Sipolay 2:4 - Seysyo No Tao

⁴ Yakman sang, ta nioyatan na sira ni Ama ta do to a mapeyvazay so makakaday a yamapeyzokab a vazay a yongkad no kanoyong no ipangnanao da. So yana ikakman sang ni Ama ta do to a yamangozay do nakem na a yamvonong so teneteneng a kano oyowyat no Seyzi do omanoyong jya tao a isidong da so icyatatao da.

Sipolay 2:4 Iomraidhean Croise

Make 16:20

kangay da rana no nimacinanao ji Yeso a meylimwang no Mapasaray a Ciriciring na ni Ama ta do to do peycyeylilyan na. So ikanoyong ni Yeso a macikaop jira a manta nira so oyowyat da a mapeyvazay so mapeyzokab a vazay. Ori rana am yongkad no kanoyong no Mapasaray a Ciriciring na ni Ama ta do to a ipeylimwang da.]

Make 6:14

Mamizing no panirsirngen a meyngaran so Helote o aro a vazay ni Yeso a meylimwang rana do peycyeylilyan na. Maniring sira o tao am, “Iya o nimanaktak a meyngaran so Yowani a yanimirwa mavyay. Am ori o na ikatey mowyat a yamapeyvazay so mapeyzokab a vazay.”

Yowani 15:26

“O yasomidong jinyo a Seyzi am yapo ji Ama. Iya rana am mapatwaw so nanao ni Ama ta do to. So tovoyan ko sya apo ji Ama a mangay jinyo do dang a kapeylimwang na nyaken jinyo.

Yowani 4:48

Maniring si Yeso jya am, “No si macita nyo o vazay a yongkad no kayapo ko ji Ama ta do to am, ori o ipanganoyong nyo.”

Nimlivolivon 14:3

Am mownay pa dang si Pawlo a kani Parnapo. Ji sira nimamogaw a meylimwang ni Yeso. Ta nioyatan na sira ni Ama ta do to. Am aro o mapeyzokab a vazay da yongkad no ipeylimwang da pangangarilawan na ni Ama ta do to.

Nimlivolivon 4:10

naknakmen nyo a Isedi a tao an. O na nipeytatanek do tangain nyo no tao eya a nimapya rana am oyowyat no ngaran na ni Yeso a tao do Nasale a nipadket nyo do jyojika a nipirwa na avyain ni Ama ta do to.

Nimlivolivon 5:32

Am ori o namen peylimwangan no akman sya vazay. Ta yamen a kano Seyzi o yongkad na. Ta o Seyzi rana am na itoro ni Ama ta do to a macikaop do mahap so ciriciring na tao.”

Ivoso 1:5

Am ori o na sarayan nyaten ni Ama ta do to a na panopen a akma ney anak, ta yata na macikaop ji Yeso Kizisto.

Ivoso 1:9

So ta rana ipakateneng ji Kizisto akma ney kahanhanan a mapakavos so ji nitomwaw pa vazay na no kakwa.

Ivoso 4:7

Am yameykataretarek o na nitoro jyaten ni Yeso Kizisto a teneteneng ta. Am na to mangozai o nakem na a yatomoro nya jyaten.

Sipolay 6:4

Ta o yamlikod do nanao ni Ama ta do to a tao am makongo sira ori a mamlis, do katenngan da rana si Ama ta do to, a nimakahap rana so karilawan na nira ni Ama ta do to, a yanan rana no Seyzi.