Sipolay 2:17 - Seysyo No Tao

¹⁷ O peypeypangayan no kapeyngongyod na tao ni Yeso Kizisto am amyan rana so peyneynaran na sya do alalaw no tao do karawan a kapakateneng na rana do ahahapan na sya a marilaw nyaten a mapasyasi nyaten ji Ama ta do to, do ka iya na no ney manhama na mapatanatanang nyaten so nakem ta ji Ama ta do to. Am ori o ikanoyong ta na nivonas na rana ni Ama ta do to so raraten.

Sipolay 2:17 Iomraidhean Croise

Loma 15:17

Yako na macilovot ji Yeso Kizisto. Am ori o ko ikazway a yamahap so vazay na ni Ama ta do to.

Loma 5:10

No kakwa am abo o kasngesngenan ta ji Ama ta do to. Am mina kawakwak na nyaten no Anak na. Am ori o ta na ipacikaop ji Ama ta do to. No manoyong o akman sang am jyabo kaji na ngahapan jyaten a. Ta si Yeso Kizisto rana am yamyan do teyngato a yasomidong jyaten.

Ivoso 2:16

O nikawakwak na ni Kizisto do jyojika am balinasen na o kakma tey meykavosoyan. O jyojika na ni Yeso Kizisto o mapeyyanowanop jyaten, akmey asa ka tao so onowned a meyyangangay rana amraralay ni Ama ta do to.

Kelosi 1:21

No kakwa pa am abo kasngesngenan nyo ji Ama ta do to, do karahet no onowned nyo a kano vazay nyo. So nikanoyong nyo akmey mapeykavosoyan si Ama ta do to.

Sipolay 10:21

Yamyan so yata ipeyhanhan a ney manhama na mapatanatanang so nakem a mapasyasi nyaten ji Ama ta do to. Iya rana am si Yeso a yatomalamozong nyaten a macikaop jya.

Sipolay 2:11

Na nivonas o raraten no tao do karawan. So yada rana ipacingay ji Kizisto a mapeyyama si Ama ta do to no yarana nimavonas so raraten a tao. Am ori o na rana ji macimasneki nira ni Yeso a akma ney kakteh do cinai.

Sipolay 2:14

Yaten rana akma ney anak ni Ama ta do to am tao ta do karawan. So nicyakman na jyaten ni Yeso a yamyan so kataotao. Am mawakwak rana o kataotao na ni Yeso am haragen na o oyowyat ni Satan a omwakwak so tao.

Sipolay 2:16

Na ji nidonga o tinsi. Ta na sidongen yaten a sivosivovoong ni Apolahan.

Sipolay 3:1

Inyo rana akma koy kakteh do cinai a yana rana nipamnekan ni Ama ta do to a omanop jya am naknakmen nyo si Yeso a yana nitovoy ni Ama ta do to do teyrahem. Iya rana am ney manhama na mapatanatanang so nakem ta ji Ama ta do to a yata pangozayan a yamraralay ni Ama ta do to.

Sipolay 3:2

Si Yeso rana am na ji pasalai si Ama ta do to a yanimamnek jya, akman si Moyse a ji mapasala do vazay ni Ama ta do to a tomalamozong no amraralay ni Ama ta do to a tao.

Sipolay 3:5

Ji mapasalasala si Moyse a lamlamsoy ni Ama ta do to do vazay na. So ikanoyong na no ciring na ni Moyse a meylimwang no meypanam pa ciring na ni Ama ta do to.

Sipolay 4:14

Am ori o pangozayan ta do nakem ta yamraralay ni Ama ta do to. Ta yata ipeyhanhan si Yeso a ney manhama na mapatanatanang nyaten so nakem ta ji Ama ta do to. Iya rana am Anak ni Ama ta do to a yarana myan do tangain ni Ama ta do to.

Sipolay 4:15

Si Yeso Kizisto am panoyngen na yaten a tao do karawan a ji makanet so nakenakem. Ta iya rana am nimasapa na o makakaday a ilita na jya ni Satan. Am jya nikalittan. Iya am abo o raraten na.

Sipolay 5:1

O nipamnekan da no tao do Yotay a panirsirngen no mapatanatanang so nakem da si Ama ta do to am mapasyasi nira ji Ama ta do to, a mapatanang nira so makakaday a sarayan da ni Ama ta do to, kapatanang na so rala no kagling a kano baka a ivonas na so raraten da.

Sipolay 5:10

a kapamnek na ji Yeso ni Ama ta do to a ney manhama na a mapatanatanang nyaten so nakem ta ji Ama ta do to a mangay do kaidan no karawan, akman si Mocisete.

Sipolay 5:2

Amyan so karatan na no mapatanatanang so nakem da tao, ta meyyangay sira tao. Am ori o kanigan na no amyan so kalasan a tao a mapasyasi nira ji Ama ta do to.

Sipolay 5:5

Yakman sang si Kizisto a yaji nimamnek do kataotao na a panirsirngen no mapatanatanang so nakem ta si Ama ta do to, ta nakenakem na ni Ama ta do to a nimamnek jya. Ta maniring si Ama ta do to jya am, “Imo am Anak ko imo an. So peylimwangan ko nimo a mapeyyama jyaken sicyaraw eya.”

Sipolay 6:20

Si Yeso am yarana nimanmanma a nimangay do tangain ni Ama ta do to a mapasyasi nyaten. So ikanoyong na ney manhama na mapatanatanang nyaten so nakem ta ji Ama ta do to a mangay do kaidan no karawan, akman si Mocisete.

Sipolay 7:26

So yana ikanoyong ni Yeso a ney manokdwan na a ta ipeyhanhan a mapatanatanang nyaten so nakem ta ji Ama ta do to. Ta yabo na karatan a yabo so raraten. Iya rana am na nipapinpin ni Ama ta do to do yameyraraten a tao. So ikanoyong na rana ney mazway na do teyrahem a kado teyngato.

Sipolay 7:28

O nipamnekan no iwawalam ni Moyse a mapatanatanang so nakem am tao sira. So iyan no karatan da. Am o nipamnekan ni Ama ta do to a mapatanatanang so nakem am Anak na. So ikabo no karatan na. So to na meyyonongi a makasidong so tao no vazay na mangay do kaidan no karawan.

Sipolay 8:1

O yamakdeng a yata malavat am yamyan so ney manhama na mapatanatanang nyaten so nakem ta si Ama ta do to. Iya rana am si Yeso a yamhezsad do wanan na ni Ama ta do to do teyngato.

Sipolay 8:3

O vazay da no panipanirsirngen no mapatanatanang so nakem ji Ama ta do to no kakwa am patanangen da o nakem da a sarayan da ni Ama ta do to, a kapatanang da so rala no kagling a kano baka a ivonas da so raraten da. So icyakman na sang ni Yeso a mapatanang ji Ama ta do to.

Sipolay 9:11

Am yarana nimakaranes si Kizisto a ney manhama na yamapanop jyaten ji Ama ta do to a yamai no vayo a pangozayan a ciring na ni Ama ta do to. So na ikapyapya pa kano adan a pangozayan a ciring. So yana rana iyan do teyngato ni Yeso. Ta apyapya ori a kano nyamaog no tao do teyrahem a panaralayan.