Sipolay 4:11 - Seysyo No Tao

¹¹ Am ori o ikowyowyat ta pa a omonot do ciriciring na ni Ama ta do to. Ta ori o ipacikaop ta ji Ama ta do to. Sino ka paro a ominara so ji nganoyong do ciriciring na ni Ama ta do to a tao a yatey marahet so vazay.

Sipolay 4:11 Iomraidhean Croise

Matay 11:12

Niminda no kapangnanao ni Yowani a na kato ngayyan nya sicyaikwaya o da kapeyyoyoba a macikaop do italamozong na ni Ama ta do to no tao, do na katey arako no oyowyat na.

Matay 7:13

“Somdep kamo do alikey a asdesdepan. Ta o asdesdepan a rarahan a meypangay do kararatan am mowvong ori a jyasalit a pangonongan. So ikaro no tao a mangonong do dang.

Locya 13:24

“Makowyat kamo a omyavayo so macicya onowned nyo. Ko pa ciring jinyo am aro tao a makza no kasdep da macikaop do italamozong na ni Ama ta do to. Am ji sira makasdep a macikaop jira.

Locya 16:16

“Oyowyat no nitaid ni Moyse a kano panoyonoywan na so ciring ni Ama ta do to am o nimanaktak a si Yowani o pamindan na a kapeylimwang rana no Mapasaray a Ciriciring, do na katalamozong ninyo ni Ama ta do to. Ta abo tao a jyakza no katalamozong na nira.

Yowani 6:27

Taosya o kaziknan nyo no ji mamayok a kanekanen. Ta apyapya pa o kaziknan nyo no kanen a yapwan no to meyyonong a ikavyay no pahad nyo. O kanen rana ori am yaken o yatomoro nya jinyo. Ta yaken a Nipamnekan na ni Ama ta do to a tao o tomoro no akman sang jinyo. Ta yarana amyan jyaken so oyowyat na ni Ama ta do to. Ori rana am yongkad na no yanitomovoy jyaken.”

Nimlivolivon 26:19

“Am ori mo Aglipa a panirsirngen, o ko to mangozai do yana nipanci jyaken ni Yeso no kapakacita ko sya.

Ivoso 2:2

No kano nang am onotan nyo pa o malas a vazay da no ji manganoyong a tao a kano ciring ni Satan a yatomalamozong no meyraraten a tao.

Ivoso 5:6

Am ori o ji nyo litai do kadwan jinyo a manci no kapya no akman sang a vazay. Ta o akman rana sang so icicirawat a tao am amyan so oyaoyyan na nira ni Ama ta do to no makwa, do kaji da niomonotan do nanao na ni Ama ta do to.

Veydipi 2:12

Manga kakteh, no kapacikaop ko pa jinyo am masangib kamo a omamizing jyaken. Am ori o ikakdekdeng nyo pa omahap so ciring ko do ikabo ko jinyo do dang an. Makapzat kamo an. Makowyowyat kamo a mahap so vazay na ni Ama ta do to. Ta ori rana am manoyong a vazay no nimamlis so nakenakem a tao.

Kelosi 3:6

O akman rana sang a vazay am peydednahen na jya o peyoyaoyyan ni Ama ta do to do akman sang a ji ngonot jya tao.

Tito 1:16

O akman rana sang a tao am o ciriciring da am akmey macyanoyong ji Ama ta do to. Am o aktokto da am ori o omalalas jya. So ikanoyong da pacioyyan na ni Ama ta do to, do kaji da ngahapan so nanao na. So ikabwata no apya vazay a peyvazain da.

Tito 3:3

Yaten rana no kakwa pa am abwata o katatenngan ta a ji mangamizing a akmey mavozaw pa so aktokto a to mangozangozay do onowned ta a makza no meycyamadadayan do karawan. So ikanoyong ta amyan pa do peyraratenan ta kano panginanehtan ta kano pasikaokaoyyan ta.

Sipolay 3:12

Inyo rana akma koy kakteh do cinai am meypepzat kamo an. Ta kalittan o onowned no tatasa jinyo a meyparai do to meyyonong a Tao do to ta a ji manganoyong.

Sipolay 3:18

Am sino sira o mina to na rana mamneki ni Ama ta do to a ji zagpit do pamahamahan da. O jya nimangamizing a tao saon am.

Sipolay 4:6

Sira rana nimanmanma makamizing so Mapasaray a Ciriciring na ni Ama ta do to am ji da nimatokod o pamahamahan da. Ta ji da nyamizing si Ama ta do to. Am o tao rana a omanoyong ji Ama ta do to am macikaop sira ji Ama ta do to.

Sipolay 6:11

O ney makdeng na yako kakzeben jinyo am mamimin kamo a jyablis so kakdekdeng so nakem a mangay no makwa. Ta ori o ipangononong no makakaday a kakdain nyo no nakem a itoro na jinyo ni Ama ta do to.

2 Pite 2:6

Nibalinas na ni Ama ta do to o tao do adwa ka ili a meyngaran so Sotoma kano Hamola. Ori o nipakasan na so apoy a itemtem na sira a ipacita na so ji manganwanoyong a tao.