao a.

Sipolay 12:27

O ciring na, “Ipisa ori,” am mamimin o nyamaog na magnoz a mabalinas. O teyngato rana jyabalinas.

Sipolay 13:14

Ta abo do karawan eya o to meyyonong a peyvahayan ta. Am ori o ta kalan so to meyyonong a angayan ta no makwa.

Sipolay 2:17

O peypeypangayan no kapeyngongyod na tao ni Yeso Kizisto am amyan rana so peyneynaran na sya do alalaw no tao do karawan a kapakateneng na rana do ahahapan na sya a marilaw nyaten a mapasyasi nyaten ji Ama ta do to, do ka iya na no ney manhama na mapatanatanang nyaten so nakem ta ji Ama ta do to. Am ori o ikanoyong ta na nivonas na rana ni Ama ta do to so raraten.

Sipolay 3:1

Inyo rana akma koy kakteh do cinai a yana rana nipamnekan ni Ama ta do to a omanop jya am naknakmen nyo si Yeso a yana nitovoy ni Ama ta do to do teyrahem. Iya rana am ney manhama na mapatanatanang so nakem ta ji Ama ta do to a yata pangozayan a yamraralay ni Ama ta do to.

Sipolay 4:15

Si Yeso Kizisto am panoyngen na yaten a tao do karawan a ji makanet so nakenakem. Ta iya rana am nimasapa na o makakaday a ilita na jya ni Satan. Am jya nikalittan. Iya am abo o raraten na.

Sipolay 7:1

O meyngaran so Mocisete am panirsirngen da no Saleng. Iya ori am panirsirngen da no mapatanatanang nira so nakem da ji Ama ta do to. Teyka na sira balinasen ni Apolahan o apat a ka panirsirngen am meysinaoli rana. Meyratateng am rapongen na no meyngaran so Mocisete a kapanlanlag na nya.

1 Yowani 5:20

Tamo katenngan o Anak ni Ama ta do to a yanimai rana a yamanta nyaten so teneteneng ta a ta ipakateneng do manoyong a Tao do to. So ta ikanoyong a macikaop do ney manoyong na a Tao do to a kani Yeso Kizisto a Anak na. Iya rana am manoyong a Tao do to a yapwan no to meyyonong a ikavyay no pahad ta.

2 Yowani 1:7

Yamyan so aro a mangnanao no malas a nanao a tao a amlivolivon do karawan. O da patwawen a ciring am da alalasan si Yeso Kizisto a nimalikey do karawan. Sira rana ori am mangalalas so tao a omalalas ji Kizisto.