Sipolay 6:2 - Seysyo No Tao

² a kano nanao na jyaten do manaktak a kano panlanlagan da nyaten no tao a mapaopta so lima da jyaten a kano nanao a omaing do mirwa mavyay a kano nanao na omaing do peykapyapinpinan na so tao ni Ama ta do to. Ta o akman rana sang am yatey masangib rana ori a yata mamizing.

Sipolay 6:2 Iomraidhean Croise

Matay 28:19

Am ori o yangay nyo do peycyamahamahatawan na a mapanop so tao a omanoyong jyaken, a kahap nyo so ngaran ni Ama ta do to a kano Anak na kano Seyzi a tomaktak jira,

Matay 3:14

Am naknakmen ni Yowani o kazazat na do nakenakem ni Yeso. Maniring ji Yeso am, “Beken a yaken o taktakan mo a. Ikongo mo yai jyaken.”

Make 16:16

O omanoyong jyaken a omya so kataktak do kataotao da am patazadangen ko sira. Am o ji manganoyong a tao am pasyain ko sira a pasingsingtan.

Make 7:4

O nisazangan a kanekanen am no ji ngoyasi am ji da nganna. So ikaro na pa dang no iwawalam da vangovangonen da do kowyas da do ininoman da kano kama da kano makakaday a kakakanan da.

Make 7:8

Maniring si Yeso am, “Nyo ikeykakza pa o icicirawat no ineynapo nyo a kano Ciriciring na ni Ama ta do to.”

Locya 11:38

Macita no tao a macyagom do Vadisay si Yeso am yeyyak na do kaji na mavanawan a todey angan.

Locya 12:50

Ko akmey todaliliw o yamai jyaken a rako a alalaw ko. Do na yanam pa no alalaw ko am yako tey mazikna so onowned.

Locya 14:14

Ta ori o ikapya mo, ta sira rana ori am abo patoplis da jimo. No mirwa a mavyay o pipya so nakenakem am patoplisan na ni Ama ta do to.”

Locya 3:16

Am ori o pancyan na nya ni Yowani do tao so, “Ranom o itaktak ko jinyo an. Am amyan pa so mahamahama ka nyaken a mai. Ta abwata o pacicingayan ko jya. Ta iya rana am Seyzi a kano apoy o itaktak na jinyo.

Yowani 1:33

Ji ko a tenngi no kakwa o nitovoy na ni Ama ta do to. Am yamaniring jyaken si Ama ta do to a mapahanhan jyaken a manaktak no ranom am, ‘O macita mo a peyhekasan no Seyzi a tao am iya o manaktak no Seyzi.’

Yowani 5:29

a kapeyvangon da do heseb da. O apya so mina vazay no kamavyay da pa am mavyay sira a kapacitovong da rana ji Ama ta do to do teyngato. O nimeyraraten no kamavyay da pa am peyvangonen ko sira kapanci ko no raraten da.

Nimlivolivon 10:47

“Yana nioyatan sira no Seyzi akman jyaten. Am ori o ji ta raci sira taktakan.”

Nimlivolivon 13:3

Mateyka sira meynozi a ji mangakaday am paoptahen da o lima da ji Parnapo a kani Sawlo a ipowyat da sira do vazay da katovoy da rana sira mangay do peycyeylilyan na.

Nimlivolivon 16:15

Teyka namen a taktakan o mavakes ori a kano macivahay jya tao am maniring jyamen am, “No si milamdam nyo yaken so onowned a yameyngongyod a omanoyong ji Yeso am mai kamo a misan do vahay ko an.” So nitaidan na jyamen a peysanen.

Nimlivolivon 16:33

No kanang na am nioyasan na no mamzamzat o nipeyzazan da Pawlo a kani Sila. Meyratateng am mamimin sira asa ka vahay a nitaktakan da,

Nimlivolivon 17:18

Amyan dang so mangnanao no nanao ni Ipikolo a kani Sitoke. Sira rana am nimai sira macinekanekad ji Pawlo. Maniring o kadwan jira am, “Ikongo na ipanci no nya a yajyapsepsek ang.” Amyan so manci no, “Yana ipanci o da iraralay no tarek a pongso.” Ta o ipeylimwang na ni Pawlo am si Yeso a kano keypirwa na nimavyay.

Nimlivolivon 2:38

Maniring si Pite jira am, “Mamlis kamo na so nakem a komaro do raraten nyo a kataktak da jinyo no ngaran ni Yeso Kizisto. Ta ori o ikavonas na no raraten nyo a katoro na rana nya jinyo so Seyzi ni Ama ta do to.

Nimlivolivon 2:41

So ikaro da no tao a mahap rana so ipangnanao na a kataktak da rana jira. No kanang rana am omanoyong ji Yeso am nikarapan sira so kakatlwan a ranaw (3000) a tao.

