Sipolay 13:18 - Seysyo No Tao

¹⁸ Ji nyo amtadan yamen a ipeynozi. Ta namen anoyngan o kapya no vazay namen do tangain no tao a kani Ama ta do to.

Sipolay 13:18 Iomraidhean Croise

Nimlivolivon 23:1

Singkadan na sira ni Pawlo o macipeykaygi a tao. Maniring jira am, “Manga kakteh, o iwawalam ko no kalyalikey ko am abo pasagpyanan ko so nakenakem ko do tangain ni Ama ta do to a yato ngai sicyaraw eya an.”

Nimlivolivon 24:16

Am ori o ko ikakdekdeng a mahap so yapiya vazay do tangain ni Ama ta do to a kado tangain no tao.

Loma 12:17

Ji kamo mapatongtonggal. O ipanci no tao apiya vazay am ahapen nyo a peyvazain.

Loma 13:13

To ta peynara o icicirawat do maraw. Ji ta to ngyop so saki. Ji pasagpyana o aktokto. Ji maciskaskad. Ji manginanahet.

Loma 15:30

Manga kakteh, ko pangozayan si Yeso Kizisto a Panirsirngen ta kano Seyzi a yamanta nyaten so pangarilawan ta. Inaoy no si ipeynozi nyo yaken.

2 Kedinto 1:12

Namen isaray o na kapeypalanginan no nakenakem namen ni Ama ta do to do karawan. Am beken a teneteneng namen ori, ta namen pangozayan o teneteneng na kano pangangasyan ni Ama ta do to. Akman sang o na katey yapya no nakenakem ta so kadwan jyaten.

Veydipi 4:8

Am ori manga keypong an, ahapan nyo so apipiya vazay a isaray na ni Ama ta do to a kano ji meypareki so onowned a kano tey mazway a vazay. O akman rana sang am peyyanen nyo do onowned nyo a patwawen do icicirawat nyo.

Kelosi 4:3

Ipeynozi nyo yamen a kapeypalanginan na nyamen ni Ama ta do to a mangay meylimwang no ciriciring na. So ikanoyong na rana meylimwang no ji da pa nipatwaw no kakwa a nanao ni Kizisto. O yada aptengan jyaken sicyaikwaya am ko nyahap o vazay na ni Ama ta do to.

1 Tesalonicya 4:12

So ji nyo meyhanhani no icyatatao nyo a mapatodeh jinyo. So ikanoyong nyo a ikanig da no ji manaralay a tao.

1 Tesalonicya 5:25

Inyo akma nameney kakteh do cinai am ipeyneynozi nyo yamen an.

2 Tesalonicya 3:1

Imanowji na ko ipanci jinyo manga kakteh am ipeyneynozi nyo yamen a kakeykai na no ciriciring na ni Yeso a Panirsirngen ta a meylimwang a kanoyong da jya no tao akman jinyo a omanoyong rana jya.

1 Timotay 1:5

O agagazan no akman sang a ciriciring ko am ko kakzeben o kapakateneng da do pangangasyan da so tao apo do ji meylimoteng a onowned da a manoyong a meyhanhan ni Ama ta do to. So ikabo na no vazay da a somala do nakenakem da.

1 Pite 2:12

Ji nyo nginara o icicirawat da no ji nganoyong ji Ama ta do to a tao, ta arako o kapyapyan no iwawalam nyo a ka nira. Ta no si macita da inyo apiya so icicirawat no yatomamwad jinyo a kano yamazyak ninyo a tao am azwazwain da na si Ama ta do to no mai si Yeso Kizisto.

1 Pite 3:16

Am panalawbowen nyo o nakem nyo a tomovis do akman sang a tao. Ji kamo meylimoteng so onowned a kanig da no mapanyanig jinyo, do kapiya no icicirawat nyo a omahap so nanao ni Kizisto.

1 Pite 3:21

O henep rana am kehngehngay na no ranom a da itaktak jyaten do kyokay. Am sicyaikwa rana ya am nyo rana ipeyhanhan si Yeso Kizisto a nimirwa a mavyay a mapatazadang jinyo do teyngato. So ji na monganai do kanownaw no kataotao nyo. Ta monganay jyaten a manci nya ji Ama ta do to so kanoyong ta na mahap so vazay na.