Sipolay 8:13 - Seysyo No Tao

¹³ Yarana nimangamaog si Ama ta do to so vayo a pangozayan a ciring a nyalit na do adan a pangozayan a ciring. So to na rana tastasi no adan a pangozayan a ciring, ta abo rana o oyowyat na.

Sipolay 8:13 Iomraidhean Croise

Matay 24:35

Mabalinas o hanit a kano teyrahem. Am jyablis o ciring ko a mangay do kaidan no karawan.

Locya 22:20

Mateyka sira koman am akman so sang, ta ahapen na ni Yeso o kopo a yanan no potaw cyo. Maniring am, “Oya rana am rala ko a nimvoyog a omaing jinyo a yongkad no vayo a pangozayan a ciring na ni Ama ta do to.

1 Kedinto 13:8

O pangangarilawan rana am jyavitos. Ta to meyyonong o kapangarilaw so tao. Am o teneteneng do pangananawan am mavivitos. Akman sang o meyzezyak so macitarek a ciring. Ta amyan so kasaraw a ikavitos na. Akman sang, ta ji meyyonownay o teneteneng a makateneng do nanao na ni Ama ta do to.

2 Kedinto 3:6

Iya o yanamen ipakahap so vayo a pangozayan a ciring na ni Ama ta do to a yanamen ipeylimwang. Oya rana am beken a nivatvatkan. Ta pangozayan a ciring no Seyzi. O nivatvatkan a iwawalam am ikawakwak no tao. Am o Seyzi am itoro na jyaten o to meyyonong a ikavyay no pahad ta.

2 Kedinto 5:17

Ta o macikaop ji Yeso Kizisto a tao am vayo rana o onowned na. Ta nipeymakarwan na rana o adan a icicirawat na. So ikamimin na rana vayo.

Sipolay 1:11

Amyan so kasaraw a ikabalinas da. Am imo am to ka meyyonong. So ikanoyong da akmey ayob a mararalaw.

Sipolay 12:24

Inyo rana am kamo rana nimakaranes do tangain ni Yeso a yanimanta ninyo so vayo a pangozayan a ciring na ni Ama ta do to a na rana nitaktakan no rala na. Ta o rala na ni Yeso o mapanop jyaten ji Ama ta do to a omagaz do kapyapyan. Ta o rala na ni Yapo am omagaz do kararatan.

Sipolay 7:22

So ikanoyong na ni Yeso Kizisto a yongkad ni Ama ta do to a mangononong do vayo a pangozayan a ciring na jyaten. So ikapyapya na pa no vayo a pangozayan a ciring na ni Ama ta do to a kano adan a ciring na a nitaid na ji Moyse.

Sipolay 8:6

Am o vazay na ni Yeso a mapatanatanang so nakem ta ji Ama ta do to am maharahara pa kano vazay da no mapatanatanang so nakem no tao do teyrahem. Ta si Yeso rana am nipanop na yaten no vayo a pangozayan a ciring na ni Ama ta do to. O vayo a pangozayan a ciring na ni Ama ta do to am omaing do mina ciring na ni Ama ta do to so omanoyong jya tao. So ikapyapya na pa no nang a kano adan a pangozayan a ciring.

Sipolay 8:8

Am ioya na ni Ama ta do to o Isedi a tao. Maniring am, “Yarana makeykai o araraw no patnekan ko no Isedi a tao a kano Yoda tao so vayo a pangozayan a ciring.

Sipolay 9:15

So ikanoyong ni Kizisto a yatomalamozong no vayo a pangozayan a ciring na ni Ama ta do to a somidong so nipamnekan na tao a omahap so nakem na jira. So na ikanoyong ni Kizisto a niomagag sira do raraten da a ji ngonot do manmanma pangozayan a ciring a nitaid na ji Moyse ni Ama ta do to.