Nimlivolivon 23:6

To na rana tenngi ni Pawlo o kapeypinpin da no tao a macyagom do Satokay a kano macyagom do Vadisay. Am ori o nilolos na do peykeykaygyan da. Maniring am, “Manga kakteh, yaken rana am ko macyagom do Vadisay. O ineynapo ko am macyagom do Vadisay. O nyo pacicyan jyaken sicyaraw eya am ko kanoyong do keypirwa mavyay no nimawakwak a tao an.”

Nimlivolivon 24:15

Ko akman sira yaomanoyong do keypirwa da mavyay no nimawakwak rana tao, tana marahet a tana yapya so vazay a tao am to sira meyyangangay a mirwa mavyay.

Nimlivolivon 24:21

Ko naknakmen am yakmey yasa da pacioyyan jyaken, do mina kapanci ko no kanoyong ko do keypirwa no nimawakwak a tao a mavyay.”

Nimlivolivon 24:25

Karahan am ononongan na rana ni Pawlo jira a meyyaven do vahay o kapiya no icicirawat a omzat do onowned mangay do ikarateng no araraw na no ipeykapyapinpin na so tao ni Ama ta do to. Mamizing na ori ni Veydise am manyahey rana o onowned na. Maniring ji Pawlo am, “Angay rana. No ipanci ko imo am mai ka.”

Nimlivolivon 26:8

Am inyo rana a tao do Yotay am ikongo nyo ji nganoyngi ji Ama ta do to a mapeyvangon so nimawakwak rana tao.

Nimlivolivon 4:2

Meyoyaoya sira makamizing sya, ta ipangnanao da Pite a kani Yowani o kanimirwa na mavyay ni Yeso. Ta si Yeso am yongkad no kanoyong no nimawakwak rana tao a mirwa a mavyay.

Nimlivolivon 6:6

So nipancyan da nira meytatanek do tangain da no nipamnekan ni Yeso a omlivolivon no ciriciring na a meynozi nira maparapong so lima da jira ipowyat da sira do akman sang a vazay da.

Loma 2:16

O yako ipeylimwang a Mapasaray a Ciriciring na ni Ama ta do to am no si marateng rana o yai ni Yeso Kizisto a mapeykapyapinpinan so tao am patwawen na rana o makakaday a taywen no tao do onowned da.

1 Kedinto 12:13

Am ori o tana tao do Yotay ta, tana beken a tao do Yotay ta am tana lamlamsoy da yaten am tana to ta ngonongonongi o vazay ta am cyaha. Ta tamo na nimamimin a nitaktakan no Seyzi. So ta icyakmey yasa ka tao so kataotao a yana italamozong no yasa ka Seyzi.

2 Kedinto 5:10

Ta mamimin tamo eya a mangay do tangain ni Yeso Kizisto a pacicin na. To na palololwa do mina vazay ta do karawan o itoro na jyaten.

Veydipi 3:21

Pangozayan na do oyowyat na ipanod na so makakaday do sinokob no hanit a iblis na so kataotao ta do karawan. So icyakman takamo so kataotao na ni Yeso a maniray a ji rana wakwak.

Kelosi 2:12

Ta o peypeypangayan no da kataktak jinyo am yongkad no kapacizanod no raraten nyo a yakmey nimacikawakwak ji Kizisto. So icyakman nyo sang a akmey to nimacizanod ji Kizisto a nimirwa a mavyay, do kanoyong nyo do mapeyzokab a oyowyat na ni Ama ta do to a nimapeyvangon sya.

2 Timotay 2:18

Sira rana am da na nikarwan o manoyong a nanao. Ta ipanci da o kaji da na mirwan a mavyay no nimawakwak rana tao a niomanoyong ji Yeso. Ta da ipanci o kanikomavos rana no keypirwa a mavyay no tao. So da ikanoyong a mapeykamakamali so onowned no tao ji Ama ta do to.

Sipolay 11:35

O tatasa a mavavakes am mina to mirwa a mavyay o nimawakwak a makaop do asa ka vahay da, do kapeyhanhan da ni Ama ta do to. O tatasa ka tao am apyapyahen da pa o kaneb da jira kapakakasi da sira wakwaken, do kahap da so kapanganoyong da a meyhanhan ni Ama ta do to. Ta katenngan da o kapirwa da mavyay no makwa.

Sipolay 9:10

Ta do ji na pa nimapatwawi ni Ama ta do to so apyapya pa kano adan a pangozayan a ciring am mamimin pa ori a omagaz do icicirawat a kano isovo a kanen.

2 Pite 3:7

Am sicyaikwaya am yajyablis o hanit a kano teyrahem, do yana kahad sya no ciring na ni Ama ta do to, mangay do itemtem na so hanit a kano karawan a kano ji manganoyong a tao, no marateng rana o araraw no ipeykapyapinpin na so tao ni Ama ta do to.