Sipolay 4:12 - Seysyo No Tao

¹² O Ciriciring na ni Ama ta do to am tey rako o oyowyat na. So ikowyowyat na pa kano matarem a takzes a to makatjip so asisi a kano totowang. So ikakman na sang so kowyowyat no Ciriciring na ni Ama ta do to a makateneng do onowned a nakenakem no tao.

Sipolay 4:12 Iomraidhean Croise

Locya 8:11

O peypeypangayan no manokos am akman so Ciriciring na ni Ama ta do to.

Yowani 12:48

O tomaosya jyaken a ji ngahap so nanao ko am pangozayan ko o ciring ko a manci no keyyan no raraten na no masasnad rana o araraw no kapeykapyapinpin na so tao ni Ama ta do to.

Yowani 6:51

Yaken rana am akma koy kanen a apo do teyngato a yapwan no to meyyonong a ikavyay no pahad nyo. O koman so kanen eya a tao am mahap da o to meyyonong a ikavyay no pahad da do teyngato. O itoro ko do tao a kanen da am kataotao ko, ta yangay ko inyo no inawan. Ori rana am ipakahap no tao so to meyyonong a ikavyay no pahad da.”

Nimlivolivon 2:37

Mamizing da no aro a tao am marahet o onowned da. Am ori o nipacicyan da si Pite a kano kararay na a nipamnekan ni Yeso a omlivolivon no ciriciring na. Maniring sira am, “Manga kakteh, makongo namen so wanjin eya.”

Nimlivolivon 4:31

Mateyka sira meynozi am todagoyogoyon o peynozyan da a kamimin da nioyatan no Seyzi. Ori o nikowyat da a meylimwang no ciriciring na ni Ama ta do to. Ori ji da rana mogawi.

Nimlivolivon 5:33

Mamizing da no panipanirsirngen am somozi sira. Am ori o ninaknakman da so kazakat da sira.

Nimlivolivon 7:38

Si Moyse o nipacisirsirngan no tinsi do tokon a meyngaran so Sinay, no keyyan da pa no ineynapo ta do kabwan no nihakawan no tao. Iya o torwan na no nivatvatkan a to meyyonong a Ciriciring ni Ama ta do to a nitaid na jyaten.

Loma 1:16

Ko ipeyhanhan o Mapasaray a Ciriciring na ni Ama ta do to. Ta ori rana am oyowyat na ni Ama ta do to a omahap so omanoyong jya tao do kapyapyan. Oya rana am manmanma a nipeylimwang do tao do Yotay a kapacitonton da no beken a tao do Yotay.

1 Kedinto 1:24

Am do tao do Yotay a kano beken a tao do Yotay a nipamnekan na ni Ama ta do to a omanoyong ji Kizisto am katenngan da si Kizisto a yanan no rako a oyowyat na ni Ama ta do to a kano teneteneng na ni Ama ta do to.

2 Kedinto 2:17

Namen jyakman so aro a tao a yamacininizpi no nanao ni Ama ta do to. Ta namen meyngongyod a nipamnekan ni Ama ta do to a yameylimwang no ciriciring na. So namen ikanoyong a yaji mangalalas so ciring a lamlamsoy na ni Kizisto.

2 Kedinto 4:2

Namen ji ngapa o macimanig a vazay. Namen ji mangalalas. Namen ji palasa o ciriciring na ni Ama ta do to, ji powziba o nanao ni Ama ta do to. Ta ipacita namen do tao o icicirawat namen, do kanoyong namen a lamlamsoy na ni Ama ta do to.

Ivoso 5:13

O apiya icicirawat nyo am ori o ipakateneng da do marahet a vazay da no meyraraten a tao a kapamlis da rana.

Ivoso 5:26

O na peyvazayan jyaten ni Kizisto am na toda ji ngamoga jyaten a yaponged na ni Ama ta do to. Nivonas na o raraten ta a kayavayo na so onowned ta, do yata kahap so ciriciring na.

