Sipolay 3:12 - Seysyo No Tao

¹² Inyo rana akma koy kakteh do cinai am meypepzat kamo an. Ta kalittan o onowned no tatasa jinyo a meyparai do to meyyonong a Tao do to ta a ji manganoyong.

Sipolay 3:12 Iomraidhean Croise

Matay 16:16

Maniring si Simong Pite am, “Imo rana am Misayya ka, Anak no yato meyyonong a mavyay a Tao do to.”

Matay 24:4

Maniring si Yeso am, “Makapzat kamo an. Ji kamo a litai an.

Make 13:23

Azimanen nyo. Ta ko rana nipanmanma a ipanci jinyo o akman sang a vazay.

Make 13:33

Azimanen nyo. Yokain nyo o onowned nyo. Ta ji nyo a tenngi o ipakaranes no araraw ang.

Make 13:9

“Azimanen nyo, ta rakpen da inyo a yangay do pacicicyan a kabakbak da jinyo do peyneynozyan, do kararalay nyo nyaken. So ikanoyong nyo a meylimwang no Mapasaray a Ciriciring na ni Ama ta do to do tangain da no panirsirngen a kano meymatmatngeh no teyhesa ka mahataw.

Locya 21:8

Maniring si Yeso am, “Azimanen nyo an. Ta ji kamo a litai an. Ta mangay o keyyan no aro a tao amvood so ngaran ko a manci no, ‘Yaken am si Kizisto ko,’ a kapanci da pa no, ‘Yamasngen rana o araraw no kavosan no karawan.’ Am ji nyo ngonoci sira an.

Loma 11:21

Kakwakwan no tao do Yotay a meyngongyod akmey yangaw no kayo a na ji ingbeywani am ney manngo kamo, ta jyabo kabeywan na jinyo a, do nyo kaji manganoyngan.

1 Kedinto 10:12

Am ori an, no myan so makeylamdam so nakenakem na ji Ama ta do to a makdeng rana am meytataziman ori an. Ta kalittan an.

Kelosi 2:8

Makapzat kamo. Ji nyo ngonoci o mapeycyakawad jinyo a nanao no tao do karawan. Ta o akman rana sang a nanao am apo do tao no kakwa. So ji na monganai ji Kizisto no da ipamizing jinyo.

1 Tesalonicya 1:9

Ta yaro o tao a yamanci nya jyamen so kapiya no nitaotawwan nyo jyamen no kangay namen jinyo do dang a kano yanyo mina kakaro rana do yamalas a niraralay nyo a yarana omanod ji Ama ta do to a yaomraralay nya a yamanoyong a yamavyay a Tao do to.

Sipolay 10:31

Si Ama ta rana do to am to meyyonong a mavyay. Am ori o to da makasii no pasingsingtan na tao!

Sipolay 10:38

O tao rana a omonot do nakenakem ko am mahap da o to meyyonong a ikavyay no pahad da do kanoyong da jyaken. Am o omlikod jyaken a tao am ji ko nakzan o akman sang.’ ”

Sipolay 12:15

Makapzat kamo, ta mapehes jinyo o pangangarilawan ni Ama ta do to. Makapzat kamo, ta amlida do onowned nyo o raraten nyo. Ta no meyparako ori am makangingit so tao a meyraraten.

Sipolay 12:22

Am inyo am kamo nimai do Sian a tokon. Ori rana am to meyyonong ori a yanan na ni Ama ta do to, akmey Yelosaleng do teyngato. Do dang rana am yajyavilangi o tinsi ni Ama ta do to amraralay nya.

Sipolay 12:25

Am makapzat kamo. Ji nyo to nazibwan o ciriciring na ni Ama ta do to amnanao jinyo. Sira rana ya a to nazibo no yanipeylimwang ni Moyse a ciriciring na ni Ama ta do to am abo taywan da do peyoyaoyyan na ni Ama ta do to. No si to ta nazibwan o ciriciring na ni Ama ta do to a yapo do teyngato am teywara rana o raraten ta.

Sipolay 3:1

Inyo rana akma koy kakteh do cinai a yana rana nipamnekan ni Ama ta do to a omanop jya am naknakmen nyo si Yeso a yana nitovoy ni Ama ta do to do teyrahem. Iya rana am ney manhama na mapatanatanang so nakem ta ji Ama ta do to a yata pangozayan a yamraralay ni Ama ta do to.

Sipolay 3:10

Am ori o nioyyan ko no tao no kanang. Maniring ko rana am, ‘Da pasobnan yaken a ji ngamiznga so ciring.’

Sipolay 3:19

Tamo katenngan o kaji da nimakatokodan so pamahamahan da a angayan na jira ni Ama ta do to, do kaji da manganoyngan.

Sipolay 9:14

Kakwakwan na rana no rala no kagling a kano baka a ipanci da makavoga so nikaratan da. Imanngo rana o oyowyat no rala ni Kizisto. Ta nioyatan no Seyzi a mapatanang so abo so karatan a kataotao na ji Ama ta do to. Jyabo kaji na haraharan pa makavonas so marahet do onowned ta a ombalinas so malas a icicirawat ta. No si manoyong o kakman ta sang am manoyong ta pahanhanen na ni Ama ta do to do vazay na.