Sipolay 13:20 - Seysyo No Tao

²⁰ Si Ama ta do to rana a yamanta nyaten so ikapiya no onowned ta am nipeyvangon na si Yeso a Panirsirngen ta do heseb na. Na rana nipangononongan ni Ama ta do to no rala ni Yeso o to meyyonong a pangozayan a ciring na. So na ikanoyong a tomalamozong nyaten aro a tao.

Sipolay 13:20 Iomraidhean Croise

Matay 26:28

Oya rana am rala ko a nimvoyog a omaing do aro a tao a omvonas so raraten da. O rala ko rana ya am yongkad nyo do vayo a pangozayan nyo a ciring na ni Ama ta do to.

Make 14:24

Maniring si Yeso am, “Oya rana am rala ko a nimvoyog a omaing do aro a tao. O rala ko rana ya am yongkad nyo do avayo a pangozayan nyo a ciring na ni Ama ta do to a mapatastas so omanoyong jya tao.

Locya 22:20

Mateyka sira koman am akman so sang, ta ahapen na ni Yeso o kopo a yanan no potaw cyo. Maniring am, “Oya rana am rala ko a nimvoyog a omaing jinyo a yongkad no vayo a pangozayan a ciring na ni Ama ta do to.

Yowani 10:11

“Yaken rana am akma koy mapamangamangan so kagling a makapzat do omanop jyaken a tao. Ta mangay o kangay ko no inawan no omanop jyaken a tao.

Yowani 10:14

Yaken rana am akma koy mapamangamangan so kagling a makapzat jira. Si Ama ka nyaken am namen katenngan o kadwan jyamen. Yakman sang o kagling ko yamabwang jyaken. Yaken rana am ikakza ko o kangay ko nira no inawan.

Nimlivolivon 13:30

Am nivyay na ni Ama ta do to.

Nimlivolivon 17:31

Ta na nipamnekan o araraw na ni Ama ta do to a tomovoy so nipamnekan na a mapacici so tao do teyrahem. Ta iya rana am ji mapeycyakaban so tao. So na jyalasi no kanimawakwak na a kapirwa na sya avyain ni Ama ta do to.”

Nimlivolivon 2:24

Am mina kapirwa na sya avyain ni Ama ta do to. So ikabo rana no alalaw na ikawakwak na.

Nimlivolivon 2:32

“Ta si Yeso am nivyay ni Ama ta do to. Ta yamen rana am yongkad no akman sang a vazay. Ta nimacita namen rana ori a nimavyay. So namen pancyan nya jinyo.

Nimlivolivon 3:15

Am ori o nizakatan nyo si Yeso a yapwan no to meyyonong a ikavyay no pahad. Am kanimapeyvangon na sya ni Ama ta do to. Yamen rana am yongkad na yamen a nimakacita sya.

Nimlivolivon 4:10

naknakmen nyo a Isedi a tao an. O na nipeytatanek do tangain nyo no tao eya a nimapya rana am oyowyat no ngaran na ni Yeso a tao do Nasale a nipadket nyo do jyojika a nipirwa na avyain ni Ama ta do to.

Nimlivolivon 5:30

Si Yeso rana nipadket nyo do jyojika niwakwak nyo am yana rana nivyay no Tao do to da no ineynapo ta.

Loma 1:4

No hapen do ka Tao do to na am iya o nipeyvangon na ni Ama ta do to a nimapo do heseb na. So ikanoyong na Anak na ni Ama ta do to.

Loma 10:7

“Ji mo mancyan o, ‘Sino mangay a mapeyvangon si Kizisto do heseb na.’ ”

Loma 15:33

Inaoy si macikaop jinyo si Ama ta do to a yamanta nyaten so ikapiya no onowned ta. Amin.

Loma 16:20

Si Ama ta do to o yamanta nyaten so ikapiya no onowned ta. Makeykai na rana si Satan a haragen a kabo na rana no oyowyat na amlita jinyo. Inaoy si itoro na ni Yeso Kizisto a Panirsirngen ta o pangangarilawan na jinyo.

Loma 8:11

No si myan jinyo o Seyzi na ni Ama ta do to a niomvyay si Yeso Kizisto am akman kamo sang a ipirwa na avyain ni Ama ta do to, do kowyat na jinyo no Seyzi na ni Ama ta do to.

1 Kedinto 14:33

Ta o yaomoyat jira Tao do to am beken a yamapeyzavozavoz so vazay. Ta na twatontonen o vazay na. O iwawalam do peycyakyokyokayan na am,

1 Kedinto 15:15

No si akman sang am manoyong o kapangamaog namen ni Ama ta do to so malas a ciring. Ta no namen maniring am na nivyay ni Ama ta do to si Kizisto. No manoyong o kabo no tao a mirwa a mavyay am manoyong o kaji na nimapeyvangonan si Kizisto ni Ama ta do to.

