Sipolay 7:19 - Seysyo No Tao

¹⁹ Am cyaha, ta yarana myan so yapyapya pa hanhan ta a mapanop jyaten ji Ama ta do do. Iya rana am si Yeso Kizisto.

Sipolay 7:19 Iomraidhean Croise

Yowani 1:17

O iwawalam na ni Ama ta do to o nipangnanao na ni Moyse a onotan ta. Am o pangangarilawan na kano manoyong a nanao na ni Ama ta do to am ori o nyai na ni Yeso Kizisto do tao do karawan.

Yowani 14:6

Maniring si Yeso am, “Yaken am rarahan nyo. Yaken am yanan no manoyong a nanao. Yaken am yapwan no to meyyonong a ikavyay no pahad nyo. No ko abo am abo tao a makatanggeh ji Ama ta do to. So ika yaken no ipakatokod nyo ji Ama ta do to.

Loma 5:2

O ta ikakman sang sicyaikwaya am pangangarilawan na ni Ama ta do to, do ta kapeyhanhan ni Kizisto. Am ori o ikasaray ta, ta katenngan ta o kahap na jyaten ni Ama ta do to do teyngato a macikasaray do azwazway na.

Loma 7:7

No akman sang am manngwa, ipanci ta o iwawalam na ni Moyse a yapwan no raraten? Jyabo kakman na sang a. Ta o iwawalam na ni Moyse am ipakateneng ta do raraten. No abo iwawalam a yamanci no kaji mangagoman am jyabo ko kapakateneng do karahet no mangagom a.

Loma 8:3

O iwawalam na ni Moyse am ji na sidong yaten a komaro do peyraratenan ta. Ta cinatao ta o kapeyraraten ta. Am si Ama ta do to am ori o yanisomidong jyaten. Na nitovoy o Anak na a yamacingay so keyteytawan do tao do karawan a yanimawakwak no raraten ta. So ji na rana nalamozongi nyaten no raraten.

Cyalatay 2:16

Am ta katenngan an, o ipacikaop no tao ji Ama ta do to am anoyngan si Yeso Kizisto. Beken a omagaz do kahap so iwawalam ni Moyse. Yaten rana am yata anoyngan si Yeso Kizisto. Am ori o ta ipacikaop ji Ama ta do to. So na ji monganai do ta kapangozay do iwawalam na ni Moyse. Ta abo o asa ka tao a meypapya no iwawalam na ni Moyse do tangain na ni Ama ta do to.

Cyalatay 3:21

No akman sang am manngwa, masipalpalpid o iwawalam ni Moyse a kano pangozayan na a ciring a nitoro na ni Ama ta do to? Jyabo kakman na sang a. No si manoyong o kapakahap ta no iwawalam ni Moyse so to meyyonong a ikavyay no pahad ta am makanet rana ori a ipacikaop ta ji Ama ta do to.

Cyalatay 3:24

Am ori o icyakma ney inyapwan ta no iwawalam ni Moyse amzat do onowned ta mangay do yai na rana ni Kizisto a kabnek na rana jyaten ni Ama ta do to a abo rana so raraten do tangain na, do kapeyhanhan ta nya.

Ivoso 3:12

Am ori o ji ta na nyahei a mangay do tangain na ni Ama ta do to, do kapeyhanhan ta ni Kizisto.

Kelosi 1:27

O nakenakem na ni Ama ta do to am ikakza na o kapakateneng da no tao do karawan so mapeyzokab a nanao na. Ori rana am si Yeso Kizisto a yarana macikaop jyaten. So yata ikanoyong a macizanod do azwazway na ni Ama ta do to no makwa.

1 Timotay 1:1

Yaken rana am si Pawlo ko a lamlamsoy ni Ama ta do to a manoyong a mapatazadang jyaten do teyngato. Yana nipamnekan yaken ni Yeso Kizisto a omlivolivon no ciriciring na. So ikanoyong na ni Yeso Kizisto a hanhan ta.

