Sipolay 13:9 - Seysyo No Tao

⁹ Taosya o kapeycyakawad na jinyo no makakaday a malas a nanao da no tao. Ta kapangozay nyo do pangangarilawan ni Ama ta do to a mapahadpet so onowned nyo. Ji nyo meyhanhanan o pamarmarngan da so kanen. Ta ji na sidong inyo a makahap so to meyyonong a ikavyay no pahad nyo.

Sipolay 13:9 Iomraidhean Croise

Matay 24:24

Ta amyan so tao no makwa a manci no ka si Kizisto da tao a kano malas so ipangnanao a tao. Sira rana am meyvazay sira so mapangyangyalak a vazay a ipeycyakawad da so tao. So icyakman da so sang a mapeycyakawad so nipamnekan na ni Ama ta do to a yamraralay nya tao.

Matay 24:4

Maniring si Yeso am, “Makapzat kamo an. Ji kamo a litai an.

Locya 5:38

Am ori an, o paglowan so vayo a potaw cyo do vayo a kolit no baka an.

Nimlivolivon 20:30

Ta no makwa am amyan do tangain nyo so mangononong so malas amlita do amraralay ni Yeso Kizisto a tao. No amyan so akman sang a tao am ji nyo ngonoci.

Nimlivolivon 20:32

“Sicyaikwaya am ko na to norwan inyo ji Ama ta do to. Ta ko ipeyhanhan o pangangarilawan na ni Ama ta do to a somidong jinyo a to ngotokot so nakem a meyhanhan nya. No si makman kamo sang am mahap nyo na o igeygeglaw na so omraralay nya tao.

Loma 14:17

Ta o ney makdeng na do italamozong na ni Ama ta do to am beken a monganay do kanen a kano yopen. Ta monganay do apya vazay a kano kapyapya no onowned kano sarasaray a itoro na jyaten no Seyzi.

Loma 14:2

O makdeng so onowned ji Ama ta do to a tao am abo ji da ngangana. Am o malma pa so onowned a tao am o voovoong o yakan da.

Loma 14:6

O tao rana a tongdeng do kasaraw a raralayan da ni Ama ta do to am isaray da o kapakanakem da si Ama ta do to. Akman sang o makakakan a tao, ta isaray na ji Ama ta do to o kanekanen na. O ji makakakan a tao am akman sang. Ta isaray na si Ama ta do to.

1 Kedinto 6:13

Amyan so tao a manci no, “O kanen rana am ioran do velek. O cinamaog no velek am kanen.” So ji na alasi nang. Am beken a to meyyonong o yameykadwa ya. O cinamaog ta am beken a pasagpyanen ta o kataotao ta, ta o kararalay ta ni Ama ta do to. So ikanoyong na ni Ama ta do to a mapeyveyveken jyaten.

1 Kedinto 8:8

O kanen rana ya am ji na novili ni Ama ta do to. Tana koman ta do nipazos da am tana ji ta ngan am jyablis o nakenakem na jyaten ni Ama ta do to.

2 Kedinto 1:21

O yamapait jyamen a ka ninyo a yakomdeng so nakem ji Yeso am si Ama ta do to. Nipamnekan na yaten a lamlamsoy na.

Cyalatay 6:1

Manga kakteh, inyo rana yamakdeng so nakem ji Ama ta do to am no myan so tao a to meyraraten am ji nyo anigan a pamizngen. Am taosya o kapahama nyo so onowned nyo a mapamizing sya. So ipeytataziman nyo, ta kalittan kamo.

Ivoso 4:14

a ji rana akman so kanakan, akmey azda a kano pagpag a jyatenngi so pamnemnekan a to ngonongonot so nakem do mangalalas so ciring a tao.

Ivoso 5:6

Am ori o ji nyo litai do kadwan jinyo a manci no kapya no akman sang a vazay. Ta o akman rana sang so icicirawat a tao am amyan so oyaoyyan na nira ni Ama ta do to no makwa, do kaji da niomonotan do nanao na ni Ama ta do to.

Kelosi 2:4

O ko pancyan no akman sang jinyo am ko ihawa o karwan no tao a mapeykawad jinyo no malas a ciring da.

2 Tesalonicya 2:17

Inaoy no si pasarain na o onowned nyo a kapait na jinyo a jyablis so nakenakem a mapeyvazay so meykamadadayan a apiya vazay a kapanci nyo no apiya ciriciring.

2 Tesalonicya 2:2

ji kamo tey makeykai a marahet nya so nakenakem no mamizing nyo o ipanci da no mangononong so malas do mina kapakaranes na rana no araraw na ni Yeso Kizisto a Panirsirngen ta. Tana mangamaog sira o tao so ciring a manci no kapo na do Seyzi a tana nipatolin da jyamen no tao a mapeyciring sya, tana ipanci da ciring namen do teygami am,

1 Timotay 6:20

Imo rana mo Timotay, anak ko am ahapen mo o nipakolivava ko jimo a vazay eya an. Peyyanen mo do onowned mo o vazay eya an. Ta ji mo ngapa o abwata so angangayan a ciriciring.

1 Yowani 4:1

Inyo rana manga keypong am ji nyo to peyzangkapa sira anoyngan o manci no keyyan na jira no Seyzi. Ta ileylamdamen nyo o kanoyong na, kalas na no ipanci da Seyzi a apo ji Ama ta do to. Ta yaro sira o yamangalalas no nanao da a tao.

Yota 1:12

No kamo mamarimaring so kanen am nyo pacikatamwadan sira, do da kabo no panganyanigan. So da icyakman so cinalab a yana pavyoten no pagpag a ji na maciralai no cimoy. So da icyakman so kayo a ji malasi, akmey nimasapwat so yamot a to rana oto.

Yota 1:3

Manga keypong, nimanakem ko o kapeyteygami ko ninyo a pancyan ko no kapatazadang na jyaten ni Ama ta do to do teyngato. Am apyapya pa o kavavaga ko jinyo a kowyat nyo a mangozay do nipeylimwang da rana jinyo no nipamnekan na ni Yeso a amlivolivon no ciriciring na ni Ama ta do to. Ta oya rana am yajyablis a pangozayan no amraralay nya tao.