Sipolay 4:14 - Seysyo No Tao

¹⁴ Am ori o pangozayan ta do nakem ta yamraralay ni Ama ta do to. Ta yata ipeyhanhan si Yeso a ney manhama na mapatanatanang nyaten so nakem ta ji Ama ta do to. Iya rana am Anak ni Ama ta do to a yarana myan do tangain ni Ama ta do to.

Sipolay 4:14 Iomraidhean Croise

Matay 4:3

Ori o nyangay ni Satan ji Yeso. Maniring jya am, “No ka manoyong a Anak no Tao do to am pancyan pala o aro a vato a kapeyvaliw na a myanpaw.”

Make 1:1

O Mapasaray a Ciriciring na ni Yeso Kizisto a Anak na ni Ama ta do to am oya o niyapoyapwan na.

Make 16:19

Teyka na ni Yeso o aro a ciring a ipanci jira am meycyakavat rana mangay do teyngato a omlisna do wanan na ni Ama ta do to,

Locya 24:51

Ipanlanlag na sira am karwan na rana sira a meycyakavat a mangay do teyngato.

Nimlivolivon 1:11

“Inyo rana a tao do Cyadidi am ikongo nyo ipeytatanek do jya a yatomangara so hanit. Ta si Yeso eya yakomaro rana jinyo a yamangay rana do teyngato am akman sang, ta mirwa pa meysinaoli do teyrahem a maciralay do cinalab.”

Nimlivolivon 3:21

Am to ngyan pa do teyngato si Yeso a mangay no si yavaywen ni Ama ta do to o makakaday amyan do teyrahem eya. Ta oya rana am nipanci ni Ama ta do to no kakwa pa do panoyonoywan na so ciring na.

Loma 8:34

Am sino paro o yamanci no kaoya na nyaten ni Ama ta do to no makwa. Jyabo asa ka tao a. Ta si Yeso Kizisto rana nimawakwak a kapirwa na mavyay am yamyan rana do wanan na ni Ama ta do to a yameyneynozi nyaten.

2 Kedinto 12:2

Ko katenngan o keyyan no yasa ka sinjya a mina kapat so icyarwa (14) so awan a nikatkat na do teyngato ni Ama ta do to. Am ko jyatenngi kanimangay na no kataotao na, ta ala pahad na nimangay do teyngato.

2 Kedinto 9:13

O akman rana sang a ipanidong nyo so tao am ipakateneng da jinyo no aro a tao a yaomonot ji Kizisto a yaji mapasala do nanao ni Kizisto a yamanidong so tao. Am ori o da miminan so azwazway a itoro ji Ama ta do to no aro a tao.

Ivoso 4:10

O nimeygegcin do karawan am iya o nimeycyakavat do teyngato. O ikakman na sang am na itoro do tao do karawan o mapeyzokab a aryarilaw na.

Sipolay 1:8

Am pagazen na ni Ama ta do to o ciring na do Anak na am, “Oyowyat mo a Tao do to a tomalamozong no tao do karawan am todangay do kaidan no karawan. Ta yaka ji mapeycyakaban so tao.

Sipolay 10:12

Am o nipatanang na ni Kizisto a kataotao na am ipisaha. Am tey rako oyowyat na amvonas so raraten ta mangay do kaidan no karawan. So yana ilisna do wanan ni Ama ta do to.

Sipolay 10:23

Am ori o ji ta na ablisi so nakem a to ngotokot no kararalay ta ni Ama ta do to. Ta o mina ciring na jyaten ni Ama ta do to am abo kalasan na.

Sipolay 10:29

O to ngolala so Anak na ni Ama ta do to a kano rala na a makavonas so raraten na, kato na nazibo no yamanta no tao so pangangasyan a Seyzi am o akman rana sang a tao am makongo so wanjin. Naknakmen nyo pala. Jyabo kaji nakdengan no ipasingsingkad na sya ni Ama ta do to a.

