Sipolay 5:14 - Seysyo No Tao

¹⁴ O asa ka ciring dang am o makaveyvow o koman so cinvevekeh, ta mapeyneynara da rana. Akman so sang o makaveyvow a tao a makateneng do apya kano marahet.

Sipolay 5:14 Iomraidhean Croise

Matay 5:48

Inarahen nyo si Ama nyo do to a tey yapya so ahahapan sya.

Loma 14:1

O malma pa so onowned ji Ama ta do to a tao am makapya kamo jya so nakenakem an. Tana macitarek o ahahapan na sya am ji nyo a zyakan.

1 Kedinto 2:6

Am o yamakekdeng so nakem ji Ama ta do to am yako peylimwangan no yamakdeng a nanao. Am beken a monganay do tao do karawan o teneteneng. So ji ko makalavaci so teneteneng no panirsirngen do karawan. Ta amyan so kasaraw a kabo na no teneteneng da.

Ivoso 1:18

Ko mapasyasi ji Ama ta do to a omiwang do onowned nyo a kapakateneng nyo na do peypeypangayan no na panopan jinyo a kapanta na ninyo so to meyyonong a ikavyay no pahad nyo do teyngato. So ikatey rako na no aryarilaw na so omanoyong jya tao.

Ivoso 4:13

So ikamimin ta akmey yasa meyhanhan nya a makateneng ji Yeso a Anak na ni Ama ta do to a akmey makaveyvow a tao a makataptap rana so nanao ni Kizisto,

Veydipi 3:15

Am ori o ikamimin ta yamakdeng so nakenakem ji Ama ta do to a makateneng do akman sang an. No si macitarek o nakenakem nyo am cyaha, ta si Ama ta do to o mapananao nya jinyo.

1 Tesalonicya 5:21

Am pakanaknakmen nyo o nimamizing nyo a nanao da jinyo a kownot nyo do manoyong a nanao an.

1 Timotay 4:7

Ji mo pasngesngena o abo so peypeypangayan a katatapilan nyo a ipanci. Ta apyapya pa o kowyat mo a meypahagnat so nakenakem ji Ama ta do to.

Sipolay 6:1

Yaten rana am meypahagnat tamo rana so nakem ji Ama ta do to. Taosya o kato ta oliolyan sya amizngen so ta na katenngan a nanao ni Ama ta do to do kapamlis a manganoyong,

Yake 3:2

Abo jyaten eya o jya nimalas so vazay. Am o tao a ji mapatwaw so marahet a ciring am manoyong o akman sang a abo so karatan, do kapakapzat na do lila na kano kataotao na.