Sipolay 13:5 - Seysyo No Tao

⁵ Ji nyo pahama o kakzan nyo no nizpi. Isaray nyo no onowned o amyan rana jinyo. Ta maniring si Ama ta do to am, “To meyyonong o kaji ko ngarwan jimo. So ji ko mapaveyvowi jimo a manta nimo so kalahen mo no nakem.”

Sipolay 13:5 Iomraidhean Croise

Matay 6:19

“Taosya o pangangagoman nyo so kangangay nyo do karawan, ta mavozsok ori, amraci ori, takawen da ori no manakaw a tao.

Matay 6:25

Maniring si Yeso do macinanao jya am, “Ko pa ciring jinyo am ji nyo a ratan o kanen nyo a kano ayob nyo. Ta maharahara pa o ipeyigegen nyo do karawan a kano kanen nyo. Meyneynakem pa o kataotao nyo a kano ayob nyo.

Matay 6:34

Am ori o ji nyo alawi no vazay nyo simaraw. Ta mapinpin o vazay simaraw. So ji mapazavozi so ikeykalaw do kasaraw.

Make 7:22

kasagpyan na so aktokto, kapangagom na, kapangalalas na, kaji na apzatan do iwawalam na, kapanginanahet na, kapanamwad na, kapahama na so nakem na, kapamait na a meyraraten.

Locya 3:14

Maniring jya o itaysang no Loma am, “Makongo namen so wanjin.” Maniring jira si Yowani am, “Ji kanyo mangap so nizpi no tao an. Ji kanyo manlita an. Ikabsoy nyo rana o ipanizpi da jinyo an.”

Locya 8:14

O nimakas do katamtamkan am akman so tao a omamizing so ciring na ni Ama ta do to am aro o ikalaw da kano ikakza da nizpi a kano meykamadadayan a ikakza no tao. Am ori o ji na meypakatkaci no onowned da ji Ama ta do to.

Loma 1:29

Yamakakaday o raraten do onowned da akman so mangagom, manginanahet, manwakwak so tao, mapatongtonggal, mangalalas a kano mangamaog no tao so ciring.

1 Kedinto 5:11

O peypeypangayan no ciring ko am ji macihza do mapasagpyan so nakenakem na, mangamkam, manaralay so malas a iraralay, mangangavain, masakisakin a kano manakaw a ji mamlis so nakenakem a sinjya. So ikanoyong no kaji nyo macihzan jira a ji macihanghang jira.

1 Kedinto 6:10

manakaw, mangamkam, masakisakin a kano manraherahet so icyatatao a kano amgacigat do tao a tomoro am o akman rana sang a tao am ji sira macikaop do italamozong na ni Ama ta do to no makwa.

2 Kedinto 4:9

Yaro tao a macioya jyamen am yamyan so tao a marilaw nyamen. No to namen jyangangay so inawan a pakakasyan da am ji namen a wakwak.

Ivoso 5:3

Ji nyo pasngesngena o mangzakza kano pangagoman nyo. Ta o akman rana sang am no peyyanen do onowned ori a kapeynyagamo nya am tey marahet o akman sang. Ta akmey anak na rana inyo ni Ama ta do to. So ikapyapya na no kasaray nyo no sidongan na jinyo ni Ama ta do to.

Ivoso 5:5

Ta o mangzakza kano mangagom a tao am ji na nalamozongan o akman sang ni Yeso Kizisto a kani Ama ta do to. Ta akma ney pahamahamahen pa o pangagoman na kani Ama ta do to.

Kelosi 3:5

Am ori o to nyo peykaboboi so marahet a ikeykakza nyo, akman so mapasagpyan so aktokto a kano makakaday a marahet a aktokto a kano mangagom. Ta o mangagom rana ya am akmey to na raralayan o kakzeben na no nakem.

1 Timotay 3:3

jyasaki, ji macililiman, apiya o nakenakem so icyatatao, ji mangamkam so nizpi.

2 Pite 2:14

Yabo da ji nitanita no mata da. Da pa ji makamyamyan o yamakakaday a yada peyraratenan. Da cirarahen sira o yaji makanet so onowned ji Ama ta do to a tao a mapasagpyan so kataotao da. Sira rana am da inaman o yada pangangagoman. So da ikanoyong a yana balinasen ni Ama ta do to.

2 Pite 2:3

Sira rana malas so ipangnanao a tao am mangamaog sira so ciriciring a ipeylimwang da ipangap da so apzapzatan no tao a ikadpeh jira. So iyan na rana no kakwa no oyyan na nira ni Ama ta do to. So ikanoyong da rana ji rana makasaway do pasingsingtan na jira ni Ama ta do to.

Yota 1:11

Sira rana am to sira makasi, ta da to nginara o mina vazay ni Kayin a kani Palang a nimakza no nizpi. So da icyakman si Kela a jya niomamizing si Moyse. So icyakman da sira ori a balinasen na ni Ama ta do to.