Sipolay 12:2

To ta peyyononga a peyyanen do onowned ta si Yeso Kizisto. Ta iya rana am nimapapo so kapeyhanhan ta ni Ama ta do to. So ika iya na no mapeynyangavosan syaha. Ji na nikamama o jyojika do tangain na. To na nazibwan o peyleylakan da sya a wakwaken do jyojika. Ta katenngan na o kapeyvoga no sarasaray na no makwa. So na rana ilisna do wanan na ni Ama ta do to sicyaikwaya.

Sipolay 2:1

Am ori an, peyyanan ta so nimamizing ta a nanao na ni Ama ta do to do onowned ta. Ta ori o ji ta macisyai do manoyong a nanao na ni Ama ta do to.

Sipolay 2:17

O peypeypangayan no kapeyngongyod na tao ni Yeso Kizisto am amyan rana so peyneynaran na sya do alalaw no tao do karawan a kapakateneng na rana do ahahapan na sya a marilaw nyaten a mapasyasi nyaten ji Ama ta do to, do ka iya na no ney manhama na mapatanatanang nyaten so nakem ta ji Ama ta do to. Am ori o ikanoyong ta na nivonas na rana ni Ama ta do to so raraten.

Sipolay 3:1

Inyo rana akma koy kakteh do cinai a yana rana nipamnekan ni Ama ta do to a omanop jya am naknakmen nyo si Yeso a yana nitovoy ni Ama ta do to do teyrahem. Iya rana am ney manhama na mapatanatanang so nakem ta ji Ama ta do to a yata pangozayan a yamraralay ni Ama ta do to.

Sipolay 3:14

No ji ta haha so nakem ji Ama ta do to am manoyong ta macizanod ji Kizisto a mahap so vazay na.

Sipolay 6:20

Si Yeso am yarana nimanmanma a nimangay do tangain ni Ama ta do to a mapasyasi nyaten. So ikanoyong na ney manhama na mapatanatanang nyaten so nakem ta ji Ama ta do to a mangay do kaidan no karawan, akman si Mocisete.

Sipolay 6:6

Sira rana ya a to ngaro do manoyong a nanao ni Ama ta do to am abo rana o tao a makapeysinaoli so nakenakem da. Ta sira rana am akmey to da oliya o Anak ni Ama ta do to a padketen do jyojika a peyleylaken do tangain no tao.

Sipolay 7:3

Si Mocisete rana am abo do vakong o domket a ngaran no ama na kano ina na. So icyakman da sang no iteytetngehan da. So ji da nimapadkeci so araraw no cinatazak na kano cinawakwak na. So icyakma dey meyyangay a kano Anak ni Ama ta do to a mapatanatanang so nakem a mangay do kaidan no karawan.

Sipolay 8:1

O yamakdeng a yata malavat am yamyan so ney manhama na mapatanatanang nyaten so nakem ta si Ama ta do to. Iya rana am si Yeso a yamhezsad do wanan na ni Ama ta do to do teyngato.

Sipolay 9:12

Si Yeso Kizisto am ji rana mapalolo so rala no kagling a kano baka. Ta mina to na rana patananga o rala na ipatazadang na jyaten do teyngato. Am o akman rana sang a vazay am ipisa mapatanang nyaten a kakavos na rana a mangay do kaidan no karawan.

Sipolay 9:24

Jya nisomdep si Yeso do nyamaog no tao a akmey sarwap a panaralayan. Ta o nyamaog no tao am ji meyngongyod ori. Si Kizisto rana am yarana myan do teyngato a mapasyasi nyaten do tangain ni Ama ta do to.

1 Pite 3:22

Yana myan si Yeso Kizisto do teyngato a yamlisna do wanan ni Ama ta do to a yatomalamozong no tinsi. So ji da makapeysopoi do oyowyat ni Kizisto no makakaday do teyngato.