Sipolay 10:1

O iwawalam na ni Moyse am ji makanet pa ori. Ta ori rana am akma ney avwavong pa ori no pangangasyan na ni Yeso a itoro na jyaten. Akman sang o da patanangen a yajyates do awawan a kagling a kano baka. Ta makongo ori a mapeypapya so tao a mangay do tangain ni Ama ta do to. Jyabo o kapakasidong na so tao a.

Sipolay 11:40

Ta amyan so nipamnekan na ni Ama ta do to a apyapya pa a itoro na jyaten. Ori rana am pehzahen na sira jyaten a makahap so to meyyonong a ikavyay no pahad da do teyngato a yazaw na sira.

Sipolay 11:6

No abo panganoyngan no tao am ji na narayan ni Ama ta do to. O mai do tangain ni Ama ta do to a tao am anoyngan da o keyyan ni Ama ta do to a macikaop jira a marilaw no komakzeb sya tao.

Sipolay 3:6

Akman sang si Yeso Kizisto a ji mapasala do vazay ni Ama ta do to a tomalamozong no amraralay ni Ama ta do to a tao. Am iya am Anak na ni Ama ta do to. No ji ta hayo a meyhanhan nya a omapanala so nakem na jyaten no makwa am manoyong ta macikaop ji Ama ta do to.

Sipolay 4:16

Am ori an, ji tamo a mogawi a omasngen do tangain ni Ama ta do to a omahap so itoro na jyaten a pangangasyan na kano pangangarilawan na a isidong ta so kataotao ta no makasazi ta so alalaw ta.

Sipolay 6:18

a ipadnadna na so nakem ta a yameyhanhan nya. Ta iya rana am jyabliblis o ahahapan na sya.

Sipolay 7:11

O iwawalam no Isedi a tao am nimakalapo no kakwa o kapangozay da do iwawalam ni Diwey a mapatanang so nakem da ji Ama ta do to. No makanet rana ori a ipakasalap ta do teyngato am ikongo tovoyan na pa ni Ama ta do to si Yeso Kizisto a mapatanatanang nyaten so nakem ta ji Ama ta do to akman si Mocisete, a iblis na so adan a iwawalam ni Yalon.

Sipolay 7:20

Amyan so apyapya pa nyahahapan na sya ni Ama ta do to. Ta no kapamnek na ji Yeso a mapatanatanang so nakem am amyan so makdeng a ciring na. Ta no kapamnek da no tao do sivosivovoong ni Diwey a mapatanatanang so nakem am abo o makdeng a ciring na jira ni Ama ta do to.

Sipolay 7:25

Am ori o yana ikanoyong a yamakasidong so yaomanop ji Ama ta do to a tao, do yana kato meyyonongan a mavyay a yamapasyasi nyaten ji Ama ta do to.

Sipolay 8:6

Am o vazay na ni Yeso a mapatanatanang so nakem ta ji Ama ta do to am maharahara pa kano vazay da no mapatanatanang so nakem no tao do teyrahem. Ta si Yeso rana am nipanop na yaten no vayo a pangozayan a ciring na ni Ama ta do to. O vayo a pangozayan a ciring na ni Ama ta do to am omaing do mina ciring na ni Ama ta do to so omanoyong jya tao. So ikapyapya na pa no nang a kano adan a pangozayan a ciring.

Sipolay 9:9

O peypeypangayan no yanimalavat ta makakaday a vazay ori am ipakateneng ta do kaji na makanetan no patanangen da kagling a kano baka ji Ama ta do to a ivonas so raraten no tao.

Yake 4:8

Macikasngen kamo ji Ama ta do to a kapacikasngen na jinyo. Inyo a yameycyakawad so nakem ji Ama ta do to a tao am ablisan nyo na o malas a onowned nyo a kaji nyo na meylimotngan so onowned.