Ivoso 6:17

Ipeyhanhan nyo si Ama ta do to a mapatazadang jinyo. Ta akma nyoy sakop o kapatazadang na jinyo ni Ama ta do to. Peyyanen nyo do onowned nyo o Ciriciring na ni Ama ta do to. Ta ori rana am akma nyoy cinalolot a nitoro na jinyo no Seyzi.

1 Tesalonicya 2:13

Namen masangib a yasomaray nya ji Ama ta do to. Ta o namen nipeylimwang a ciriciring na am nyo na nimamizing. Nyo na nimahap. So nyo ji mancii nya ciring no tao, ta nyo anoyngan ori a ciriciring na ni Ama ta do to. Ta o ciring ori am yaomoyat do onowned nyo a yarana omanoyong ji Yeso Kizisto.

1 Tesalonicya 5:23

Ko ipeynozi inyo ji Ama ta do to a yamanta ninyo so apiya nakenakem nyo a kapzat na do onowned nyo a kano pahad nyo a kano kataotao nyo. So ikanoyong na amzat jinyo a kabo no karatan nyo a mangay do ikeypirwa na mai ni Yeso Kizisto a Panirsirngen ta.

Sipolay 13:7

Inarahen nyo sira o nimapalololo jinyo no kakwa a nimeylimwang no ciriciring na ni Ama ta do to. Ta no kapeyigegen da pa kangay na do nikawakwak da rana am yamamimin o vazay da omagaz do da kapeyhanhan ni Yeso. So inaran nyo so kakdekdeng da meyhanhan ni Yeso.

Sipolay 6:5

Sira rana am mapeyneynara da rana o katey yapya na no ciriciring na ni Ama ta do to. So da ipakateneng do mapeyzokab a oyowyat ni Ama ta do to.

Yake 1:18

Na to mangozai o nakem na a manci nyaten akma ney anak. Ta yaten rana am ipeyhanhan ta o manoyong a nanao na. Am ori o yata iyan do ney manokdwan na do makakaday a nyamamaog na.

1 Pite 1:23

Ta inyo rana am yamyan rana jinyo so to meyyonong a Ciriciring ni Ama ta do to a ikavyay no pahad nyo.

Ipaziman 1:16

O wanan na am meypinan so apito a ka mata no hanit a somangpa so matarem a ipangan. O moing na am akman so peyignan no araw a mangowap.

Ipaziman 19:15

So nipeytotwaw no ipangan do ngongoy na. O ipangan am ibalinas na so peycyamahamahatawan. So icyakma ney vahalang so kowyowyat a tomalamozong no peycyamahamahatawan na. So icyakma ney komates so macioya jya tao a pasingsingtan na jira no tey mowyat a Tao do to.

Ipaziman 19:21

O itaysang da am nimimin na sira niwakwak no matarem a ipangan a apo do ngoso na no maoran do malavang a baka tao. So nikabobsoy da no meyyasasalap a nimanoktok so asisi da.

Ipaziman 2:16

Am ori o ipamlis nyo, ta no ji kamo mamlis am makeykai ko a mai a kabalinas ko sira no yako sangpahen a ipangan.

Ipaziman 2:23

Wakwaken ko sira o macihza jya tao, ipakatenngan da jyaken no tao do peycyakyokyokayan na a makateneng do onowned no tao. To ko palololwa do mina vazay nyo o itoro ko jinyo.

Ipaziman 20:4

Macita ko o aro a lilisnan no panirsirngen a lisnan no tao. Sira rana am mamimin sira nipanta na so oyowyat da a mapacici a mapeykapyapinpin so tao. So nipakacittan ko so pahad da no niwakwak da a meylimwang no nanao ni Yeso a kano ciriciring na ni Ama ta do to a tao. Sira rana am ji da niraralay o omalalam a kano kamamagenan na. Jidket do zozogwan da kado lima da o ngaran no omalalam. Sira rana am nimamimin sira nimirwa a mavyay a kapacizanod da ji Yeso a meypanirsirngen do asa zivo (1000) a awawan.