Sipolay 8:10 - Seysyo No Tao

¹⁰ Maniring pa jira si Ama ta do to am, ‘Ipatnek ko sira o Isedi a tao so pangozayan da a ciring no makwa. Peydednahen ko o iwawalam ko do oo da kapangay ko sya do onowned da. Abneken da yaken a Tao do to da. Abneken ko sira akma koy anak.

Sipolay 8:10 Iomraidhean Croise

Matay 22:32

O ciring na ni Ama ta do to am, ‘Yaken rana am Tao do to ko ni Apolahan a kani Isa kani Yakebo.’ O peypeypangayan no nang am Tao do to da si Ama ta do to no mavyay a tao a omanoyong jya. Ta o tao rana do tangain ni Ama ta do to am mamimin a mavyay sira.”

Loma 11:27

No si marateng rana o araraw am pangononongan ko o ciring ko a amvonas so raraten da.”

1 Kedinto 6:16

Nyo jyatenngi o karahet no mahakay a mapasagpyan so kataotao na do somagpyan a mavakes? O akman sang a tao am akmey meytovong sira do vahay. Ta maniring do Seysyo am, “Akmey asa rana sira so kataotao o rarwa meytovong do vahay.”

2 Kedinto 3:3

Kamo mapayok a akma ney teygami ni Kizisto a yana nivatvatkan a yana niparara jyamen. O teygami rana ya am beken a yana nivatvatkan ni Ama ta do to no ipeyveyvatvatek do mataripis a vato a nitaid na ji Moyse. Ta nivatvatkan no Seyzi no to meyyonong a Tao do to do onowned no tao.

Tito 2:14

Na nipalit ni Yeso Kizisto no kataotao na o raraten ta. So ikaro ta rana do makakaday a ta pineyraratenan. So icyakma tamoy matnaw a ranom so onowned a omanod jya, mowyat a meyvazay so apya vazay.

Sipolay 11:16

O ikakza da am apyapya pa vahay do teyngato. Am ori o ji na macimanigi nira ni Ama ta do to no kapanci da nya Ama da do to. Ta amyan rana so hapan na sira ili.

Yake 1:18

Na to mangozai o nakem na a manci nyaten akma ney anak. Ta yaten rana am ipeyhanhan ta o manoyong a nanao na. Am ori o yata iyan do ney manokdwan na do makakaday a nyamamaog na.

Yake 1:21

Am ori an, vonasan nyo so marahet a nakenakem nyo a kano marahet a icicirawat nyo a omonot ji Ama ta do to a omahap so ciriciring na a na akmey nipamowa do onowned nyo a mapatazadang jinyo do teyngato.

1 Pite 1:23

Ta inyo rana am yamyan rana jinyo so to meyyonong a Ciriciring ni Ama ta do to a ikavyay no pahad nyo.

1 Pite 2:9

Am inyo am na nipamnekan inyo a yasa so inawan a mapatanatanang so nakem ji Ama ta do to a Panirsirngen ta. So ikanoyong nyo a abo so karatan a asa ka mahataw a italamozong ni Ama ta do to, a na nipamnekan a meylimwang no yamapeyzokab a vazay na. Ta inyo am na nyagag inyo do kasarisaryan a yameyraratenen. So nyo rana iyan do kazngangan.