Sipolay 7:26 - Seysyo No Tao

²⁶ So yana ikanoyong ni Yeso a ney manokdwan na a ta ipeyhanhan a mapatanatanang nyaten so nakem ta ji Ama ta do to. Ta yabo na karatan a yabo so raraten. Iya rana am na nipapinpin ni Ama ta do to do yameyraraten a tao. So ikanoyong na rana ney mazway na do teyrahem a kado teyngato.

Sipolay 7:26 Iomraidhean Croise

Matay 27:18

Katenngan ni Pilato o nyahapan da si Yeso a itoro jya do keynanahet da nya.

Make 16:19

Teyka na ni Yeso o aro a ciring a ipanci jira am meycyakavat rana mangay do teyngato a omlisna do wanan na ni Ama ta do to,

Locya 1:35

Maniring o tinsi am, “O Seyzi na ni Ama ta do to o peyhekasen na jimo a kano oyowyat na. So na apzatan jimo ni Ama do to. Am ori o ikatazak na tao no Anak na ni Ama ta do to.

Locya 23:22

Ipitlo na sira pacicin ni Pilato am ipanci na jira o, “Ikeykongo raraten na no nya. Jyabo ko kapakakala so iwakwak ta sya raraten na. Am ori o pancyan ko no tao a somipsipzot jya kapasaway ko na sya.”

Locya 23:41

Manoyong ta ya da wakwaken do katey marahet ta tao. Am iya rana am yabwata o yasa ka raraten na.”

Locya 23:47

Macita na no panirsirngen da no itaysang no Loma o aro a vazay am iraralay na si Ama ta do to a manci no, “Manoyong o tao eya ji meyraraten an.”

Locya 24:26

Manngwa, nyo jyatenngi o kangay no akman sang a alalaw no Misayya a kai na rana no azwazway na?”

Locya 24:46

Maniring pa jira am, “O nivatvatkan da do Seysyo a ciriciring am amyan so alalaw ni Kizisto. Ikatlo na araw am mirwa pa mavyay.

Yowani 14:30

Alikey rana o yako ipacikaop jinyo a macisirsiring jinyo. Ta yarana myan o yamimong no karawan. Am ji na harag yaken no oyowyat na.

Yowani 8:29

Yabo na ji nidongi jyaken ni Ama a yanitomovoy jyaken do teyrahem. Ko peyvazain o na isaray ni Ama. Am ori o na jya to paveyvowi jyaken.”

Nimlivolivon 3:14

Apyapyahen nyo pa o kalikod nyo do ji meylimoteng so onowned a tao a kapyapya nyo pa sya manci ni Pilato a mapasaway so asa ka nimanwakwak a tao.

Nimlivolivon 4:27

So nipangononong no nang a mina vazay da do Yelosaleng eya. Ta si Helote rana kani Pangsyo Pilato a kano karwan da tao do Yotay a kano beken a tao do Yotay am nimalovot sira nimnakenakem so kazakat da si Yeso a ji meylimoteng so onowned a nipamnekan mo a mahap so vazay mo.

2 Kedinto 5:21

Na nikarilaw yaten ni Ama ta do to. So na nitovoyan si Kizisto abo so raraten a nimalit so raraten ta. Am ori o tanyo ipacikaop ji Kizisto a abwata rana so raraten do tangain na ni Ama ta do to.

Sipolay 1:3

Yatomwaw jya o azwazway ni Ama ta do to. Iya rana am akma ney kataotao ni Ama ta do to. Na kalopkopen no oyowyat no ciring na o makakaday do karawan. Nikawakwak na o raraten no tao a kangay na rana do teyngato amlisna do wanan ni Ama ta do to a meypanirsirngen.

Sipolay 12:2

To ta peyyononga a peyyanen do onowned ta si Yeso Kizisto. Ta iya rana am nimapapo so kapeyhanhan ta ni Ama ta do to. So ika iya na no mapeynyangavosan syaha. Ji na nikamama o jyojika do tangain na. To na nazibwan o peyleylakan da sya a wakwaken do jyojika. Ta katenngan na o kapeyvoga no sarasaray na no makwa. So na rana ilisna do wanan na ni Ama ta do to sicyaikwaya.

