Sipolay 7:27 - Seysyo No Tao

²⁷ Iya am yamacitarek a kano aro a panipanirsirngen no mapatanatanang so nakem, do yana kaji mangdayan so araraw a yamapatanang so nakem da a ivonas so raraten da no tao. Iya rana am ipisa mapatanang so nakem na kato na rana ngavosan. O na nipatanang am kataotao na.

Sipolay 7:27 Iomraidhean Croise

Loma 6:10

Ipisa si Yeso a mawakwak no raraten ta tao. So na rana ipacikaop ji Ama ta do to a mavyay sicyaikwaya.

Ivoso 2:22

Am ori o nyo ipeyyangangay rana kano tao do Yotay a na rana yanan no Seyzi na ni Ama ta do to.

Ivoso 5:2

Patwawen nyo do icicirawat nyo o pangangasyan na ni Ama ta do to, akman si Yeso Kizisto a yamarilaw nyaten a yajingbeywan do inawan na nisomidong jyaten. Ta o akman rana sang a vazay na am isaray na ni Ama ta do to.

Tito 2:14

Na nipalit ni Yeso Kizisto no kataotao na o raraten ta. So ikaro ta rana do makakaday a ta pineyraratenan. So icyakma tamoy matnaw a ranom so onowned a omanod jya, mowyat a meyvazay so apya vazay.

Sipolay 5:1

O nipamnekan da no tao do Yotay a panirsirngen no mapatanatanang so nakem da si Ama ta do to am mapasyasi nira ji Ama ta do to, a mapatanang nira so makakaday a sarayan da ni Ama ta do to, kapatanang na so rala no kagling a kano baka a ivonas na so raraten da.

Sipolay 5:3

Ori o pazanodan na so kataotao na ipasyasi ji Ama ta do to a ivonas na so raraten da.

Sipolay 8:4

No yamyan pa si Yeso do teyrahem am ji na peyvazaya o kapatanatanang na so nakem no tao ji Ama ta do to, ta amyan rana so mapeyvazay sya a mangozay do iwawalam no tao do Yotay.

Sipolay 9:12

Si Yeso Kizisto am ji rana mapalolo so rala no kagling a kano baka. Ta mina to na rana patananga o rala na ipatazadang na jyaten do teyngato. Am o akman rana sang a vazay am ipisa mapatanang nyaten a kakavos na rana a mangay do kaidan no karawan.

Sipolay 9:14

Kakwakwan na rana no rala no kagling a kano baka a ipanci da makavoga so nikaratan da. Imanngo rana o oyowyat no rala ni Kizisto. Ta nioyatan no Seyzi a mapatanang so abo so karatan a kataotao na ji Ama ta do to. Jyabo kaji na haraharan pa makavonas so marahet do onowned ta a ombalinas so malas a icicirawat ta. No si manoyong o kakman ta sang am manoyong ta pahanhanen na ni Ama ta do to do vazay na.

Sipolay 9:25

O panirsirngen no mapatanatanang so nakem no tao do Yotay am mangday so awawan o kapatanang da so rala no kagling a kano baka do Ney manokdwan na vahay. Am si Kizisto rana am ipisa mapatanang so kataotao na a ivonas na so raraten no tao.

Sipolay 9:26

O na icyakman sang ni Yeso a yarana ji vangovangon so iwawalam no tao do Yotay a mapatanang so rala am na rana nipatanang o kataotao na abo so raraten a ivoga na so raraten no tao. So na ikeypisa ni Yeso a mangay mawakwak nyaten a kato na rana meyyonongan a mavonas rana no raraten ta.

Sipolay 9:28

Yakman sang si Kizisto a ipisa mapatanang so kataotao na a ivonas na so raraten no aro a tao. So ikeypisa na pa mai do teyrahem. Am beken a raraten o vazay na. Ta mangay na hapen sira o mapanala sya tao.

Sipolay 9:7

Am o Panirsirngen no mapatanatanang so nakem am no somdep do katangked na vahay am abo ikararwa na. Ipisa do kasa kawan a somdep. No somdep am mangap so rala no kagling a kano baka a patanangen na a ivonas na so monganay jya raraten na kano ji da ningongyod a raraten da no macikeylyan a tao.