Sipolay 13:17 - Seysyo No Tao

¹⁷ Onotan nyo o makayokod ninyo a tao do kyokay. Amizngen nyo o ciring da. Ta sira rana am da peyveyveknen o pahad nyo, do da kahap so vazay ni Ama ta do to. No si amizngen nyo sira am masasaray sira mahap so vazay ni Ama ta do to. Am no si ji nyo ngamiznga sira am meyngen o onowned da. No si akman sang am jyabo kapya nyo a.

Sipolay 13:17 Iomraidhean Croise

Locya 16:2

Mamizing no lawpan da am tawagan na a mai. Maniring jya am, ‘Yamyan so ko nimamizing a vazay mo. Itoro mo na jyaken o vatvatek no peymasaodan ko, ta ji ko na pahanhana imo a tomalamozong nya.’

Nimlivolivon 20:28

So ipeypepzat nyo an. Ahapen nyo o nitoro na jinyo no Seyzi a marilaw no kadwan jinyo. Ta sira rana am nipalit na no rala no Anak na ni Ama ta do to a yarana macikaop jya.

Loma 14:12

No si akman sang am mamimin tamo a mangay do tangain na pacicin na ni Ama ta do to no makwa.

1 Kedinto 16:16

Am ori o amizngen nyo so akman sang a tao a kano kararay da mahap so vazay na ni Ama ta do to. Amizngen nyo o yokodan da ninyo.

Ivoso 5:21

Masicyakanig kamo, akman so nakenakem nyo si Yeso Kizisto a yamanig nya.

Veydipi 1:4

Yako masaray so onowned a meynozi ninyo.

Veydipi 2:12

Manga kakteh, no kapacikaop ko pa jinyo am masangib kamo a omamizing jyaken. Am ori o ikakdekdeng nyo pa omahap so ciring ko do ikabo ko jinyo do dang an. Makapzat kamo an. Makowyowyat kamo a mahap so vazay na ni Ama ta do to. Ta ori rana am manoyong a vazay no nimamlis so nakenakem a tao.

Veydipi 2:16

a kapakateneng da do ciriciring na ni Ama ta do to a manta nira so to meyyonong a ikavyay no pahad da. Ta no si akman kamo sang am amyan rana so kakownongan no zikzikna ko jinyo no si marateng o araraw no yai na ni Kizisto.

Veydipi 2:29

Am ori an, isaray nyo a tomaotao sya, do nyo kakmey meyketeketeh do cinai. So kanigan nyo no akman sang a tao an.

Veydipi 3:18

Beken a ko ipisa inyo a yavavagan. So ko to lavii a yamapamizing jinyo an. O icicirawat da no aro a tao am yamacisala ji Kizisto a nimawakwak do jyojika. So da ikanoyong a akmey mapeykavosoyan si Yeso.

Veydipi 4:1

Am ori o ikakdeng nyo pa so onowned a meyhanhan ni Ama ta do to, manga keypong an. So ko sarayan ninyo a akma koy kakteh do cinai. Ta yamyan so kakownongan na no vazay ko jinyo. Inaoy no si macita ko pa inyo.

2 Tesalonicya 3:14

Ala amyan so tao a to nazibo no ciring namen do teygami. Am o akman rana sang a tao am azimanen nyo an. Ji kamo maciwalam jya an a kasnek na.

1 Timotay 5:17

O tomalamozong rana no kyokay a tao a makateneng do ahahapan da so vazay da do kyokay a yamowyat a meylimwang no ciriciring na ni Ama ta do to a kano mateneng amnanao so sinjya am ikanig nyo sira, kapanta nyo nira so apyahen da no nakem.

Sipolay 13:24

Ipeyminaminasi nyo pa sira o yamyokod ninyo do kyokay a tao a kapeyminaminasi nyo pa no aro a sinjya. Da ipeyminaminasi inyo no kakteh ta yapo do Itadi.

Sipolay 13:7

Inarahen nyo sira o nimapalololo jinyo no kakwa a nimeylimwang no ciriciring na ni Ama ta do to. Ta no kapeyigegen da pa kangay na do nikawakwak da rana am yamamimin o vazay da omagaz do da kapeyhanhan ni Yeso. So inaran nyo so kakdekdeng da meyhanhan ni Yeso.

Yake 4:7

Am ori an, onotan nyo ji Ama ta do to. Pasobnan nyo si Satan a kakaro na rana jinyo.

1 Pite 5:5

Inyo rana a malalavayo a tao am onotan nyo o apya ciring da jinyo no rarakeh. So ko to zagomi jinyo a yapancyan no kapaveveh nyo so aktokto nyo a somidong so vazay no kadwan jinyo. Ta maniring do Seysyo am, “Ji na nidonga ni Ama ta do to o mapahama so nakem na tao. Apyapyahen na pa sidongen sira o mapaveveh so nakem da tao.”