Sipolay 5:8 - Seysyo No Tao

⁸ Tana Anak na ni Ama ta do to am nimasazi na o alalaw a ipeypahagnat na so nakem na a omonot ji Ama ta do to.

Sipolay 5:8 Iomraidhean Croise

Matay 3:15

Maniring si Yeso jya am, “To ta macyozai o akman sya vazay an. Ta o ikakman na sya am ahapen ta o vazay ni Ama ta do to.” Makarahan am to na rana amya ni Yowani a taktakan si Yeso.

Yowani 10:18

Abo o tao a makapehes so inawan ko, ta yaken o yatomalamozong no kawakwak ko, kaji ko a wakwakan. Nakenakem ko kangay no inawan ko. To ko ngonongonongi o keypirwa ko a mavyay, ta nakenakem ni Ama o kahap ko so akman sang a vazay.”

Yowani 15:10

No si pangozain nyo o nanao ko am manoyong kamo na mapeyyan sya do onowned nyo so pangangarilawan ko. Akman jyaken yaomonot do ciring na ni Ama a yamapeyyan sya do onowned ko so pangangarilawan na.

Yowani 4:34

Maniring si Yeso jira am, “O kanen ko am onotan ko a pakavosen o vazay no yanitomovoy jyaken.

Yowani 6:38

Ta yaken rana am ko apo do teyngato. So ko ji to mangozai do nakenakem ko. Ta ko pangozayan o nakenakem no yanitomovoy jyaken.

Veydipi 2:8

Na pavevehen o kataotao na a omamizing si Ama na a mahap so vazay ni Ama na a mangay a mawakwak do jyojika.

Sipolay 1:2

Am sicyaikwaya am o Anak na ni Ama ta do to o nimapatwaw so ciriciring na jyaten. Si Yeso o nimangamamaog so karawan no ciring na ni Ama ta do to. So nitorwan na ni Ama ta do to no makakaday do karawan eya a italamozong ni Yeso.

Sipolay 1:5

Abo asa ka tinsi a nipancyan na nya ni Ama ta do to so, “Imo am Anak ko imo an. So peylimwangan ko nimo a mapeyyama jyaken sicyaraw eya.” Akman sang ta abo asa ka tinsi a pakacirngen na so, “Ama na yaken. Iya am Anak ko.”

Sipolay 1:8

Am pagazen na ni Ama ta do to o ciring na do Anak na am, “Oyowyat mo a Tao do to a tomalamozong no tao do karawan am todangay do kaidan no karawan. Ta yaka ji mapeycyakaban so tao.

Sipolay 3:6

Akman sang si Yeso Kizisto a ji mapasala do vazay ni Ama ta do to a tomalamozong no amraralay ni Ama ta do to a tao. Am iya am Anak na ni Ama ta do to. No ji ta hayo a meyhanhan nya a omapanala so nakem na jyaten no makwa am manoyong ta macikaop ji Ama ta do to.