Sipolay 13:4 - Seysyo No Tao

⁴ Naknakmen nyo o kakdeng no meysinmo a tao. Masipanadnadnad kamo so nakem a marwarog do vahay. Ta o mapasagpyan so aktokto a tao am pasingsingtan na ni Ama ta do to.

Sipolay 13:4 Iomraidhean Croise

1 Kedinto 6:18

Am ori o ji nyo pasagpyani so kataotao nyo an. O makakaday a raraten am ji mapeykaraherahet so kataotao. Am o mapasagpyan so kataotao da am peykarehrehten da o kataotao da.

1 Kedinto 6:9

Manngwa, nyo jyatenngi o kaji da macikaopan no makwa do italamozong na ni Ama ta do to no meyraraten a tao an? Ji nyo ngalalasi o kataotao nyo an. Ta o mapeyzavozavoz so tao na, manaralay so malas a iraralay, mangzakza so icyatatao, mangzakza so kehngehngay no kolit,

1 Kedinto 7:38

Tana ipanci da o kapya no mapapapen am arakorako pa o kapyapya na no kaji mapapenan.

1 Kedinto 9:5

Jyabo kapacitarek ko do karwan namen a nipamnekan ni Kizisto a. Akman so kakteh ta si Pite a ka nira wari na ni Yeso a mapalololo so kahanghangan da mangilili.

2 Kedinto 5:10

Ta mamimin tamo eya a mangay do tangain ni Yeso Kizisto a pacicin na. To na palololwa do mina vazay ta do karawan o itoro na jyaten.

Cyalatay 5:19

Mapengkad o marahet a vazay no tao. Ta to rana tenngi do icicirawat da, akman so macimasesnek a vazay,

Cyalatay 5:21

manginanahet a kano mayoyopen so saki a kano makakaday pa a ikarahet no tao a vazay. Oya rana am nipaziman ko na jinyo no kakwa. Am yako olin pa ipanci jinyo. Ta o mapeyvazay so akman sang a tao am ji macilovot do italamozong na ni Ama ta do to.

Ivoso 5:5

Ta o mangzakza kano mangagom a tao am ji na nalamozongan o akman sang ni Yeso Kizisto a kani Ama ta do to. Ta akma ney pahamahamahen pa o pangagoman na kani Ama ta do to.

1 Tesalonicya 4:6

O akman rana sya vazay am taosya o kapasala nyo do akma nyoy kakteh do cinai an. Ta mangay o kaoya na no meyvazay so marahet a vazay ni Ama ta do to. Ori rana am nipaziman namen rana jinyo.

1 Timotay 3:12

O somidong so tomalamozong no kyokay a mahakay am asa o katovong da do vahay an. Akman sang o minapodpod jira, ta katenngan da nanawen. So ikapiya no kavavahay da.

1 Timotay 3:2

O tomalamozong rana no kyokay am abo oyaoyyan da nya no tao an. Asa o katovong na do vahay. Ji na peyzavozavoza o vazay na. So apzatan na do kataotao na, katwatonton na so vazay na. Ikanig na o icyatatao na, kasaray na manaotao so apo do teysa ka ili a tao a kateneng na mangnanao so tao,

1 Timotay 3:4

O vazay na rana do vahay da am pakapyahen na a makatalamozong no katovong na do vahay a kananao na so minapodpod jya. Ta ori o amizngen da so nanao na no minapodpod jya.

1 Timotay 4:3

Ipanci da o macivahavahay a kano mapasakay yamalas, a kapanci da no kaji nganan so karwan no kanekanen. Am o kanekanen rana am nyamamaog na ni Ama ta do to. So sarayan da nya kakan da rana sya no omanoyong ji Yeso a kano makateneng do ciriciring na.

1 Timotay 5:14

Am ori o ko apyapyan so malavayo a vao a mavakes a mirwa pa macivahavahay a mangahanas a kapeyveyveken da so kavavahay da. Ta ori o ikabo no iraherahet da jyaten no ji nganoyong ji Yeso a macioya jyaten a tao.

Tito 1:6

O tomalamozong rana no kyokay am abwata o karatan na. Asa o kahanghangan na. O ananak na am mamimin sira omanoyong ji Yeso. Abwata o iraherahet da sira no tao a kamizing da so ciring no inyapwan da.

Sipolay 12:16

Taosya o kapasagpyan nyo so aktokto nyo. Ji nyo nginara si Isaw a meyparai ji Ama ta do to a mangazaw no ngaran na kabnekan ni ama na, do kaooo na no pinaring na kanen ni wari na.

Ipaziman 22:15

Am sira rana somagpyan a kano manlita no oyowyat ni Satan a kano mangzakza so icyatatao da kano mangap so tao a kano manaralay so malas a iraralay a kano jyanoyong so ciring a kano iwawalam am mamimin sira mavezed do pantaw no ili.