Sipolay 6:18 - Seysyo No Tao

¹⁸ a ipadnadna na so nakem ta a yameyhanhan nya. Ta iya rana am jyabliblis o ahahapan na sya.

Sipolay 6:18 Iomraidhean Croise

Matay 24:35

Mabalinas o hanit a kano teyrahem. Am jyablis o ciring ko a mangay do kaidan no karawan.

Matay 3:7

Macita ni Yowani o aro a tao a macyagom do Vadisay a kano macyagom do Satokay a mai a manci ni Yowani a tomaktak jira am pamizngen na sira. Maniring jira am, “Inyo a yakmey mavowaw, sino ipanci jinyo o yanyo katayo no oyaoya na ninyo ni Ama ta do to.

Locya 2:25

No kano nang do Yelosaleng am amyan so asa ka tao a meyngaran si Simoyang. Iya rana ori am makdeng so nakenakem ji Ama ta do to a oyatan no Seyzi. So to na pananalai so makayokod no Isedi a tao.

Loma 15:5

Inaoy no si sidongen na inyo ni Ama ta do to a yapwan no sarasaray ta a yamapait so onowned ta. Inaoy no si inarahen nyo si Yeso Kizisto apiya so icicirawat a icyakma nyoy asa ka tao so onowned.

Loma 3:25

Nitovoy na si Yeso Kizisto a mangay mawakwak no raraten ta. So ikanoyong no meyhanhan nya tao a mavonas rana so raraten. O ikakman na sang ni Ama ta do to am ipacita na o kaji na alasan a mapeykapyapinpin so tao. Ta o pangangasyan na am ori o ji na rana mapasingsingkaji do meyhanhan nya tao no kakwa.

Loma 3:4

Jyabo kakman na sang a. Tana todamimin o tao a mangalalas am jyabo kapangalalas na ni Ama ta do to a. Akman so ciring na do Seysyo. Ta maniring am, “No mehtaw o ciring mo am yamo pangononongan an. No kapacici da jimo am ji ka nikapatawan.”

Loma 5:5

do kapeyhanhan ta ni Ama ta do to a mangononong do mina ciring na jyaten. Ta o Seyzi a nitoro na jyaten ni Ama ta do to am ori o yaomoyat do onowned ta a makateneng ta do pangangarilawan na ni Ama ta do to.

Veydipi 2:1

Manngwa, yanikarapa do onowned nyo o yanyo ipacikaop rana ji Kizisto an? Manngwa, yanikait jinyo o pangangarilawan na an? Manngwa, nyo katenngan o Seyzi a yasomidong jinyo an? Manngwa, nyo ikarilaw o kadwan jinyo an?

Kelosi 1:23

Am ori an, ji nyo na pasalai do nimamizing nyo pa no kakwa a Mapasaray a Ciriciring na ni Ama ta do to. Ta to kamo ngotokot so onowned a meyhanhan ni Ama ta do to a manta ninyo so to meyyonong a ikavyay no pahad nyo. So na rana nipeylimwangan no akman sang a nanao do karawan. So yako ikanoyong a lamlamsoy na ni Ama ta do to a meylimwang no ciriciring na.

Kelosi 1:27

O nakenakem na ni Ama ta do to am ikakza na o kapakateneng da no tao do karawan so mapeyzokab a nanao na. Ori rana am si Yeso Kizisto a yarana macikaop jyaten. So yata ikanoyong a macizanod do azwazway na ni Ama ta do to no makwa.

Kelosi 1:5

Ta no kavavayo nyo pa nimakamizing so Mapasaray a Ciriciring na ni Ama ta do to am to nyo na nganoyngi o itoro na jinyo ni Ama ta do to do teyngato.

1 Tesalonicya 1:10

So yanyo nanalan so Anak na si Yeso Kizisto a meygegcin a apo do teyngato. Si Yeso Kizisto am nivyay na ni Ama ta do to a nimapo do heseb na. Iya o yata pakahatasan so peyoyaoyyan na ni Ama ta do to no makwa.

1 Timotay 1:1

Yaken rana am si Pawlo ko a lamlamsoy ni Ama ta do to a manoyong a mapatazadang jyaten do teyngato. Yana nipamnekan yaken ni Yeso Kizisto a omlivolivon no ciriciring na. So ikanoyong na ni Yeso Kizisto a hanhan ta.

1 Timotay 6:12

Makowyowyat ka omahap so vazay na ni Yeso akman so macipalayolayo a komakzeb so kangay na do pacipanmanma na. Ji mo to nazibwan o nitoro na rana jimo a to meyyonong a ikavyay no pahad mo. Ta ori o na agagazan no na nipamnekan jimo ni Ama ta do to. So mo na nipeylimwangan no nang do tangain no aro a tao. So ikanoyong no akman sang.

2 Timotay 2:13

Tana malas o onowned ta jya am jyablis o ciring na, ta ji na mamyapyan o kaji na mangononongan no ciring na.

Tito 1:2

O peypeypangayan na rana no nanao eya am ipakahap ta so to meyyonong a ikavyay no pahad ta. Manoyong o nipanci na a itoro na jyaten no kaji na pa mangamaogan so karawan. Ta si Ama ta do to rana am abo kalalasan na.

Sipolay 11:7

Si Noya rana am tana ji na pa nimacita o vazay am nyamizing na o nipaziman na sya ni Ama ta do to, do kapeyhanhan na ni Ama ta do to. Ori o nipamaring na so rako a avang. Ori o nikapya da asa ka vahay do henep, do katey rako no raraten no tao do karawan. So nikanoyong ni Noya a nibnek na ni Ama ta do to abo so raraten do tangain na, ta nipeyhanhan na si Ama ta do to.

Sipolay 3:11

To ko na mancyan o kapeyoyaoya ko a kaji da makaransan do ipanci ko a pamahamahan da.”

Sipolay 3:6

Akman sang si Yeso Kizisto a ji mapasala do vazay ni Ama ta do to a tomalamozong no amraralay ni Ama ta do to a tao. Am iya am Anak na ni Ama ta do to. No ji ta hayo a meyhanhan nya a omapanala so nakem na jyaten no makwa am manoyong ta macikaop ji Ama ta do to.

Sipolay 6:17

Mina to na rana mancyan ni Ama ta do to o kaji na ablisan no nakenakem na sira so tao a omamoon so mina ciring na jira. Am ori o nyaitan na do ciring na ni Ama ta do to akma ney yongkad. O nipasongsong na ciring am ngaran na ni Ama ta do to,

Sipolay 7:19

Am cyaha, ta yarana myan so yapyapya pa hanhan ta a mapanop jyaten ji Ama ta do do. Iya rana am si Yeso Kizisto.

Sipolay 7:21

Am si Yeso am amyan so ciring na sya ni Ama ta do to. Maniring am, “Ji ko na ablisi o nakenakem ko a mamnek jimo a mapatanatanang so nakem no tao a mapasyasi nira jyaken a mangay do kaidan no karawan.”

1 Yowani 1:10

Am no si ipanci ta o kaji ta pa nimeyraraten am manoyong ta ipanci si Ama ta do to a mangalalas. Ta nipanci na rana ni Ama ta do to do Seysyo o kamimin no tao a meyraraten. So icyakma ney abo no ciring na ni Ama ta do to do onowned ta.

1 Yowani 5:10

Am o tao rana omanoyong do Anak na ni Ama ta do to am manoyong keyyan na do onowned na no ciring na ni Ama ta do to. Am o ji nganoyong ji Ama ta do to am alalasen na si Ama ta do to. Ta ji na nganoyngi o ciring na ni Ama ta do to a meylimwang no Anak na.