Sipolay 6:17 - Seysyo No Tao

¹⁷ Mina to na rana mancyan ni Ama ta do to o kaji na ablisan no nakenakem na sira so tao a omamoon so mina ciring na jira. Am ori o nyaitan na do ciring na ni Ama ta do to akma ney yongkad. O nipasongsong na ciring am ngaran na ni Ama ta do to,

Sipolay 6:17 Iomraidhean Croise

Yowani 10:10

O isdep da no manakaw am manakaw sira, kapanwakwak da ambalinas sira. Am o peypeypangayan no ko nyai do teyrahem am ko ipanta inyo so to meyyonong a ikavyay no pahad nyo, kasasaray nyo rana abo so kalahen.

Loma 11:29

Ta jyablis o nakenakem na ni Ama ta do to a marilaw no nipamnekan na tao.

Loma 8:17

No manoyong o kakma tey anak ni Ama ta do to am manoyong keyyan no itoro na jyaten no makwa. So ikakman ta sang a macikasaray do Anak na si Yeso Kizisto. Ta yaten rana am no macyanod ta do alalaw na ni Kizisto am macikazway ta do azwazway na.

Cyalatay 3:29

No kamo macilovot ji Kizisto am manoyong kamo na a macikownongan ji Apolahan a omamoon so aryarilaw na ni Ama ta do to si Apolahan.

Ivoso 1:11

O makakaday do karawan am abo ji mangozay do ahahapan na sya ni Ama ta do to. So na to mangozai do nakenakem na a mapanop jyamen a amraralay ni Yeso Kizisto a tao do Yotay a akma ney anak a macikaop ji Kizisto.

Sipolay 11:7

Si Noya rana am tana ji na pa nimacita o vazay am nyamizing na o nipaziman na sya ni Ama ta do to, do kapeyhanhan na ni Ama ta do to. Ori o nipamaring na so rako a avang. Ori o nikapya da asa ka vahay do henep, do katey rako no raraten no tao do karawan. So nikanoyong ni Noya a nibnek na ni Ama ta do to abo so raraten do tangain na, ta nipeyhanhan na si Ama ta do to.

Sipolay 11:9

Tana meyvahay do matarek a ili si Apolahan am nipeyhanhan na si Ama ta do to. So nipangilili na a meyvahay do akmey sarwap. Akman sang si Isa kani Yakebo. Ta meyyangangay sira a omapanala so mina ciring na sira ni Ama ta do to.

Sipolay 6:12

Namen ji mamyapyan inyo a malma so onowned. Inarahen nyo sira o yaji macizizikna a yaomanoyong ji Ama ta do to a tao. Ta ori o ipakahap nyo so makakaday a nakem na jinyo ni Ama ta do to.

Sipolay 6:16

O tao rana do karawan am no amyan so makdeng a ciring da am manara sira so meynakem a tao a omamizing so ciring da a omagaz do ikazyak da a izavat da so masalit a vazay.

Sipolay 6:18

a ipadnadna na so nakem ta a yameyhanhan nya. Ta iya rana am jyabliblis o ahahapan na sya.

Yake 1:17

O makakaday a yatey pipya a vazay am yamamimin a yapo ji Ama ta do to a yanimangamaog so araw a kano vehan a kano mata no hanit. Iya rana am jyabliblis so pamnemnekan.

Yake 2:5

Amizngen nyo manga keypong an. Na nitenngan ni Ama ta do to sira o makasi a tao do karawan a makdeng so nakem a omraralay nya. So da ikanoyong a makahap so nakem na sira ni Ama ta do to a macikaop rana do italamozong na.

1 Pite 1:3

Isaray takamo si Ama ta do to a Ama na ni Yeso Kizisto a Panirsirngen ta. Ta yatey rako o pangangasyan na a yanimanta nyaten so vayo a onowned ta, do yana kanimapeyvangon si Yeso Kizisto do heseb na. So anoyngan ta do akman sang a oyowyat ni Ama ta do to a mapeyvangon jyaten no makwa.

1 Pite 3:7

Inyo rana mahakay a katovong da am panadnaden nyo sira o katovong nyo do vahay a mavakes, do kaji da macingayan jinyo so kolit. Ori an, kanigan nyo nira. Ta meyyangay kamo a makahap so to meyyonong a ikavyay no pahad nyo. No si mahap nyo o akman sang am abo ji na ngamizing a inozi nyo ni Ama ta do to.