1 Kedinto 6:14

Si Ama ta do to o nimapeyvangon si Yeso do heseb na. So icyakman na sang ni Ama ta do to a mangozay do oyowyat na a mapeyvangon jyaten no makwa.

2 Kedinto 13:11

O ney manowji na yako ipanci jinyo manga kakteh am makowyowyat kamo pa mapeypahagnat so nakenakem nyo ji Kizisto an. So ahapan nyo so ivavaga ko jinyo, akman si Yeso so onowned a apiya so nakenakem do icyatatao na. Ta jyabo kaji na macitovongan jinyo no yatey rako so pangangarilawan na kano yamanta nyaten so ikapiya ta so onowned a Tao do to ta.

2 Kedinto 4:14

Namen katenngan o yanimapeyvangon si Yeso a Tao do to a mapeyvangon jyamen akman si Yeso a kamimin ta na macikaop jya do teyngato.

Cyalatay 1:1

Yaken rana am si Pawlo ko. O yako ipeyngongyod a lamlamsoy na ni Ama ta do to am beken a tao o yaniomrara jyaken a omlivolivon no ciriciring na ni Ama ta do to, ta si Yeso Kizisto a kani Ama ta do to a nimapeyvangon si Yeso Kizisto o yanitomovoy jyaken.

Ivoso 1:20

nimapeyvangon si Yeso apo do heseb na. So na rana iyan do teyngato a yaomlisna do wanan na ni Ama ta do to,

Veydipi 4:9

O nimamizing nyo a kano nimacita nyo a icicirawat ko am miminen nyo a peyvazain an. Ta ori o ipacitovong na jinyo no yamanta nyaten so ikapiya no onowned ta a si Ama ta do to.

Kelosi 2:12

Ta o peypeypangayan no da kataktak jinyo am yongkad no kapacizanod no raraten nyo a yakmey nimacikawakwak ji Kizisto. So icyakman nyo sang a akmey to nimacizanod ji Kizisto a nimirwa a mavyay, do kanoyong nyo do mapeyzokab a oyowyat na ni Ama ta do to a nimapeyvangon sya.

1 Tesalonicya 1:10

So yanyo nanalan so Anak na si Yeso Kizisto a meygegcin a apo do teyngato. Si Yeso Kizisto am nivyay na ni Ama ta do to a nimapo do heseb na. Iya o yata pakahatasan so peyoyaoyyan na ni Ama ta do to no makwa.

1 Tesalonicya 5:23

Ko ipeynozi inyo ji Ama ta do to a yamanta ninyo so apiya nakenakem nyo a kapzat na do onowned nyo a kano pahad nyo a kano kataotao nyo. So ikanoyong na amzat jinyo a kabo no karatan nyo a mangay do ikeypirwa na mai ni Yeso Kizisto a Panirsirngen ta.

2 Tesalonicya 3:16

Inaoy no si mangday na itoro jinyo o ikapiya no onowned nyo ni Yeso Kizisto. Ta iya rana am kapwan no ikapiya ta no onowned. Inaoy no si macitovong jinyo si Yeso Kizisto.

Sipolay 10:22

Am ori o ikanoyong ta jyablis so onowned a akmey nioyasan so onowned a kano kataotao a omanop ji Ama ta do to.

Sipolay 10:29

O to ngolala so Anak na ni Ama ta do to a kano rala na a makavonas so raraten na, kato na nazibo no yamanta no tao so pangangasyan a Seyzi am o akman rana sang a tao am makongo so wanjin. Naknakmen nyo pala. Jyabo kaji nakdengan no ipasingsingkad na sya ni Ama ta do to a.

Sipolay 9:20

Maniring am, “O rala rana ya am yongkad na ni Ama ta do to a manci ninyo a omahap so pangozayan a ciring na.”

1 Pite 1:21

Iya o yanyo ipakateneng rana ji Ama ta do to a nimapeyvangon sya do heseb na a nimanta nya so azwazway na. Am ori o nyo rana to ngotokoci so nakem ji Ama ta do to a omanoyong do akman sang a oyowyat na a mapeyvangon jinyo no makwa.

1 Pite 2:25

Kamo akmey mavozaw a kagling a ji makateneng do rarahan. Am na rana nipaoli inyo. So yanyo ipacilolo rana jya a yana apzatan so pahad.

1 Pite 5:4

Ta no si makaranes rana o araraw ni Yeso Kizisto a yaomaponged ninyo am manoyong o kapakahap nyo rana so yazaw na jinyo a to meyyonong a azwazway nyo do teyngato.