Sipolay 2:10

O alalaw na ni Yeso Kizisto am ori o na nipazanodan jyaten akma ney anak ni Ama ta do to a macikasaray do azwazway na. Ta si Ama ta do to rana a nimangamaog so karawan a tomketken do karawan am yatey manoyong o vazay na. Ta si Yeso Kizisto o meypalanginan nyaten a mangay ji Ama ta do to.

Sipolay 2:17

O peypeypangayan no kapeyngongyod na tao ni Yeso Kizisto am amyan rana so peyneynaran na sya do alalaw no tao do karawan a kapakateneng na rana do ahahapan na sya a marilaw nyaten a mapasyasi nyaten ji Ama ta do to, do ka iya na no ney manhama na mapatanatanang nyaten so nakem ta ji Ama ta do to. Am ori o ikanoyong ta na nivonas na rana ni Ama ta do to so raraten.

Sipolay 3:1

Inyo rana akma koy kakteh do cinai a yana rana nipamnekan ni Ama ta do to a omanop jya am naknakmen nyo si Yeso a yana nitovoy ni Ama ta do to do teyrahem. Iya rana am ney manhama na mapatanatanang so nakem ta ji Ama ta do to a yata pangozayan a yamraralay ni Ama ta do to.

Sipolay 7:11

O iwawalam no Isedi a tao am nimakalapo no kakwa o kapangozay da do iwawalam ni Diwey a mapatanang so nakem da ji Ama ta do to. No makanet rana ori a ipakasalap ta do teyngato am ikongo tovoyan na pa ni Ama ta do to si Yeso Kizisto a mapatanatanang nyaten so nakem ta ji Ama ta do to akman si Mocisete, a iblis na so adan a iwawalam ni Yalon.

Sipolay 8:1

O yamakdeng a yata malavat am yamyan so ney manhama na mapatanatanang nyaten so nakem ta si Ama ta do to. Iya rana am si Yeso a yamhezsad do wanan na ni Ama ta do to do teyngato.

Sipolay 9:14

Kakwakwan na rana no rala no kagling a kano baka a ipanci da makavoga so nikaratan da. Imanngo rana o oyowyat no rala ni Kizisto. Ta nioyatan no Seyzi a mapatanang so abo so karatan a kataotao na ji Ama ta do to. Jyabo kaji na haraharan pa makavonas so marahet do onowned ta a ombalinas so malas a icicirawat ta. No si manoyong o kakman ta sang am manoyong ta pahanhanen na ni Ama ta do to do vazay na.

1 Pite 1:19

Ta o na nitbos jinyo ni Ama ta do to do nyo peyraratenan am rala na ni Yeso Kizisto, akman so icicirawat da no mapatanatanang so nakem ji Ama ta do to a mapatanang so rala no ney yapya na kagling da.

1 Pite 2:22

Abo o raraten na. Abo o malas a ciring na.

1 Pite 3:22

Yana myan si Yeso Kizisto do teyngato a yamlisna do wanan ni Ama ta do to a yatomalamozong no tinsi. So ji da makapeysopoi do oyowyat ni Kizisto no makakaday do teyngato.

1 Yowani 2:2

Nimawakwak si Kizisto a omvonas so raraten ta. Am beken a yatehen, ta kazagoman no tao do karawan.

1 Yowani 3:5

O peypeypangayan no na kai ni Kizisto am na vonasen o raraten no tao, do na kabo no raraten na.

Ipaziman 3:7

“Ipeyteygami mo o yamimong no kyokay do Veylatevey. Si maniring ka am, ‘Yamaniring o yaji meylimoteng so onowned a tey manoyong am: Yaken rana am akman ko so panirsirngen a meyngaran so Tawey a yatomalamozong no kagi. So ikabo no tao a makaneb do niwangan ko. O yako nyaneban am abo makeywang jya.